मेयर कप: खुकुरीलाई सेमीमा पुर्याउन लाल बहादुरको ६ विकेट



  • विकेटनेपाल, माघ २२ – मनोरन्जन शर्मा (भैरहवा)

लुम्बिनी खुकुरी क्रिकेट क्लब र शिवशक्ति क्रिकेट क्लब भैरहवास्थित सिद्धार्थ रंगशालामा जारी प्रथम मेयर कप टि–२० रनिङ क्रिकेट प्रतियोगिताको सेमिफाइनलमा प्रवेश गरेका छन्।

सिद्धार्थनगर नगरपालिकाको आयोजनामा जारी प्रतियोगितामा सोमबार भएको पहिलो खेलमा लुम्बिनी खुकुरीले प्रोफेसनल मास्टर्स–११ लाई ७७ रनले हराउँदै एक खेल बाँकी छदै सेमिफइनल पुगेको हो । उसले लगातार दुई खेल जित्न सफल भएको छ । यस्तै शविशक्तिले तिरुपतिलाई हराउँदै सेमिफाइनल पुगेको हो ।

टस जितेर ब्याटिङ गरेको खुकुरीले निर्धारित खेलमा १ सय ८६ रन बनाएको थियो । जसमा निश्चल चौधरीले (नटआउट) र शंकर रानाले समान ७२/७२ रन बनाए । बलिङमा मास्टर्स ११ मा सामोत पौडेल र रुपेश बास्तोलाले १/१ विकेट लिए । प्रतिउत्तरमा मास्टर्स ११ ले निर्धारित खेलमा सबै विकेट गुमाई १ सय ९ रन मात्रै बनायो । उसका लागि राजु शहानीले सर्वाधिक ५६ रन बनाए पनि अन्य ब्याट्सम्यान नचल्दा टिमले हार व्यहोर्न पुग्यो ।

मास्टर्स ११ लाई सस्तैमा समेट्ने क्रममा खुकुरीका लालबहादुर अधिकारीले ६ विकेट लिँदै म्यान अफ द म्याच घोषित भए।

यस्तैगरी दोस्रो खेलमा शिवशक्ति क्रिकेट क्लबले तिरुपति क्रिकेट क्लबलाई ७ विकेटले पराजित गर्दै सेमिफाइनलमा स्थान सुरक्षित बनाएको छ ।

जितका लागि पाएको १ सय ९ रनको लक्ष्य शिवशक्तिले १४ ओभरमा ३ विकेटको क्षतिमा पुरा गर्यो । शविशक्तिको जिमा कुशल मल्लले २५, कृष्ण कार्कीले २३ र नूरध्यवज सेनले २० रनको योगदान दिए। बलिङमा तिरुपतिका देव खनाल, शुभांकर जिसी र नरेशचन्द्र ठकुरीले समान १/१ विकेट लिए ।

यसअघि टस जितेर ब्याटिङ गरेको तिरुपतिले निर्धारित खेलमा १ बल बाँकी छदै सबै विकेट गुमाई १ सय ८ रनको योगफल बनाएको थियो । उसका लागि नरेशचन्द्र ठकुरीले ३२ रन बनाए । शिवशक्तिका लागि विष्णु कटरियाले ३ विकेट लिँदै म्यान अफ द द म्याच भए ।

मंगलबार पहिलो खेल प्रोफेसनल मास्टर्स ११ र लर्डबुद्ध क्रिकेट क्लबबीच हुनेछ भने दोस्रो खेल बुद्ध क्रिकेट क्लब र मेल्बोर्न क्रिकेट क्लबबीच हुने छ ।

यही माघ २७ गतेसम्म चल्ने प्रतियोगितामा नगरभित्रका ८ वटा क्लबहरुको सहभागिता छ । प्रतियोगितामा विजयी टिमले नगद ५० हजारसहित मेडल र प्रमाणपत्र प्राप्त गर्नेछन् । यस्तै उपविजेताले नगद २५ हजार मेडल र प्रमाणपत्र प्राप्त गर्नेछन् । म्यान अफ द सिरिजले नगद १० हजार र म्यान मफ द म्याचले दैनिक ५ सय प्राप्त गर्ने छन् ।





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]