एसीसी टि-२० इस्टर्न : मलेसियासंग नेपाल स्तब्ध

Malaysia Cricket Team


थाईल्याण्डमा जारि एसीसी टि-२० इस्टर्न प्रतियोगिता अन्तर्गत पहिलो खेलमा नेपाली क्रिकेट टिम मलेसियासंग २२ रनले पराजित भएको छ। आजै सम्पन्न पहिलो खेलमा सिंगापुरले थाईल्याण्डलाई ४३ रनले पराजित गरेको छ।

मलेसियासंग नेपाल पराजित भएको टि-२० अन्तर्राष्ट्रिय इतिहासमा नै पहिलो पटक हो। स्कोरकार्ड  अंकतालिका 

नेपालले आगामी खेल आइतबार हंगकंगसंग खेल्नेछ। खेल नेपाली समय विहान ८:१५ बजे सुरु हुनेछ।

आयोजक थाईल्याण्ड, नेपाल, सिंगापुर, मलेसिया र हंगकंग सम्मिलित प्रतियोगितामा सबै टिमले एकअर्कासंग १/१ खेल खेलीसकेपछि अंकतालिकामा उत्कृस्ट हुने २ टिम अगस्टमा मलेसियामा हुने एसिया कप छनौट खेल्न छनौट हुनेछ।

टेर्ड थाई मैदानमा सम्पन्न खेलमा टस जितेर ब्याटिंग गर्दै मलेसियाले दिएको १ सय ५५ रनको लक्ष्य पछ्याउने क्रममा नेपालले १९.४ ओभरमा १३२ रनमा सम्पूर्ण विकेट गुमाउन पुग्यो।

नेपालको लागि दिपेन्द्र ऐरी र ज्ञानेन्द्र मल्लले समान ३८ रन तथा पवन सर्राफले १९ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

ज्ञानेन्द्र मल्लसंग ओपनिंग ब्याटिंग गर्न आएका कुशल मल्ल नखोली पहिलो ओभरमा पवनदिप सिंहबाट आउट भए पछि ब्याटिंग गर्न आएका पारस खड्का चौथो ओभरमा ९ रन बनाएर आउट भए।

तेश्रो विकेटको लागि कप्तान मल्ल र दिपेन्द्र ऐरीले तेश्रो विकेटको लागि ६६ रनको साझेदारी गरे। १३ औं ओभरमा मल्ल पवनदिपबाट क्याच आउट भए भने ऐरी पनि १६ औं ओभरमा मुनिएन्डीबाट क्याच आउट भए। त्यसपछि पवन सर्राफ १९ रन, आरिफ शेख ५ तथा करन केसी २ रन बनाएर आउट भए।

त्यसपछि नेपाल सम्हालिन सकेन र तल्लो क्रमका ब्याट्सम्यानहरुले टिमलाई जितसम्म पुर्याउन सकेनन्। बिनोद भण्डारी ७, सन्दिप लामिछाने १ तथा सुशन भारि खाता नखोली आउट भए।

मलेसियाको बलिंगमा शर्भीन मुनिएन्डीले सर्वाधिक ४ विकेट लिए। पवनदिप सिंह, इजात इडरस र हयात दुर्रानीले समान २/२ विकेट लिए।

यस अघि टस जितेर ब्याटिंग गरेको मलेसियाले २० ओभरमा ६ विकेट गुमाएर १ सय ५४ रन बनाएको थियो।

Sandeep Lamichhane

मलेसियाको लागि सयद मुबारकले सर्वाधिक ५१ रन बनाए। अविजित इनिंग खेल्ने क्रममा उनले ३५ बलमा ४ चौका र २ छक्का प्रहार गरे। अनवर अरुद्दीनले ३१, अहमद फैजले ३० तथा अमिनुदिन रामलीले २९ रन बनाए।

सन्दिप लामिछानेले नेपालको लागि सर्वाधिक ३ विकेट लिए जुन क्रममा ४ ओभरमा २२ रन खर्चिए। अविनाश बोहराले २ तथा करन केसीले १ विकेट लिए। सुशन भारि, पारस खड्का र पवन सर्राफ विकेटविहिन रहे।





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]