महेन्द्रनगरको पहिलो जित, प्लेअफ सम्भावना जीवित



धनगढी प्रिमियर लिग अन्तर्गत छैठौं दिनको पहिलो खेलमा महेन्द्रनगर युनाइटेडले सिवाईसी अत्तरियालाई ७ विकेटले पराजित गरेको छ। यो संगै महेन्द्रनगरले प्रतियोगितामा पहिलो जित निकाल्यो।

प्रतियोगितामा पहिलो जित निकालेको महेन्द्रनगरको यसअघि २ खेल बर्षाले रद्द भएपछी जम्मा ४ अंकसहित चौथो स्थानमा उक्लेको छ। ३ खेलबाट ५ अंक रहेको काठमाण्डौ र समान ३ खेलबाट समान ४/४ अंक भएका अत्तरिया र रुपन्देही क्रमश: तेस्रो र चौथो स्थानमा छन्। पाचौं स्थानमा रहेको विराटनगरको ४ खेलबाट ४ अंक छ।

सिवाईसी अत्तरियाले प्रस्तुत गरेको ५५ रनको लक्ष्य महेन्द्रनगर युनाइटेडले २ बल अगावै मात्र ३ विकेट गुमाएर पुरा गर्यो। महेन्द्रनगरका लागि १.४ ओभरमा सुब्रमन्यम आनन्द र मोहम्मद नाविदले १४ रनको साझेदारी गरे। नाविद एक छक्का प्रहार गरेर आउट भए।

आनन्दले शरद भेसावकरसँग १३ रनको साझेदारी गरेपछि शरदपनि ५ रनमा पेभेलियन फर्किए। तेस्रो विकेटको रुपमा आनन्द पनि १७ रन (२ चौका, १ छक्का) को व्यक्तिगत स्कोररमा आउट भए। ३ विकेटको क्षतिमा महेन्द्रनगरले ३२ रन बनाएको थियो।

चौथो विकेटको लागि आरिफ शेख र कुशल मल्लले २.२ ओभरमा अविजित २३ रनको साझेदारी गर्दै खेल आफ्नो पक्षमा पारे। आरिफले ७ बलको सामना गर्दा १ चौका र १ छक्का सहित १५ रन तथा कुशलले ८ बलमा ६ रन बनाए।

अन्तिम ओभरमा जितको लागि २ रन आबश्यक रहेपछि सन्नी पटेलले सुरुवाती २ बलमा कुशल मल्ललाई कुनैपनि रन नदिंदा खेल रोमान्चक अवस्थामा पुगेको थियो। तेस्रो बलमा कुसलले १ रन र चौथोमा आरिफले १ प्रहार गरे। बलिंगतर्फ भुवन कार्कीले १ ओभरमा २ विकेट लिंदा १८ रन खर्चिए। १ विकेट दिपेन्द्र रावतको नाममा रह्यो।

बर्षाले गर्दा ६ ओभरमा छोट्याईएको खेलमा टस जितेर पहिले ब्याटिंग रोजेको अत्तरियाले ५ विकेटको क्षतिमा ५४ रन बनाएको छ। उसका लागि ओपनिंग गर्न आएका सन्नी पटेल र जयकिशल कोल्सवालाले २.४ ओभरमा ३० रनको साझेदारी गरे। पटेलले १९ रन (११ बल, २ छक्का) र कोल्सवालाले १० रन (६ बल, १ छक्का) बनाए।

तेस्रो ओभरको अन्तिम दुई बलमा दुबै ओपनिंग ब्याट्सम्यानलाई सागर ढकालले आउट गरे। सागरले एक ओभर बलिंग गर्दै ९ रन दिएर २ विकेट हात पारे।

त्यसपछि सन्दिप जोरा ४ रन (६ बल) र कमल ऐरी एक बल खेल्दै शुन्य रनमा अभिनास बोहराले गरेको पाचौं ओभरको पहिलो र तेस्रो बलमा आउट भए। कप्तान दिपेन्द्र ऐरी पनि पाचौं विकेटको रुपमा शरद भेसावकरको बलिंगमा ४७ रनको योगफलमा आउट भए। उनले ७ बलमा १ चौका सहित १० रन बनाए।

भुवन कार्की (३ बल) र रित गौतम (२ बल, १ चौका) समान ४ रनमा अविजित रहे।

सागर ढकाल प्लेयर अफ द म्याच घोषित भए।





थप समाचार

T20WC : अफ्रिदीको घातक बलिंग, संकटमा कोहलीको उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]