महेन्द्रनगरसंग पराजित हुँदै अत्तरिया बाहिरियो, दोश्रो इलिमिनेटरमा गोल्डेन्ससंग भेट



  • विकेटनेपाल, चैत २७

महेन्द्रनगर युनाइटेड रुस्लान धनगढी प्रिमियर लिगको दोस्रो क्वालिफायरमा प्रवेश गरेको छ। मंगलबार भएको इलिमिनेटरमा सिवाइसी अत्तरियालाई १५ रनले पराजित गर्दै महेन्द्रनगर क्वालिफायरमा प्रवेश गरेको हो। योसँगै महेन्द्रनगरले दोस्रो क्वालिफायरमा काठमाडौं गोल्डेन्ससँगको भेट पक्का गरेको छ। इलिमिनेटरमा पराजित अत्तरिया भने प्रतियोगिताबाट बाहिरिएको छ।

खेलमा महेन्द्रनगर युनाइटेडले पहिले ब्याटिंग गर्दै दिएको१ सय ३१ रनको लक्ष्य पछ्याएको अत्तरिया निर्धारित २० ओभरमा ४ विकेट गुमाएर १ सय १५ रनमा सीमित रह्यो। अत्तरियाका लागि सुवास खकुरेलले ३०, विपिन चन्द्राले २८ तथा दीपेन्द्रसिंह ऐरीले २७ रन जोडे। महेन्द्रनगरका रोबिन क्षेत्रीले २ विकेट लिए।

Robeen Chhetri
Robeen Chhetri ( Man of the Match )

एक दमय ५६ रनको स्कोरमा ३ विकेट गुमाएको अत्तरियाको लागि दिपेन्द्र ऐरी र बिपिन चन्द्राले चौथो विकेटको लागि ५० रनको साझेदारी गर्दै टिमको स्कोर सय रन पार गराएका थिए। १८ औं ओभरको चौथो बलमा दिपेन्द्र ऐरीलाई करन केसीले रन आउट गरेपछि खेल महेन्द्रनगरको पक्षतिर गएको थियो।

अन्तिम २ ओभरमा अत्तरियालाई जितको लागि २३ रन आवस्यक हुँदा १९ औं ओभर बलिंग गर्दै करन केसीले मात्र ३ रन खर्चिएपछि अन्तिम ओभरमा जितको लागि २० रन चाहिएको थियो। अन्तिम ओभरमा पुनित बिस्टले पनि ४ रन मात्रै खर्चिंदा खेल महेन्द्रनगर युनाइटेडले १५ रनले जित्यो।

दिपेन्द्र ऐरी र बिपिन चन्द्राले ५० रनको साझेदारी गरे

यसअघि टस हारेर ब्याटिङको निम्तो पाएको महेन्द्रनगरले निर्धारित २० ओभरमा ७ विकेट गुमाएर १ सय ३० रन बनायो। महेन्द्रनगरका लागि आरिफ सेखले ३५ रन बनाए। ३७ बलको सामना गरेका उनले ५ चौका प्रहार गरे। यस्तै, पुनित मेहराले २६, करण केसीले २४ रनको पारी खेले। १३ बल खेलेका करणले ३ चौका र १ छक्का प्रहार गरेका थिए। बलिङमा अत्तरियाका कमलसिंह ऐरीले २ तथा कृष्ण कार्की, शुभांकर उराव, विनोद लामा, दीपेन्द्रसिंह ऐरी र विपिन चन्द्राले समान १ विकेट लिए।

खेलको म्यान अफ द म्याच सुबास खकुरेल र गौरभ चित्काराको विकेट लिएका देब्रे हाते स्पिनर रोबिन क्षेत्री घोषित भए जसले रु. १० हजार प्राप्त गरे। उनले ४ ओभरमा १६ खर्चिए।

 





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]