मलेसिया बिरुद्ध नेपालको कीर्तिमानी योगफल, विश्वरेकर्ड बनाउन चुके करन



त्रि-देशीय सिरिज अन्तर्गत लिग चरणको अन्तिम खेलमा नेपालले मलेसियालाई विशाल लक्ष्य प्रस्तुत गरेको छ।

टियु अन्तर्राष्ट्रिय मैदान किर्तिपुरमा टस हारेर ब्याटिंग गरेको नेपालले निर्धारित २० ओभरमा ७ विकेट गुमाएर २१७ रन बनाउदै मलेसियालाई २१८ रनको लक्ष्य दिएको छ।

टि-२० अन्तर्राष्ट्रिय क्रिकेटमा नेपालको यो दोश्रो ठुलो योगफल हो। सबै भन्दा धेरै नेपालले भुटान बिरुद्ध २०१९ मा २३६ रन बनाएको थियो। यस्तै मलेसिया बिरुद्ध नेपालले बनाएको यो सबैभन्दा ठुलो योगफल हो। यस अघि नेपालले मलेसिया बिरुद्ध बनाएको सर्वाधिक योगफल १७३ रन थियो। २१७ रन मलेसिया बिरुद्ध कुनै पनि टिमले बनएको दोश्रो ठुलो योगफल हो। मलेसिया बिरुद्ध सर्वाधिक रन बनाउने टिम सिंगापुर हो जसले गत वर्ष २३९ रन बनाएको थियो।

ओपनर कुशल भुर्तेल र आसिफ शेखले ३३ रनको ओपनिंग साझेदारी गरे। पाँचौ ओभरमा भुर्तेल १६ रन बनाएर मुहमद वफिकबाट क्याच आउट भए।

दोश्रो विकेटको लागि आसिफले कप्तान ज्ञानेन्द्र मल्लसंग ७३ रन जोडे। २५ बलमा ४ छक्का र १ चौका मद्दतले ४१ रन बनाएका मल्ल १२ औं ओभरमा अनवर रहमानबाट क्याच आउट भए। सोहि ओभरमा आसिफ शेख पनि एलबिडब्लु भए। आसिफले ३२ बलमा ३ चौका र ३ छक्का प्रहार गर्दै ४२ रन बनाए।

कुशल भुर्तेलले १६ रन बनाए

चौथो विकेटको लागि दिपेन्द्र ऐरी र बिनोद भण्डारीले ३७ रनको साझेदारी गरे। १६ औं ओभरमा बिनोद भण्डारी र दिपेन्द्र ऐरीलाई पेभेलियन फर्काए। बिनोद भण्डारीले ८ बलमा ८ रन बनाए भने दिपेन्द्र ऐरीले १७ बलमा ५ चौका र १ छक्का मद्दतले ३३ रन बनाए।

त्यसपछि कुशल मल्ल र करन केसीले आक्रामक ब्याटिंग गर्दै नेपालको योगफल २ सय पार गराए। करनले मोगनले गरेको १८ औं ओभरमा ४ वटा छक्का प्रहार गरे।

अन्तिम ओभरको पहिलो बलमा सयद अजिजबाट क्याच आउट हुनु अघि करन र कुशलले ६६ रनको साझेदारी गरे। करनले मात्र १३ बलमा ७ छक्का मद्दतले ४५ रन बनाए। कुशल मल्लले अविजित १९ रन बनाए जुन क्रममा १० बलमा २ छक्का प्रहार गरे।

करन केसीले ११ बलमा ४४ रन बनाएका थिए। १२ औं बलमा छक्का प्रहार गर्न सकेको भए उनि भारतका युबराज सिंह संगै टि-२० अन्तर्राष्ट्रिय क्रिकेटको सबैभन्दा छिटो अर्धशतक पुरा गर्ने ब्याट्सम्यान बन्ने थिए। १२ औं बलमा करनले १ रन लिएका थिए।

मलेसियाको बलिंगमा सयद अजिज ( १-०-४-२ )  फित्री शाम ( ४-०-३२-२ ) र अनवर रहमान ( ४-०-३७-२ ) ले समान २ विकेट लिए। मुहमद वफिकले १ विकेट लिए। स्कोरकार्ड

खेलमा नेपालले कमल सिंह ऐरी र सुशन भारिलाई अन्तिम-११ मा मौका दिएको छ। अविनाश बोहरा र शाहब आलमलाई बाहिर राखिएको छ। कमलको आज टि-२० अन्तर्राष्ट्रिय क्रिकेटमा डेब्यु खेल हो।

यो पनि पढ्नुस 

सन्दिपको ऐतिहासिक उपलब्धि, सयौं टि-२० खेल्ने पहिलो नेपाली

IPL : मोर्गनलाई १२ लाख भारु जरिवाना

पाकिस्तानको जितमा रिजवान र कादिर उत्कृस्ट





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]