Home - लेख - मेहबुबको त्यो १० विकेट: १० बर्षपछि फर्केर हेर्दा

लेख

मेहबुबको त्यो १० विकेट: १० बर्षपछि फर्केर हेर्दा

Wicketnepal Staff
Editor
mehaboob alam
  • 4.2K
  •  
  •  
  •  
  •  
  •  
    4.2K
    Shares

  • विकेटनेपाल, बैशाख ११ – शुक्रबार

मेहबुब आलम लिमिटेड ओभरको क्रिकेटको एकै इनिंगमा १० विकेट लिने विश्वकै पहिलो बलर हुन् । उनले सन् २००८ मे २५ अर्थात अंग्रेजी मिति आजकै दिन विश्व क्रिकेट लिग डिभिजन ५ को खेलमा मोजाम्बिक बिरुद्द यस्तो किर्तिमान रचेका हुन् ।

प्रतियोगितामा २४ मे मा हुनुपर्ने खेल बर्षाको कारणले २५ मे मा हुन पुग्यो जहाँ आलमले कीर्तिमानी बलिंग गर्दै विश्व क्रिकेटमा तहल्का मच्चाएका थिए । उक्त ऐतिहासिक समयको १० वर्षपछी उनको किर्तिमानलाई फर्केर हेर्दा:

खेलमा टस हारेर पहिले ब्याटिंग गरेको नेपालले ज्ञानेन्द्र मल्लको ७१ रन र पारस खड्काको ४४ रनको मद्दतमा निर्धारित ५० ओभरमा ७ विकेट गुमाएर २३८ रन बनाएको थियो । मोजाम्बिकका लागि आसिफ कोलियाले ३ विकेट लिन ४९ रन खर्चिएका थिए । (स्कोरकार्ड)

Mehboob Alam bowling

जवाफमा लक्ष्य पछ्याएको मोजाम्बिक मेहबुब आलमको कीर्तिमानी १० विकेटसंगै १४.५ ओभरमा मात्र १९ रनमा समेटियो र २१९ रनको बिशाल अन्तरले पराजित भयो । मोजाम्बिकको पारिलाई ध्वस्त पार्नेक्रममा आलमले मात्र ७.५ ओभरमा १ मेडन सहित १२ रन खर्चेका थिए ।

मोजाम्बिकका कालील शाहले ९ रन, शोईब युनिसले २ रन बनाउँदा ८ रन अतिरिक्त पाएको थियो भने ७ ब्याट्सम्यान डक तथा २ ब्याट्सम्यान गोल्डेन डकको सिकार भएका थिए ।


  • 4.2K
  •  
  •  
  •  
  •  
  •  
    4.2K
    Shares