ढाकामा युवा टिमलाई मेडिकल सोसाइटीको स्वागत, खेल हेर्न स्टेडियम पुग्न प्रशिक्षक दासको आह्वान

Nepal U19 Cricket Team


  • विकेटनेपाल, १२ असोज  – ढाका -बंगलादेश 

२९ सेप्टेम्बर शनिबार देखि बंगलादेशमा सुरु हुने यु-१९ युथ एसिया कप खेल्न ढाका पुगेको नेपाली युवा टिमलाई नेपाल-बंगालदेश मेडिकल वेलफेयर सोसाइटीले स्वागत गरेको छ।

प्रतियोगितामा सहभागी हुन नेपाली टिम बिहिबार बंगलादेश पुगेको थियो र शनिबार भारतसंग पहिलो खेल खेल्ने कार्यक्रम रहेको छ। भारतसंगको खेल ढकाको बिकेएसपी-३ मैदानमा ८:४५ बजे ( नेपाली समय ) बाट सुरुहुनेछ।

वेलफेयर सोसाइटीले खेलाडीहरुलाई पान पसिफिक होटलमा एक कार्यक्रम आयोजना गर्दै स्वागत तथा सुभकामना प्रदान गरेको हो। कार्यक्रममा टिमको ब्यबस्थापक समेत रहेका पुर्व राष्ट्रिय क्रिकेटर शक्ति गौचन र मुख्य प्रशिक्षक तथा राष्ट्रिय टिमका पुर्व कप्तान बिनोद दासलाई सोसाइटीका सदस्य सम्राट पराजुलीले बिशेष सम्मान गर्नु भएको थियो।

 

बंगालदेश मेडिकल वेलफेयर सोसाइटीका अध्यक्ष रजनीश अधिकारीले कार्यक्रममा बोल्दै कार्यक्रम गर्नुको उद्देश्य नेपाली युवा टिमलाई प्रोत्साहन गर्नु र टिमलाई बंगलादेशमा पनि पर्याप्त समर्थन छ भन्ने महसुस गराउनु रहेको बताउनु भयो।

यस्तै प्रशिक्षक बिनोद दासले सोसाइटीले गरेको समर्थक र कार्यक्रमको तारिफ गर्दै बंगलादेश नेपाली क्रिकेटको दोश्रो घर जस्तै महसुस गरेको भवना समेत ब्यक्त गर्नुभयो।  प्रशिक्षक दास र अध्यक्ष अधिकारीले बंगलादेशमा रहेका बिद्यार्थी र अन्य सबैलाई समेत नेपाली युवा टिमलाई मैदानमै पुगी समर्थन गर्न कार्यक्रम मार्फत आव्ह्वान गर्नु भएको थियो।

सोसाइटीले कार्यक्रममा नेपाली टिमको प्रतिनिधित्व गरेका उप-कप्तान कमल सिंह ऐरिलाई तथा समग्र नेपाली टिमलाई मायाको चिनो समेत प्रदान गर्यो। कार्यक्रम पछि विकेटनेपालसंग कुरा गर्दै सोसाइटीका अध्यक्ष रजनीश अधिकारीले आगामी दिनमा पनि नेपाली टिमलाई निरन्तर समर्थन गरिरहने बताउनु भयो।

प्रतियोगितामा ८ राष्ट्रहरु सहभागी हुनेछन् जसलाई २ समुहमा बिभाजन गरिएको छ। नेपाल समुह ‘ए’ मा रहेको छ जुन समुहमा साविकको विजेता अफगानिस्तान, भारत र युएई रहेका छन्। यस्तै समुह ‘बि’ मा आयोजक बंगलादेश, हंगकंग, पाकिस्तान र श्रीलंका रहेका छन्। प्रतियोगिताको खेलहरु ढाका र चिटागोंगमा हुनेछ। २ वटा समुहबाट उत्कृस्ट २ हुने ४ टिमहरु सेमीफाईनल खेल्न छनौट हुनेछन्। अक्टोबर ४ र ५ तारिकमा सेमीफाईनल र अक्टोबर ७ तारिकमा फाईनल खेलिनेछ।

नेपालको खेल तालिका :- सेप्टेम्बर २९ Vs भारत, अक्टोबर १ Vs अफगानिस्तान, अक्टोबर २ Vs युएई

नेपाली टिम :- आसिफ शेख ( कप्तान ) , कमल सिंह ऐरि ( उप कप्तान ), रोहित पौडेल , रभी शाह, नन्दन यादब, रित गौतम,पवन शर्राफ, रबिन्द्र जंग शाही, राशिद खान,भिम शार्की,तृत राज दास, सन्दिप जोरा, सागर ढकाल,अरुन ऐरि, सुर्य तामांग





थप समाचार

PSL : लाहोरलाई पराजित गर्दै इश्लामावाद शिर्षमा

लाहोर कलन्दर्सलाई २८ रनले पराजित गर्दै इश्लामावाद युनाइटेड पाकिस्तान सुपर लिग अंकतालिकाकको शिर्ष स्थानमा उक्लेको छ। अबुधबी स्थित शेख जायद […]

न्युजिल्यान्डको २२ वर्षे प्रतीक्षा समाप्त

घरेलु टोलि इंग्ल्यान्डलाई दोश्रो टेस्टमा ८ विकेटले सहजै पराजित गर्दै न्युजिल्यान्डले दुई वटा टेस्टको सिरिज १-० ले आफ्नो पक्षमा पारेको […]

फिल्डिंगको क्रममा टाउको ठोकिंदा डु प्लेसी अस्पताल भर्ना

युएईमा जारि पाकिस्तान सुपर लिगको लगातार दोश्रो दिन ठूलो दुर्घटना भएको छ। शुक्रबार क्वेटा ग्ल्याडीएटर्सका ब्याट्सम्यान आन्द्रे रसेलको टाउकोमा चोट […]

इंग्ल्यान्डलाई झिनो अग्रता

न्युजिल्यान्ड र इंग्ल्यान्ड बीच एजब्यास्टनमा जारी टेस्टको तेश्रोको दिन समाप्तिमा घरेलु टोलि इंग्ल्यान्ड हार नजिक पुगेको छ। पहिलो इनिंग्समा ८५ […]

PSL : सरफराज कप्तानीको क्वेटाको छैठौं हार, मिलरको आक्रामक ब्याटिंग

युएईमा जारी पाकिस्तान सुपर लिग अन्तर्गत १९ औं खेलमा वहाव रियाज कप्तानीको पेशावर जाल्मीले चौथो जित दर्ता गर्ने क्रममा क्वेटा […]

PSL : मिलर, पावेल र अकमल चम्किदा पेशावरको विशाल योगफल

युएईमा जारि पाकिस्तान सुपर लिग अन्तर्गत १९ औं खेलमा पेशावर जाल्मी र क्वेटा ग्ल्याडीएटर्स प्रतिस्पर्धा गरिरहेका छन्। शेख जायद स्टेडियम […]