“मात्र ६ बलको कुरा थियो, उनि ( इशान किशन ) ब्याटिंग गर्न जानुपर्थ्यो” – गावस्कर



बैंगलोर र मुम्बई बीच सोमबारको खेल आईपीएल इतिहासकै उत्कृस्ट प्रतिस्पर्धा मध्ये एक थियो। ४० ओभर खेल भएपछि बराबरी भएको खेल सुपर ओभरमा बिराट कोहली कप्तानीको टिमले अन्तिम बलमा जितेको थियो।

बैंगलोरले पहिलो इनिंगमा २०१ रन बनाएपछि इशान किशन र काइरन पोलार्डले अन्तिम ४ ओभरमा ७९ रन बनाउदै खेल बराबरी बनाएका थिए। तर उत्कृस्ट ब्याटिंग गर्दै ५८ बलमा ९९ रन बनाएका किशनलाई सुपर ओभरमा नपठाउने निर्णय टिम व्यवस्थापनले लियो। काइरन पोलार्ड, हार्दिक पान्ड्या र रोहित शर्मा ब्याटिंग गर्न गए। उक्त निर्णयले काम गरेन र सुपर ओभरमा मुम्बईले ६ बलमा मात्र ७ रन बनाउन सक्यो।

इशान किशनले आक्रामक ब्याटिंग गर्दै ९९ रन बनाए बनाएता पनि सुपर ओभरमा ब्याटिंग गर्न पठाइएको थिएन

कमेन्टेटर तथा पूर्व क्रिकेटर केभिन पिटरसन तथा सुनिल गावस्करले इशानलाई ब्याटिंग गर्न नगई डगाउटमा देखेपछि असन्तुष्टि व्यक्त गरे। पिटरसनले किंग्स-११ पन्जाबले दिल्लीसंग गरेको झैँ गल्ति मुम्बईले दोहोर्याएको बताए। पन्जाबले ८९ रन बनाएका मायाँक अग्रवालको स्थानमा निकोलस पुरनलाई पठाएको थियो।

“उनि ( इशान किशन ) पक्कै पनि निकै थकित भएको हुनुपर्छ जसले सुपर ओभरमा ब्याटिंग गरेनन्। मलाई लाग्छ मुम्बईले तरिका जानेन। म माफी माग्दै भन्छु कि २ मिनेट ब्याटिंग गर्नु त्यो छोटो बाउन्ड्रीमा केहि पनि हैन। म उनको हैन उनलाई ब्याटिंगमा नपठाउने निर्णयको आलोचना गर्छु। हामीले देख्यौं मायाँक अग्रवालले दिल्ली-पन्जाबको खेलमा ब्याटिंग गरेनन् फलस्वरुप पन्जाबले खेल हार्यो” पिटरसनले कमेन्ट्रिको दौरान बताए।

गावस्करले पिटरसनकै कुरामा सहमति जनाउदै किशनले ब्याटिंग गर्नुपर्ने बताए – “मलाई लाग्छ मात्र ६ बलको कुरा थियो त्यसैले उनि ब्याटिंग गर्न जानु पर्थ्यो।”

खेलपछि कुरा गर्दै मुम्बई कप्तान रोहितले इशान थकित र असहज भएकोले टिम व्यवस्थापनले उनलाई नपठाउने निर्णय गरेको बताएका थिए – “उनि पुरै थकित थिए र तयार थिएनन्। हामीले पनि उनलाई पठाउने सोचेका थियौं तर उनले ताजा महसुस गरेनन्। त्यसपछि लामो सट हिर्काउन हामीले विश्वास गर्ने हार्दिक थियो।”

सुपर ओभरमा ब्याटिंगमा इशान किशनलाई किन पठाईएन ? रोहितले बताए कारण

पोलार्ड, इशान, एबि, फिंच, पडीक्कल छोडेर भारतीय प्रशिक्षक शास्त्रीले किन गरे युवा बलरको तारिफ

IPL Match 11 : जितको भोको हैदरावादले रोक्ला दिल्लीको जित यात्रा ?





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]