महिला प्रधानमन्त्री कप : सगरमाथा सिमेन्ट मुख्य प्रायोजक



पुष ११ गते शनिवार देखि दाङको लमहीमा सुरु हुने महिला प्रधानमन्त्री कप राष्ट्रिय टि-२० प्रतियोगिताको मुख्य प्रायोजन सगरमाथा सिमेन्टले गर्ने भएको छ।

नेपाल क्रिकेट संघले प्रतियोगिता सुरु हुने एक दिन अघि मात्र प्रायोजन सम्झौता गरेको हो। क्यानले सम्झौता बापत समरमाथा सिमेन्टले दिने रकम भने सार्वजनिक गरेको छ।

विकेटनेपाललाई क्यान श्रोतबाट जानकारी भए अनुसार सगरमाथाले मुख्य प्रयोजनबापत ५ लाख रुपैयाँ क्यानलाई दिनेछ।

घोराही सिमेन्टको सगरमाथा सिमेन्टले क्रिकेट प्रतियोगिताहरुमा यस अघि पनि प्रायोजन गर्दै आएको छ। यस अघि धनगढीमा सम्पन्न  २०७४ सालको प्रधानमन्त्री कप महिला राष्ट्रिय प्रतियोगितामा पनि सगरमाथा सिमेन्ट मुख्य प्रायोजक रहेको थियो। यस्तै सगरमाथा धनगढी प्रिमियर लिगमा पनि मुख्य प्रायोजक रहीसकेको छ। यस्तै एभरेष्ट प्रिमियर लिगमा भैरहवा ग्ल्याडीएटर्समा घोराही सिमेन्टको स्वामित रहेको छ।

यस अघि बिहिबार क्यानले प्रधानमन्त्री कप पुरुष र महिला दुवै प्रतियोगिताको प्रत्यक्ष प्रशारण गर्न डीश होम मेडिया नेटवर्कको याक्सन स्पोर्ट्स च्यानलसंग सम्झौता गरेको थियो। उक्त सम्झौता बापत डीश होमले क्यानलाई दिने रकम पनि सार्वजनिक गरिएको छैन।

महिला प्रधानमन्त्री कपमा ७ प्रदेश तथा विभागीय टोलि एपीएफ गरि कूल ८ टोलि सहभागी रहेका छन्। प्रतियोगिताको उद्घाटन खेलमा शनिवार विहान ९ बजे लुम्बिनी र प्रदेश नम्बर-२ ले तथा दिउसो १ बजे एपीएफ र कर्णाली प्रदेशले प्रतिस्पर्धा गर्नेछन्।

काठमाडौँमा आयोजना हुने बताइएको प्रधानमन्त्री कप पुरुष राष्ट्रिय प्रतियोगिता यस अघि पुष ११ गते सुरु हुने बताईएको भएता पनि विविध कारणले २ साता ढिला सुरु हुने बताईएको छ।





थप समाचार

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]