मेहबुब आलमले विश्वचकित बनाएको दिन



आजकै दिन सन् २००८ मे २५ तारिखमा स्टार नेपाली अलराउण्डर मेहबुब आलमले एकै इनिंग्समा १० विकेट लिंदै विश्वकीर्तिमान बनाउदै अद्भुत रेकर्ड आफ्नो नाम गरेका थिए। आईसीसी विश्व क्रिकेट लिग डिभिजन-५ प्रतियोगिता अन्तर्गत मोजाम्बिकसंगको समुह चरणको खेलमा आलमले मोजाम्बिकको सबै १० विकेट लिंदै विश्वचकित पार्ने किर्तिमान बनाएका थिए।

सिमित ओभर अन्तर्राष्ट्रिय क्रिकेटको एकै इनिंग्समा १० विकेट लिने आलम विश्वकै पहिलो र हालसम्म पनि एकमात्र क्रिकेटर हुन्। टेस्ट क्रिकेटमा इंग्ल्यान्डका जिम लेकर र भारतका अनिल कुम्बलेले एकै इनिंग्समा १० विकेट लिएका छन्। आलमको उक्त रेकर्ड गिनिज वर्ल्ड रेकर्ड्समा पनि समाबेश गरिएको छ।

यसरी लिए १० विकेट 

आईसीसी विश्व क्रिकेट लिग डिभिजन-५ अन्तर्गत समुह चरणको समुह ‘ए’ अन्तर्गतको खेलमा नेपाल र मोजाम्बिक प्रतिस्पर्धा गर्दै थिए। जर्सी देशको ग्रेनभिले मैदानमा टस जितेर मोजाम्बिकले नेपाललाई ब्याटिंगको निम्तो दिएको थियो।

निर्धारित ५० ओभरमा नेपालले ७ विकेट गुमाएर २३८ रनको योगफल तयार गर्यो। नेपालको ब्याटिंगमा पारस खड्काले सर्वाधिक ४४ रन, शक्ति गौचनले ३४ तथा मेहबुब आलमले अविजित २३ रन योगदान दिएका थिए।

जवाफमा २३९ रनको लक्ष्य पछ्याएको मोजाम्बिकले १४.५ ओभरमा १९ रनमै सम्पूर्ण विकेट गुमाउन पुग्यो। ओपनिंग बलिंग गरेका देब्रे हाते फास्ट बलर मेहबुब आलमको धारिलो स्विंग बलिंग मोजाम्बिक ब्याट्सम्यानहरुले बुझ्ने सकेनन्।

उक्त खेलको स्कोरकार्ड ( श्रोत – क्रिक्इन्फो )

७.५ ओभर बलिंग गर्ने क्रममा आलमले १ मेडन ओभर गर्दै मात्र १२ रन खर्चेर १० विकेट लिए।

पहिलो ओभरको अन्तिम बलमा विकेट लिन सुरु गरेका आलमले त्यसपछि तेश्रो ओभरको पहिलो बलमा, पाँचौ ओभरको अन्तिम बलमा, सातौँ ओभरको पहिलो र अन्तिम बलमा, एघारौं ओभरको दोश्रो बलमा, तेह्रौं ओभरको अन्तिम बलमा तथा चौधौं ओभरको पहिलो, तेश्रो र पाँचौ बलमा विकेट लिएका थिए।

आलमले ५ विकेट बोल्ड, ४ विकेट एलबिडब्लु तथा १ विकेट विकेटकिपरबाट क्याच आउट गर्दै लिएका थिए। मोजाम्बिकका ९ जना ब्याट्सम्यानले खाता समेत खोल्न सकेका थिएनन्। उसका चौथो नम्बरका ब्याट्सम्यान कालिम शाहले सर्वाधिक ९ रन बनाए भने कप्तान शोयब युनिस २ रनमा अविजित रहेका थिए।

नेपालले कुल १४.५ ओभर बलिङ्ग गर्दा अर्का तिब्र गति बलर बिनोद दासले ३ ओभर ( ३-१-३-० ) तथा शक्ति गौचनले ४ ओभर ( ४-२-२-० ) बलिङ्ग गरे पनि विकेट लिन सकेका थिएनन्।

