मलान चम्किदा इंग्ल्यान्डको सिरिज क्लिन स्विप, बन्यो साझेदारीको नयाँ विश्वकीर्तिमान



दविड मलानले शानदार ब्याटिंग गर्दा तेश्रो टि-२० मा दक्षिण अफ्रीकालाई ९ विकेटले पराजित गर्दै इंग्ल्यान्डले सिरिज क्लिन स्विप गरेको छ।केपटाउनमा सम्पन्न खेलमा दक्षिण अफ्रीकाले दिएको १९२ रनको लक्ष्य भ्रमण टोलिले मात्र १ विकेट गुमाएर १७.४ ओभरमै पुरा गर्यो।

इंग्ल्यान्डको जितमा दविड मलानले शानदार ब्याटिंग ९९ रन बनाए। मात्र ४७ बलमा उनले ११ चौका र ५ छक्का प्रहार गरे। जोस बटलरले ४६ बलमा ३ चौका र ५ छक्का प्रहार गर्दै ६७ रन बनाए।

ओपनर जेसन रोय १६ रन बनाएर चौथो ओभरमा आउट भएपछि बटलर र मलानले दोश्रो विकेटको लागि १६७ रनको अविजित साझेदारी गर्दै जितसम्म पुर्याए।

१६७ रनको साझेदारी दोश्रो विकेटको लागि टि-२० अन्तर्राष्ट्रिय क्रिकेटमा सबैभन्दा ठूलो साझेदारी हो। यस अघि यो रेकर्ड श्रीलंकाका महेला जयवर्द्धने र कुमार संगाकाराको नाममा रहेको थियो जसले वेस्टइन्डिज बिरुद्ध २०१० मा दोश्रो विकेटको लागि १६६ रन जोडेका थिए।

दक्षिण अफ्रीकाको बलिंगमा एनरिक नोर्कियाले ( ४-०-३७-१ ) एक मात्र विकेट प्राप्त गरे।

दविड मलान प्लेयर अफ द म्याच र सिरिज दुवै चुनिए

यस अघि टस जितेर ब्याटिंग गरेको घरेलु टिमले ३ विकेट गुमाएर १९१ रन बनाएको थियो। उसको लागि भान डर डुसेनले मात्र ३२ बलमा ५ चौका र ५ छक्का प्रहार गर्दै सर्वाधिक ७४ रन तथा फाफ डु प्लेसीले ३७ बलमा ५ चौका र ३ छक्का प्रहार गर्दै ५२ रन बनाए। ओपनर क्विन्टन डीकक र बभुमा १७ र ३२ तथा रेजा हेन्डरिक्स १३ रन बनाएर आउट भएका थिए।

६४/३ को अवस्थाबाट डुप्लेसी र डुसेनले अविजित १२७ रनको अविजित साझेदारी गरेका थिए। यो साझेदारी टि-२० अन्तर्राष्ट्रिय क्रिकेटमा दक्षिण अफ्रीकाको लागि चौथो विकेटको सर्वाधिक साझेदारी हो भने समग्रमा टि-२० अन्तर्राष्ट्रिय क्रिकेटकै चौथो विकेटको लागि दोश्रो ठुलो साझेदारी हो। चौथो विकेटको लागि सबैभन्दा धेरै डेभिड वार्नर र ग्लेन म्याक्सवेलले २०१६ मा दक्षिण अफ्रीका बिरुद्ध १६१ रनको साझेदारी गरेका थिए।

इंग्ल्यान्डको बलिंगमा बेन स्टोक्सले २ ( ३-०-२६-२ ) र क्रिस जोर्डनले १ ( ४-०-४२-१ ) विकेट लिए।

प्लेयर अफ द म्याच तथा प्लेयर अफ द सिरिज दविड मलान घोषित भए। नम्बर-१ टि-२० ब्याट्सम्यान मलान दोश्रो टि-२० मा पनि प्लेयर अफ द म्याच चुनिएका थिए जुन खेलमा ५५ रन बनाएका थिए।

सिरिज अन्तर्गत इंग्ल्यान्डले पहिलो खेल ५ विकेटले तथा दोश्रो खेल ४ विकेटले जितेको थियो। डिसेम्बर ४ देखि दुइ टिम बीच तिनवटा एकदिवसीय अन्तर्राष्ट्रियको सिरिज सुरु हुनेछ। डिसेम्बर ४, ६ र ९ तारिखमा तिन वटा खेल हुनेछन्।





थप समाचार

प्रम कप : पुलिसलाई पराजित गर्दै एपीएफ फाइनलमा

नेपाल पुलिस क्लबलाई ३० रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको फाइनल प्रवेश गरेको छ। गत […]

प्रम कप : पहिलो सेमीफाइनलमा एपीएफ र पुलिस खेल्दै

प्रधानमन्त्री कप पुरुष एकदिवसीय राष्ट्रिय प्रतियोगिता अन्तर्गत पहिलो सेमी फाइनल खेलमा बुधबार दुई विभागीय टोलि शशस्त्र प्रहरी बल ( एपीएफ […]

बिग ब्यास : नेट रनरेटमा पछि पर्दै होबार्ट प्लेअफ पुग्न असफल, यस्तो रह्यो सन्दिपको प्रदर्शन

लिग चरणको अन्तिम खेलमा मेलबर्न रेनेगेड्ससंग ११ रनले पराजित भएसंगै नेपाली लेग स्पिनर सन्दिप लामिछाने सम्मिलित होबार्ट हरिकेन्सको यो सिजन […]

आयरल्याण्डविरुद्धको एकदिवसीय शृंखलामा अफगानिस्तानको ‘क्लिन स्विप’

अफगानिस्तान र आयरल्याण्डबीच जारि ३ खेलको एकदिवसीय शृंखला अन्तर्गत मंगलबार सम्पन्न अन्तिम तथा तेस्रो खेलमा ३६ रनको सहज जित दर्ता […]

६ राष्ट्रिय क्रिकेटरलाई ‘क्रिकेट बजार’ द्वारा खेल सामग्री प्रयोजन

क्रिकेट सामग्री उत्पादन गर्ने ‘क्रिकेट बजार’ ले बिभिन्न ६ जना राष्ट्रिय क्रिकेटरहरुलाई खेल सामग्री प्रयोजन गरेको छ। राष्ट्रिय क्रिकेटरहरु मेहबुब […]

राष्ट्रिय क्रिकेट टिमले कतारसंग टि-२० अन्तर्राष्ट्रिय सिरिज खेल्ने

नेपाली राष्ट्रिय क्रिकेट टिमले फेब्रुवरी ९ देखि १२ तारिख सम्म ( माघ २७ देखि ३० गते ) कतारसंग मैत्रीपूर्ण टि-२० […]