मलानले रचे इतिहास, टि-२० वरियतामा इतिहासकै उच्च अंक हाँसिल



दक्षिण अफ्रीका बिरुद्ध ३-० ले सिरिज जित दर्ता गर्ने क्रममा कुल १७३ रन बनाएका इंग्ल्यान्ड ब्याट्सम्यान दविड मलानले अन्तर्राष्ट्रिय क्रिकेट परिषदको टि-२० अन्तर्राष्ट्रिय वरियतामा इतिहासकै उच्च रेटिंग प्वाइन्ट प्राप्त गरेका छन्।

३३ वर्षीय देब्रे हाते ब्याट्सम्यानको ९१५ अंक रहेको छ। टि-२० वरियता इतिहासमा यस अघि आरोन फिंचले २०१८ जुलाईमा ९ सय अंक पहिलो पटक पार गरेका थिए।

मलान हाल वरियतामा दोश्रो स्थानमा रहेका बाबर आजम भन्दा ४४ अंकले आरामले अघि रहेका छन्। आजमलाई उछिन्दै मलान यो वर्ष सेप्टेम्बरमा पहिलो स्थानमा उक्लिएका थिए। आरोन फिन्च, केएल राहुल, रसी भान डर डुसेन, कोलिन मुनरो, ग्लेन म्याक्सवेल, ह्ज्रतुलाह, बिराट कोहली र रोहित शर्मा क्रमशः तेश्रो देखि दशौँ स्थानमा रहेका छन्।

मलानले दक्षिण अफ्रीका बिरुद्ध प्लेयर अफ द सिरिज चुनिने प्रदर्शन गरे क्रममा तेश्रो टि-२०  म्याच जिताउने ९९ रनको इनिंग खेलेका थिए जसपछि इंग्ल्यान्ड अस्ट्रेलियालाई पछि पार्दै आईसीसी टि-२० अन्तर्राष्ट्रिय टिम वरियतामा पहिलो स्थानमा उक्लेको थियो।


सिरिजको सुरुवातमा २७१ अंक रहेको इंग्ल्यान्डले अस्ट्रेलियासंग अंक बराबरी गरेको छ। दुवै टिमको २७५ अंक रहेको छ र दशमलवले मात्र इंग्ल्यान्ड अघि रहेको छ। दक्षिण अफ्रीका र न्युजिल्यान्ड पाँचौ र छैठौं स्थानमा यथावत रहंदा वरियतामा वेस्टइन्डिज अफगानिस्तान भन्दा मुनि १० औं स्थानमा पुगेको छ। न्युजिल्यान्डसंग वेस्टइन्डिज टि-२० सिरिजमा २-० ले पराजित हुन पुगेको थियो। भारत तेश्रो तथा पाकिस्तान चौथो स्थानमा रहेको छ।

इंग्ल्यान्डका जोस बटलर ७ स्थान माथि उक्लदै २१ औं स्थानमा पुगेका छन्। यस्तै उत्कृस्ट लयम रहेका दक्षिण अफ्रिकी ब्याट्सम्यान रासी भान डर डुसेन १७ स्थान उक्लदै करियरकै उच्च पाँचौ स्थानमा उक्लेका छन्। फफ डु प्लेसिस पनि कुल १२१ रन बनाउदै उत्कृस्ट २० भित्र प्रवेश गरेका छन्।

बलिंगतर्फ इंग्ल्यान्डका लेग स्पिनर आदील रशिद ७०० अंक प्राप्त गर्दै चौथो स्थानमा पुगेका छन्। राशिद करियरकै उच्च तेश्रो स्थानमा नोभेम्बर २०१८ मा पुगेका थिए।

बलिंग वरियतामा शिर्ष-७ स्थानमा सबै स्पिनरहरु रहेका छन्। तब्रेज शाम्सी पाँचौ स्थानमा रहेका छन्। राशिद खान शिर्ष स्थानमा रहेका छन् भने मुजिब उर् रहमान दोश्रो, एस्टन एगर तेश्रो स्थानमा छन्। एडम जम्पा छैठौं, मिचेल स्यान्टनर सातौँ, केन रिचर्डसन आठौँ, इमाद वासिम नवौं तथा शेल्डन कटरेल दशौँ स्थानमा छन्।





थप समाचार

प्रम कप : पुलिसलाई पराजित गर्दै एपीएफ फाइनलमा

नेपाल पुलिस क्लबलाई ३० रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको फाइनल प्रवेश गरेको छ। गत […]

प्रम कप : पहिलो सेमीफाइनलमा एपीएफ र पुलिस खेल्दै

प्रधानमन्त्री कप पुरुष एकदिवसीय राष्ट्रिय प्रतियोगिता अन्तर्गत पहिलो सेमी फाइनल खेलमा बुधबार दुई विभागीय टोलि शशस्त्र प्रहरी बल ( एपीएफ […]

बिग ब्यास : नेट रनरेटमा पछि पर्दै होबार्ट प्लेअफ पुग्न असफल, यस्तो रह्यो सन्दिपको प्रदर्शन

लिग चरणको अन्तिम खेलमा मेलबर्न रेनेगेड्ससंग ११ रनले पराजित भएसंगै नेपाली लेग स्पिनर सन्दिप लामिछाने सम्मिलित होबार्ट हरिकेन्सको यो सिजन […]

आयरल्याण्डविरुद्धको एकदिवसीय शृंखलामा अफगानिस्तानको ‘क्लिन स्विप’

अफगानिस्तान र आयरल्याण्डबीच जारि ३ खेलको एकदिवसीय शृंखला अन्तर्गत मंगलबार सम्पन्न अन्तिम तथा तेस्रो खेलमा ३६ रनको सहज जित दर्ता […]

६ राष्ट्रिय क्रिकेटरलाई ‘क्रिकेट बजार’ द्वारा खेल सामग्री प्रयोजन

क्रिकेट सामग्री उत्पादन गर्ने ‘क्रिकेट बजार’ ले बिभिन्न ६ जना राष्ट्रिय क्रिकेटरहरुलाई खेल सामग्री प्रयोजन गरेको छ। राष्ट्रिय क्रिकेटरहरु मेहबुब […]

राष्ट्रिय क्रिकेट टिमले कतारसंग टि-२० अन्तर्राष्ट्रिय सिरिज खेल्ने

नेपाली राष्ट्रिय क्रिकेट टिमले फेब्रुवरी ९ देखि १२ तारिख सम्म ( माघ २७ देखि ३० गते ) कतारसंग मैत्रीपूर्ण टि-२० […]