आलमको भाग्य

अझ रोचक त के छ भने खासमा मोजाम्बिकसंग प्रतियोगितामा नेपालले त्यस अघिनै अघिल्लो दिन खेल खेलीसकेको थियो। तर उक्त खेल वर्षाको कारण बीचमा रोकिन पुग्दा पुनः दोहोर्याएर भोलिपल्ट पुनः खेलिएको थियो। अघिल्लो दिन खेल रद्द हुनु अघि मोजाम्बिकले पहिले ब्याटिंग गर्दै ७० रनमा सबै विकेट गुमाएको थियो जसको जवाफमा नेपालले जवाफमा २ रन बनाउदा खेल रोकिन पुगेको थियो। आलम त्यस खेलमा भने ५ ओभर बलिङ्ग गर्दा विकेटविहिन रहेका थिए। ५ ओभरमा १ मेडन गर्दै २१ रन लिएर आलम विकेट विहिन बन्दा बिनोद दास ( १०-२-१६-५ ) र बसन्त रेग्मीले ( ५.५-२-८-५ ) भने ५/५ विकेट लिएका थिए।

फोटोहरुमा हेर्नुस आलमको अद्भुत प्रदर्शन 

सम्बन्धित 

आजकै दिन नेपालले टि-२० विश्वकपमा अफगानिस्तानलाई पराजित गरेको थियो

कहाँ छन् नेपालबाट १९९६ मा पहिलो अन्तर्राष्ट्रिय प्रतियोगिता खेल्ने १४ क्रिकेटर

करन केसीको नाममा रहेको ४ विश्वकिर्तिमान

‘सर’ डन ब्राडम्यानले बनाएका ११ रेकर्ड जुन अझै टुट्न मुस्किल छ

अझै टुटेको छैन सोमपालले बनाएको बिश्व रेकर्ड





थप समाचार

ओमान भ्रमण सकेर नेपाली टिमको स्वदेश आगमन, प्रशिक्षक व्हाटमोर फर्केनन्

आईसीसी विश्वकप लिग-२ अन्तर्गत त्रिकोणात्मक एकदिवसीय अन्तर्राष्ट्रिय सिरिजमा सहभागिता पछि ओमान पुगेको नेपाली क्रिकेट टिम मंगलबार बिहान स्वदेश आगमन गरेको […]

ओमानद्वारा अमेरिका ७२ रनले पराजित, सिरिज समाप्तिमा अंकतालिकाको अवस्था

अमेरिकालाई ७२ रनले पराजित गर्दै ओमानले आईसीसी विश्वकप लिग-२ अन्तर्गत एघारौं जित दर्ता गर्न सफल भएको छ। अल अमिरात मैदानमा […]

IPL : बैंगलोरलाई सहजै पराजित गर्दै कोलकाता पाँचौ स्थानमा उक्लियो

रोयल च्यालेन्जर्स बैंगलोरलाई ९ विकेटले पराजित गर्दै कोलकाता नाइट राईडर्सले युएईमा सुरु भएको आईपीएलको दोश्रो फेजको शानदार सुरुवात गरेको छ। […]

चक्रवर्तीले घातक बलिंग गर्दा बैंगलोर ९२ रनमै सिमित

युएईमा जारि आईपीएलको दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता नाइट राइडर्स प्रतिस्पर्धा गरिरहेका छन्। […]

ICCWCL2 : मक्सुदको अर्धशतक, ओमानद्वारा अमेरिकालाई चुनौतीपूर्ण लक्ष्य

आईसीसी विश्वकप लिग-२ अन्तर्गत ओमानमा जारी नेपाल, ओमान र अमेरिका सम्मिलित त्रिकोणात्मक एकदिवसीय अन्तर्राष्ट्रिय सिरिजको अन्तिम खेलमा ओमान र अमेरिका […]

IPL : कोलकाता बिरुद्ध बैंगलोरले पहिले ब्याटिंग गर्ने, दुई खेलाडीले डेब्यु गर्दै

युएईमा जारी इन्डियन प्रिमियर लिगको ( आईपीएल ) दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता […]