चलेन पन्जाबको ब्याटिंग, सहज जितपछि मुम्बई अंकतालिकाको शिर्षमा



युएईमा जारि १३ औं आईपीएल अन्तर्गत रोहित शर्मा कप्तानीको डिफेन्डिङ च्याम्पियन मुम्बई इन्डीएन्सले दोश्रो जित दर्ता गर्ने क्रममा किंग्स-११ पन्जाबलाई ४८ रनको ठुलो अन्तरले पराजित गरको छ।

शेख जायद स्टेडियम, अबुधाबीमा सम्पन्न खेलमा मुम्बईले दिएको १९२ रनको लक्ष्य पछ्याउने क्रममा पन्जाबले २० ओभर ब्याटिंग गरेता पनि ८ विकेट गुमाएर १४३ रन मात्र बनाउन सक्यो।

लक्ष्य पछ्याउने क्रममा पन्जाबले निरन्तर अन्तरलमा विकेट गुमाउन पुग्यो। मायाँक अग्रवाल पाँचौ ओभरमा जस्प्रित बुम्राहबाट बोल्ड भए। छैठौं ओभरमा खाता नखोल्दै करुण नायरलाई क्रुनाल पान्ड्याले बोल्ड गरे। कप्तान केएल राहुल पनि नवौं ओभरमा राहुल चाहरबाट बोल्ड भए।

राहुल चाहरले केएल राहुल र ग्लेन म्याक्सवेलको विकेट लिए

चौथो विकेटको लागि निकोलस पुरन र ग्लेन म्याक्सवेलले ४१ रनको साझेदारी गरे। १४ औं ओभरमा जेम्स प्याटीन्सनले पुरनलाई किपर डीककबाट क्याच आउट गराए। १५ औं ओभरमा म्याक्सवेललाई लेग स्पिनर राहुल चाहरले ट्रेन्ट बोल्टबाट क्याच आउट गराए जसपछि मुम्बई खेलमा हावी बन्यो। कृष्णप्पा गोथमले अविजित १३ बलमा २ चौका र १ छक्का मद्दतले २२ रन बनाए पनि जितको नजिक पनि पुर्याउन सकेनन्।

१०१/३ को अवस्थाबाट थप ५ विकेट  विकेट गुम्दा पन्जाबले थप ४२ रन मात्र बनाउन सक्यो।

मुम्बईको बलिंगमा जस्प्रित बुम्राह ( ४-०-१८-२ ) , जेम्स प्याटीन्सन ( ४-०-२८-२ ) , राहुल चाहर ( ४-०-२६-२ ) ले समान २ विकेट लिए। ट्रेन्ट बोल्ट ( ४-०-४२-१ ) र क्रुनाल पान्ड्या ( ४-०-२७-१ ) ले समान १ विकेट लिए।

मुम्बईको ब्याटिंग 

यस अघि टस हारेर ब्याटिंग गरेको मुम्बईले निर्धारित २० ओभरमा ४ विकेट गुमाएर १९१ रन बनाएको थियो।

मुम्बईको लागि कप्तान रोहित शर्माले सर्वाधिक ७० रन बनाए जुन क्रममा ४५ बलमा ८ चौका र ३ छक्का प्रहार गरे। यस क्रममा रोहितले लिगमा ५ हजार रन पनि पुरा गरे। काइरन पोलार्डले अविजित ४७ ( २० बलमा ३ चौका र ४ छक्का ) तथा हार्दिक पान्ड्याले अविजित ३० रन ( ११ बलमा ३ चौका र २ छक्का  ) बनाए। इशान किशनले ३२ बलमा २८ रन बनाए।

रोहितले ४५ बलमा ७० रन बनाए

क्विनन डिकक ( ० ) र सुर्यकुमार यादब ( १० ) रन छिट्टै आउट भएपछि तेश्रो विकेटको लागि रोहितले इशानसंग तेश्रो विकेटको लागि ६२ रनको साझेदारी गरे। किशनको विकेट पछि रोहित र पोलार्डले चौथो विकेटको लागि ४१ रन जोडे। रोहित १७ औं ओभरमा आउट भएपछि पोलार्ड र पान्ड्याले अन्तिममा आक्रामक ब्याटिंग गरेका थिए।

१५ ओभरमा १०२/३ को अवस्थाबाट मुम्बईले अन्तिम ५ ओभरमा मात्र १ विकेट गुमाएर ८९ रन बनाएको थियो।  १६ औं ओभरमा २२ रन, १८ औं ओभरमा १८ रन, १९ औं ओभरमा १९ रन तथा २० औं ओभरमा २५ रन बनेको थियो।

पन्जाबको बलिंगमा शेल्डन कटरेल ( ४-१-२०-१ ) , मोहम्मद शामी ( ४-०-३६-१ ) , कृष्णप्पा गोथम ( ४-०-४५-१ ) ले समान १ विकेट लिए। रभी बिस्नोइ ( ४-०-३७-० ) र जेम्स निशं ( ४-०-५२-२  ) विकेटविहिन रहे।

अंकतालिका र आगामी खेल 

 

चौथो खेलमा दोश्रो जित दर्ता गर्दै मुम्बई अंकतालिकामा छैठौं स्थानबाट उक्लेर पहिलो स्थानमा पुगेको छ। समान ४ अंक रहेता पनि दिल्ली, कोलकाता, राजस्थान र बैंगलोर क्रमशः दोश्रो देखि पाँचौ स्थानमा रहेको छ। ४ खेलमा तेश्रो हार पछि पन्जाब छैठौं स्थानमा पुगेको छ।

मुम्बईले आगामी खेल हैदरावाद बिरुद्ध तथा पन्जाबले चेन्नाई बिरुद्ध खेल्नेछ। दुवै खेल आइतबार खेलिनेछ।

लिग अन्तर्गत भोलि शुक्रबार चेन्नाई सुपर किंग्स र सनराइजर्स हैदरावादले प्रतिस्पर्धा गर्नेछन्।

IPL : रोहितले पुरा गरे ५ हजार रन, लिग इतिहासकै मात्र तेश्रो ब्याट्सम्यान

IPL : गत सिजनको तुलनामा बढ्यो आईपीएलको दर्शक

विवादास्पद निर्णय : स्पाइडरक्यामलाई छोएता पनि उनदकतलाई क्याच आउट दिएपछि





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]