टि-२० विश्वकप आयोजनामा मलेसियाको नजर



आईसीसीको एसोसिएट रास्ट्र मलेसियाले भविष्यमा टि-२० विश्वकप आयोजना गर्ने इच्छा व्यक्त गरेको छ। आईसीसीको २०२३ देखि २०३१ को साइकलमा क्रिकेटको ठुलो प्रतियोगिता गर्न मलेसियाले बिड गर्ने फोर्ब्समा शुक्रबार प्रकासित एक रिपोर्टमा बताईएको छ। क्रिकेट आयोजनाको नयाँ केन्द्र बन्ने उद्देश्यका साथ मलेसियाले क्रिकेटको छोटो फर्म्याट आयोजना गर्ने बाटोमा अघि बढेको हो।

आईसीसीले टेस्ट राष्ट्र बाहेकका राष्ट्रहरुलाई विश्वकप आयोजनाको जिम्मेवारी दिने गरेको छैन। क्रिकेटलाई ग्लोबल स्पोर्ट्स बनाउने उद्देश्यमा अघि बढेको आईसीसीको उद्देश्यमा मलेसियाको प्रस्तावले सकारात्मक नतिजा ल्याउने अपेक्षा रहेको छ।

आईसीसीको अहिलेको साइकल अनुसार विश्वकप कथित ठुला रास्ट्रहरु अस्ट्रेलिया, भारत र इंग्ल्याण्डमा आयोजना हुँदै आएको छ जुन क्रिकेटको ठुलो बजार समेत हो। पछिल्लो समय अमेरिका र वेस्ट इन्डिज पनि २०२६-३० को साइकलमा आईसीसीको ठुलो प्रतियोगिता आयोजना गर्ने दौडमा रहेको छ।

मलेसियन क्रिकेट एसोसिएसनका अध्यक्ष महिन्दा भल्लीपुरमले आईसीसी समक्ष विश्वकप आयोजना गर्ने प्रस्ताव गरेको स्वीकारेका छन्-

“विश्व क्रिकेटमा समर्थकहरु लगातार बढ्ने क्रममा छन्। क्रिकेटलाई एसोसिएट राष्ट्रमा पुर्याउनु क्रिकेटको विकासको लागि प्राकृतिक कदम हो। क्रिकेटलाई पारम्परिक राष्ट्रहरु भन्दा बाहिर पनि लैजान आवस्यक छ जसले २०३१ पछिको विश्व क्रिकेटलाई ठुलो प्रभाव पार्नेछ।”

“मलाई लाग्छ मलेसिया क्रिकेट अघि बढ्नु र आयोजनाको प्रस्ताव गर्नु निकै महत्वपूर्ण कदम हो। वास्तविकताको कुरा गर्दा यो हाम्रो हातको कुरा त हैन तर मलेसिया आयोजना प्रस्ताव गर्न र आगामी साइकलमा आयोजना गर्न तयार छ।”

अध्यक्ष मल्लिपुरम दायाँ

अध्यक्ष भल्लीपुरमले टि-२० विश्वकप मलेसिया एक्लै आयोजना गर्न सक्षम रहेता पनि थाइल्याण्ड र सिंगापुरसंग मिलेर पनि आयोजना गर्न सकिने बिकल्प रहेको बताए। टि-२० अन्तर्राष्ट्रिय वरियतामा २० औं स्थानमा रहेको सिंगापुरले ५५ हजार क्षमताको स्टेडियम तयार गरिसकेको छ जहाँ क्रिकेट खेल भने आयोजना भैसकेको छैन। अर्कोतर्फ थाइल्याण्डको महिला टिमले यसै वर्ष टि-२० विश्वकप खेलीसकेको छ।

यसै वर्ष सुरुवातमा आईसीसीका सीईओ सहितको टिमले मलेसियाको भ्रमण गर्दै मलेसियाका प्रधानमन्त्री महाथिर मोहम्मदसंग समेत भेट गरेको थियो। उक्त भ्रमण पछि मलेसिया आईसीसीले आयोजनाको जिम्मा दिने कुरामा अझ विश्वासिलो रहेको छ।

मलेसियाले यस अघि पनि पाकिस्तानको घरेलु मैदान हुने प्रयास गरेको थियो भने २०१७ मा अफगानिस्तान टेस्ट राष्ट्र भएपछि पनि सोहि प्रस्ताव गरेको थियो। दुवै प्रयास असफल रहेको थियो। पाकिस्तान क्रिकेट बोर्डले २०१८ मा अस्ट्रेलियासंग दुइ वटा टेस्ट सिरिज मलेसियामा आयोजना गर्ने मनसाय व्यक्त गरेको थियो जुन सिरिज पछि युएईले आयोजना गर्यो।

“क्वालालम्पुरमा मात्र हामिसंग कम्तिमा ७ वटा मैदानहरु रहेको छ जहाँ ठुलो प्रतियोगिता आयोजना गर्न सकिन्छ। त्यहाँ अस्थाई दर्शक बस्ने ठाउँ बनाउन सकिन्छ जहाँ २५ हजार समर्थक अटाउन सक्छन्। यस्तो इंग्ल्यान्डको मैदानमा सामान्यत देख्न सकिन्छ।” अध्यक्ष भल्लीपुरमले पछिल्लो केहि वर्षमा मलेसिया ठुलो प्रतियोगिता गर्न तयार गरेको बताए।

मलेसियाको किनरारा ओभल मैदान

पहिले शारजाह एकदिवसीय अन्तर्राष्ट्रियको केन्द्र भए जस्तै भविष्यमा मलेसियाले आफुलाई टि-२० क्रिकेटको केन्द्र बनाउने सोच बनाएको भल्लिपुरमले बताए –

“सन् २००६ मा मलेसियाले भारत, अस्ट्रेलिया र वेस्टइन्डिज संलग्न सिरिज आयोजना गरेको थियो। त्यस्तै आयोजना नभए पनि कम्तिमा टि-२० अन्तर्राष्ट्रिय मान्यता पाएका १०० राष्ट्रहरुको नियमित गन्तब्य बन्न भने प्रयास गर्ने छ।”

“मलेसियामा १० महिना क्रिकेट खेल्न सकिन्छ। वर्षाको मौसममा पनि नोभेम्बर/डिसेम्बरमा पनि अवरोधका बाबजुद क्रिकेट खेल्न सकिन्छ।”

“हामिसंग राम्रो सुविधाहरु रहेका छन् जुन एसोसिएट राष्ट्रको लागि छन् तर अझै ठुलो संरचनाहरु छैनन्। हामीले यसलाई खेल र क्रिकेटको स्तरवृद्धिको हिसाबले हेरी रहेका छौँ”

मलेसियाले लामो समय देखि आईसीसी र एसीसीको प्रतियोगिताहरु सफल आयोजना गर्दै आएको छ। सन् २००८ मा मलेसियाले आईसीसी अन्डर-१९ विश्वकपको पनि सफल आयोजना गरेको थियो।

आईसीसीले छिट्टै २०२३-३१ को साइकलमा आफ्नो प्रतियोगिता आयोजकहरुको सुची सार्वजनिक गर्ने अपेक्षा गरिएको छ।

( श्रोत – फोर्व्स )





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]