भदौ २० देखि माछापुच्छ्रे क्रिकेट लिग, अक्सनमा आधारित अर्को प्रतियोगिता



  • विकेटनेपाल, भदौ १६

यही भदौ २० गते देखि ३१ गते सम्म पोखरामा माछापुच्छ्रे क्रिकेट लिग टि-२० आयोजना हुने भएको छ l

माछापुच्छ्रे क्रिकेट क्लब र खुकुरी इन्टरटेन्मेन्टको आयोजनामा हुने प्रतियोगितामा अक्सनको आधारमा खेलाडी छनौट गरिएको थियो l यस अघि साउन १६ देखि आयोजना हुने भनिएको प्रतियोगिता वर्षाको कारण सारिएको हो l

शुक्रबार राजधानीमा आयोजित पत्रकार सम्मेलनमा प्रतियोगिताको घोषणा गर्दै  खुकुरी इन्टरटेन्मेन्टका निर्देशक विनायक बिक्रम थापाले स्थानीय खेलाडीहरुको विकास गर्ने उद्देश्यले प्रतियोगिता आयोजना गरिएको बताएका छन् l प्रतियोगितालाई रास्ट्रिय खेलकुद परिषदले सहयोग गर्ने छ भने स्पन्सर ड्रिंकले मुख्य प्रायोजन गर्नेछ l

निर्देशक थापाका अनुसार प्रतियोगिताको कुल बजेट २५ लाख रुपैयाँ रहेको छ l सहभागी टिमहरुले प्रतियोगिता अधिकतम २ लाख रुपैयाँ खर्चिने उनले जानकारी दिएका छन् l लिगको बिजेता टिमले ३ लाख र उपविजेता टोलिले १ लाख ५० हजार रुपैयाँ पुरस्कार पाउने छ l

६ टोली सहभागी हुने लिगको प्रत्येक खेलको म्यान अफ द म्याचले २ हजार रुपैयाँ पाउनेछ भने फाइनल खेलको म्यान अफ द म्याचले ५ हजार रुपैयाँ पाउनेछ l प्रतियोगिताको उत्कृस्ट खेलाडीले रु. २० हजार तथा बेस्ट बलर/ब्याट्सम्यानले १० हजार रुपैयाँ पुरस्कार पाउनेछ l

प्रतियोगिताका सम्पूर्ण खेलहरु माछापुच्छ्रे क्रिकेट क्लब मैदान पोखरामा हुनेछ l

प्रतियोगिताको लागि खेलाडीहरुको चयन अक्सन मार्फत साउनमा गरीसकिएको छ l अक्सनमा पोखराका सुदिप पौडेल १० हजार रुपैयाँमा खरिद भएका थिए l अक्सनमा कुल १४१ खेलाडी सहभागी थिए l खेलाडीको खरिद मूल्य न्यूनतम १ हजार रुपैयाँ देखि सुरु थियो भने अधिकतम एउटा खेलाडीमा रु. २० हजारसम्म टिमले खर्च गर्न पाउने नियम थियो l

सहभागी ६ वटा टिमले अक्सनमा १४ खेलाडी खरिद गर्न ४० हजार रुपैयाँ मात्र खर्च गर्न पाउने नियम थियो l

लिग अन्तर्गत पहिलो चरणमा ६ टिमले एक-अर्कासंग प्रतिस्पर्धा गर्नेछन् l लिग चरणबाट उत्कृस्ट ४ टोलि प्लेअफ चरण प्रवेश गर्नेछन् l लिगको उत्कृस्ट २ टिम बीच खेलको बिजेता सिधा फाइनल प्रवेश गर्नेछ भने उक्त खेलमा हार्ने टिमले लिगमा तेश्रो र चौथो टिम बीच भएको खेलको बिजेतासंग दोश्रो क्वालिफायर खेल खेल्नेछ जुन खेलको बिजेता फाइनल प्रवेश गर्नेछ l

नोट ( सच्याइएको – यो भन्दा अघि भदौ २० हुनुपर्नेमा असोज २० लेखिएको थियो जुन सच्याइएको छ l )

टिम , कप्तान र मालिक 

१. माछापुच्छ्रे लायन्स  – कप्तान – दिपेश खत्री ( माछापुच्छ्रे क्रिकेट क्लब )
२. भीएम वारियर्स – कप्तान – विजय बिके ( बिनोद महर्जन )
३. डाउन टाउन लायन्स पोखरा – कप्तान – राजु गुरुङ ( लायन्स डाउन टाउन पोखरा )
४. इन्फरम्याटिक्स कलेज चिता – कप्तान – प्रविन ढकाल (  इन्फरम्याटिक्स कलेज )
५. परवान टाईटन्स – कप्तान – राजु थापा ( रेशम केसी )
६. केकेएएएफ स्यांग्जा च्यालेन्जर्स – कप्तान – शोभाकान्त ढकाल  ( खिन्लुंग कालिका एग्रो फार्म स्यांग्जा )

टिम र खेलाडीहरु 





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]