ब्याटिंग नचल्दा मुम्बईद्वारा चेन्नाई सहजै पराजित



चेन्नाई सुपर किंग्सलाई ५ विकटले पराजित गर्दै मुम्बई इन्डीएन्सले आईपीएलमा तेश्रो जित दर्ता गरेको छ। मुम्बई स्थित वानखेडे स्टेडियममा चेन्नाईले दिएको ९८ रनको सामान्य लक्ष्य मुम्बईले १४.५ ओभरमा ५ विकेट क्षतिमा भेटायो।

लक्ष पछ्याउने क्रममा मुम्बईले ३३ रन बनाउदा ४ विकेट गुमायो। पाँचौ विकेटको लागि तिलक वर्माले ऋतिक शोकीनसंग ४८ रनको साझेदारी गरे। वर्माले अविजित ३४ रन बनाए। कप्तान रोहित शर्मा र ऋतिक शोकिनले समान १८ रन तथा टिम डेभिडले १६ रन बनाए। चेन्नाई बलर मुकेश चौधरीले ३ तथा सिम्रनजित सिंह र मोईन अलिले १/१ विकेट लिए।

टस हारेर ब्याटिंग गरेको चेन्नाईले १६ ओभरमा ९७ रन बनाउदा सबै विकेट गुमायो। उसको लागि कप्तान महेन्द्र सिंह धोनी अविजित रहँदै सर्वाधिक ३६ रन बनाए। ३९ रनमा ६ विकेट गुमाएको अवस्थामा धोनीले सातौँ विकेटको लागि ड्वेन ब्राभोसंग ३९ रन जोडे।

मुम्बई बलर ड्यानियल स्याम्सले ४ ओभरमा मात्र १६ रन खर्चेर ३ विकेट लिए। त्यसक्रममा स्याम्सले चेन्नाईको माथिल्लो क्रमका रुतुराज गायकवाड, डेभोन कनवे र मोईन अलिको विकेट लिए।  राइली मेरेडीथ र कुमार कार्तिकेले २/२ तथा जस्प्रित बुम्रह र रमनदिप सिंहले १/१ विकेट लिए।

जितपछि पनि मुम्बई लिग अंकतालिकाको दशौँ स्थानमा यथावत छ जसले १२ खेल खेल्दा ९ हार र ३ जित दर्ता गरेको छ। नवौं स्थानमा रहेको चेन्नाईको १२ खेलमा ४ जित र ८ हार पछि ८ अंक छ।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]