महायज्ञबाट संकलित रकम धुर्मुस-सुन्तली फाउन्डेसनलाई हस्तान्तरण



चितवनको रामपुरमा निर्माणाधिन अन्तर्राष्ट्रिय क्रिकेट रंगशाला निर्माणार्थ संचालन गरिएको धनधान्याचल महोत्सवमा संकलन भएको रकम हस्तान्तरण गरिएको छ ।

आज (सोमबार) रंगशाला निर्माणस्थलमा आयोजित कार्यक्रममा महायज्ञ आयोजक मूल समारोह समितिका संयोजक तथा बाग्मती प्रदेशका सांसद विजय सुवेदीले धुर्मुस–सुन्तली फाउण्डेशनका अध्यक्ष सिताराम कट्टेल धुर्मसलाई संकलन भएको रकम हस्तान्तरण गरेका हुन् ।

महायज्ञमा बोलकबोल भएको ६९ करोड ४० लाख ५६ हजार ९ सय १९ रुपैंया ६८ पैसा रकम मध्य नगद संकलन भएको ७ करोड १४ लाख ५६ हजार ६ सय ८४ रुपैंयाको चेक हस्तान्तरण गरिएको महायज्ञ आयोजक मूल समारोह समितिका महासचिव दिनेश कुमार चुकेले जानकारी दिए ।

प्रदेश र स्थानिय तहले घोषणा गरेको ५१ करोड ९२ लाख ६५ हजार २ सय ६३ रुपैंया रकम उठ्न बाँकी छ । महायज्ञमार्फत २८ हजार दाताले रंगशाला निर्माणका लागि सहयोग गरेको महायज्ञ आयोजक मूल समारोह समितिका महासचिव दिनेश कुमार चुकेले जानकारी दिए । उनले ७ बर्षदेखि १ सय २ बर्ष सम्मका नागरिकले दान गरेको बताए ।

महायज्ञमा निजी क्षेत्र,संघसस्था र नागरिकका तर्फबाट १७ करोड ४६ लाख रुपैंया सहयोगको घोषणा गरिएको समितिले जनाएको छ ।
यस्तै प्रदेश सरकारले ३० करोड, भरतपुर महानगरपालिकाले १६ करोड ७५ लाख, जिल्ला समन्वय समितिले २ करोड २२ लाख रुपैंया सहयोग गर्ने घोषणा गरेका थिए । अन्य स्थानिय तहले पनि सहयोगको घोषणा गरेका थिए ।

प्रदेश सरकारले प्रदान गर्ने ३० करोड रुपैंया बहुबर्षिय टेण्डर प्रकृया अन्तर्गत रहेर काम अघि बढाइने बाग्मती प्रदेशका सांसद विजय सुवेदीले जानकारी दिए । उनले महानगरपालिकाबाट प्रदान गर्ने रकमका सम्बन्धमा केही कानुनी जटिलता उत्पन्न भएकाले त्यसलाई सामाधान गर्दै रंगशाला निर्माणका लागि खर्च गरिने बताए ।

उनले दिल खोलेर दान गर्ने सम्पूर्ण दाताहरुलाई धन्यबाद दिए । महायज्ञमा पाँच हजार भन्दा बढि दान गर्नेहरुको स्मारिका र अन्यको वेबसाइटमा नाम र रकम उल्लेख गरिने सुवेदीले बताए । उनले तत्काल समिति विघठन भइनसकेको भन्दै रकम उठाउन र रंगशाला निर्माणमा सहयोग पु¥याउन असार मसान्तसम्म काम गर्ने जानकारी दिए ।

सो हस्तान्तरण कार्यक्रममा धुर्मुस सुन्तली फाउण्डेशनका अध्यक्ष सिताराम कट्टेल धुर्मुसले दाताहरुलाई महायज्ञमा बोले अनुसारको रकम सहयोग गर्न आग्रह गरे । उनले बन्दाबन्दीका कारण रंगशाला निर्माणको काम प्रभावित भएपनि भित्रभित्रै काम गरिरहेको बताए ।

सो अवसरमा प्रदेशसभा सदस्य कृष्ण भुर्तेल, गिता वाग्ले, भरतपुर महानगरपालिका प्रमुख रेनु दाहाल, प्रमुख प्रशासकिय अधिकृत प्रेमराज जोशी लगाएतको उपस्थिति रहेको थियो ।

( साभार – नारायणीअनलाइन )





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]