माछापुच्छ्रे क्रिकेट लिगको अक्सन हुँदै, यसरी हुनेछ खेलाडीहरुको लिलामी



  • विकेटनेपाल, साउन २२

पोखरामा साउन १६ देखि २८ सम्म संचालन हुने माछापुच्छ्रे क्रिकेट लिग प्रतियोगिताको लागि खेलाडी छान्न अक्सन सुरुभएको छ l

पोखराको बाटिका होटलमा ११:३० बजेबाट सुरु भएको अक्सनमा १३५ जना खेलाडीहरु माथि बोलि लाग्नेछ l अक्सनमा सहभागी हुने खेलाडीहरु सबै गण्डकी र धौलागिरी अंचलका हुन् l

प्रतियोगितामा ६ टोलि सहभागी हुँदै छन् जसलाई कप्तानी गर्ने खेलाडीहरु घोषणा गरिसकिएको छ l प्रत्येक टिमको कप्तानहरुले रु. १० हजार पाउनेछन् भने अन्य खेलाडीहरुको मूल्य अक्सनमा तोकिनेछ l

टिम , कप्तान र मालिक 

१. माछापुच्छ्रे लायन्स  – कप्तान – दिपेश खत्री ( माछापुच्छ्रे क्रिकेट क्लब )
२. भीएम वारियर्स – कप्तान – विजय बिके ( बिनोद महर्जन )
३. डाउन टाउन लायन्स पोखरा – कप्तान – राजु गुरुङ ( लायन्स डाउन टाउन पोखरा )
४. इन्फरम्याटिक्स कलेज चिता – कप्तान – प्रविन ढकाल (  इन्फरम्याटिक्स कलेज )
५. परवान टाईटन्स – कप्तान – राजु थापा ( रेशम केसी )
६. केकेएएएफ स्यांग्जा च्यालेन्जर्स – कप्तान – दिवाकर थापा ( खुलुंग एग्रो फार्म स्यांग्जा )

कसरि हुनेछ अक्सन 

  • एउटा टिमले अक्सनमा रु. ४०,००० सम्म खर्च गर्न पाउनेछ l
  • खेलाडीको निम्नतम मूल्य रु. १ हजार देखि सुरु हुनेछ भने अधिकतम रु. २० हजारमा खरिद गर्न पाउनेछ
  • १४ जना खेलाडीलाई एक टिमले अधिकतम रु. ४०,००० सम्म खर्च गरि किन्न पाउनेछ l
  • पुर्ब घोषित कप्तानले १० हजार रुपैयाँ पाउनेछ l

बिजेता टिमले ३ लाख र उपविजेता टोलिले २ लाख रुपैयाँ पुरस्कार पाउने प्रतियोगिताको प्रत्येक म्यान अफ द म्याचले २ हजार रुपैयाँ पाउनेछ भने फाइनल खेलको म्यान अफ द म्याचले ५ हजार रुपैयाँ पाउनेछ l प्रतियोगिताको उत्कृस्ट खेलाडीले रु. २० हजार तथा बेस्ट बलर/ब्याट्सम्यानले १० हजार रुपैयाँ पुरस्कार पाउनेछ l

प्रतियोगिताका सम्पूर्ण खेलहरु माछापुच्छ्रे क्रिकेट क्लब मैदान पोखरामा हुनेछ l

लिग अन्तर्गत पहिलो चरणमा ६ टिमले एक-अर्कासंग प्रतिस्पर्धा गर्नेछन् l लिग चरणबाट उत्कृस्ट ४ टोलि प्ले अफ चरण प्रवेश गर्नेछन् l लिगको उत्कृस्ट २ टिम बीच खेलको बिजेता सिधा फाइनल प्रवेश गर्नेछ भने उक्त खेलमा हार्ने टिमले लिगमा तेश्रो र चौथो टिम बीच भएको खेलको बिजेतासंग दोश्रो क्वालिफायर खेल खेल्नेछ जुन खेलको बिजेता फाइनल प्रवेश गर्नेछ l





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]