सन्दिपको टिम १० विकेटले पराजित, सेमिफाइनलमा जान अन्तिम खेल जित्नैपर्ने



  • विकेटनेपाल, माघ २५ – शुक्रबार

अष्ट्रेलियामा जारि घरेलु क्रिकेट प्रतियोगिता बिग ब्यास लिग (बिबिएल) टि२० अन्तर्गत आज भएको खेलमा ब्रिसबेन हिटले मेलबर्न स्टार्सलाई १० विकेटको फराकिलो अन्तरले पराजित गरेको छ। योसँगै नेपाली युवा खेलाडी सन्दिप लामिछाने सम्मिलित स्टार्सलाई सेमिफाइनलमा स्थान बनाउन अन्तिम खेलमा सिड्नी सिक्सर्सलाई पराजित गर्नुपर्ने हुन्छ।

स्टार्सको १३ खेलबाट १२ अंक रहेको छ। अर्कोतर्फ आज जित निकालेको ब्रिसबेन हिटलाई सेमिफाइनलमा स्थान बनाउनको लागि मेलबर्न स्टार्सले अन्तिम खेलमा पराजय भोगेर मात्र पुग्दैन। अब बचेका खेलहरुमा समेत अरु टिमको नतिजा उसको अनुरुप आउनुपर्ने हुन्छ। उसले पहिलो चरण अन्तर्गतका सबै १४ वटा खेल खेल्दै १३ अंक बटुलेको छ।

सिक्सर भने १३ खेलबाट १६ अंक सहित दोश्रो स्थानमा रहेको छ। यस्तै १३ खेलबाट नै २० अंक जोडेको हबार्ट हरिकेन्स अंकतालिकाको शीर्षस्थानमा छ।

ब्रिसबेनको घरेलु मैदानमा भएको खेलमा मेलबर्न स्टार्सले दिएको १५७ रनको लक्ष्य घरेलु टिमले मात्र १० ओभरमा कुनै पनि विकेट नगुमाई पुरा गर्यो। उसका लागि ओपनरद्वय म्याक्स ब्रयाण्ट र बेन कटिंगले विस्फोटक ब्याटिंग गरे। सामान्यतया तल्लोक्रममा ब्याटिंग गर्ने कटिंगले माथिल्लो क्रममा पाएको मौकालाई सदुपयोग गर्दै ८१ रन बनाउन मात्र ३० बलको सामना गरे। जसमा ४ चौका र ८ छक्का सामेल थियो।

अर्कोतर्फ म्याक्स ब्रयाण्टले पनि विस्फोटक ब्याटिंग गर्दै ७१ रन बनाउन ३० बलमा ६ चौका र ५ छक्का प्रहार गरे। बलिंगतर्फ सबै खेलाडी महंगा साबित भए।

यसअघि टस हारेर पहिले ब्याटिंग गरेको मेलबर्न स्टार्सले निर्धारित २० ओभरमा ८ विकेट गुमाएर १५६ रनको योगफल तयार पारेको थियो। उसका लागि मार्कस स्टनोइसले रन आउट हुनुभन्दा पहिले ८१ रन बनाए। ५१ बलको सामना गर्दा ७ चौका र २ छक्का प्रहार गरेका थिए। त्यसपछिको ठुलो स्कोर ड्व्यन ब्राबोले २१ रन बनाएका थिए। कुनैपनि खेलाडीले स्टनोइसलाई साथ दिन सकेनन्। बलिंगतर्फ जोश लोहरले ३ विकेट लिन ४ ओभरमा ४३ रन खर्चिए।

सन्दिप महंगा साबित भए

बंगलादेश प्रिमियर लिग र नेपालको युएई भ्रमणपछी मेलबर्न स्टार्सको टिममा फर्किएका सन्दिपले कुनै पनि विकेट लिन सकेनन। खेलमा मात्र २ ओभर बलिंग गरेका उनल २८ रन खर्चिंदै महँगो साबित भए।

आठौँ ओभर बलिंग गर्न आएका लामिछानेको चौथो बलमा फिल्डरले क्याच छोडेपछि म्याक्स ब्रयाण्ट आउट हुनबाट बचेका हुन्। पहिलो ओभरमा ८ रन खर्चिएका सन्दिपले दोश्रो ओभरमा ३ ओटा छक्का सहित २० रन खर्चिएका थिए।

पहिलो ओभर (खेलको आठौँ): १,१,३,२,१,०
दोश्रो ओभर (खेलको दशौँ ): १,६,०,६,१,६





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]