मालिंगाको उत्कृस्ट स्पेल, डी भिल्लीयर्स र अलिको इनिंगमा बैंगलोरले बनायो १७१



इन्डियन प्रिमियर लिग आईपीएल अन्तर्गत ३१ औं खेलमा रोयल च्यालेन्जर्स बैंगलोर र मुम्बई इन्डीएन्स प्रतिस्पर्धा गरिरहेका छन्।

मुम्बईको घरेलु मैदान वान्खेडे स्टेडियममा भइरहेको खेलमा टस हारेर पहिले ब्याटिंग गरेको बैंगलोरले निर्धारित २० ओभरमा ७ विकेट गुमाएर १७१ रनको योगफल तयार गरेको छ।

बैंगलोरले कप्तान तथा ओपनर बिराट कोहलीलाई छिट्टै गुमाएपछि सम्हालिएर ब्याटिंग गर्यो। ८ रन बनाएका कोहलीलाई तेश्रो ओभरमा बेह्रेनडर्फले क्याच आउट गरे।

दोश्रो विकेटको लागि अर्का ओपनर पर्थिभ पटेल र एबि डी भिल्लियर्सले ३७ रनको साझेदारी गरे। पटेल सातौँ ओभरमा २८ रन ( २० बलमा ४ चौका र १ छक्का ) बनाएर आउट भए।

तेश्रो विकेटको लागि डी भिल्लियर्स र मोईन अलिले ९५ रनको साझेदारी गरे। १८ औं ओभरमा मालिंगाले अलिको विकेट लिए। ५० रन बनाउने क्रममा अलिले ३२ बलमा ५ छक्का र १ चौका प्रहार गरे। मालिंगाले लगत्तै मार्कस स्टोइनिसलाई खाता नखोली आउट गराए।

Moen Ali

अन्तिम समयमा मुम्बई बलर मालिंगा र बुम्राहले बैंगलोर ब्याट्सम्यानहरुलाई खुलेर खेल्न दिएनन्।

एक किनार सम्हालीरहेका डी भिल्लीयर्स अन्तिम ओभरमा रन आउट हुन पुगे। ५१ बलमा ७५ रन बनाएका उनले ६ चौका र ४ छक्का प्रहार गरे।

उत्कृस्ट बलिङ्ग गरेका मालिंगाले अन्तिम ओभरमा २ विकेट लिए र ९ रन खर्चिए।

बैंगलोरले २० ओभरमा ७ विकेट गुमाएर १७१ रन बनायो।

लासिथ मालिंगाले उत्कृस्ट बलिङ्ग गर्ने क्रममा ४ ओभरमा ३१ रन खर्चेर ४ विकेट लिए। हार्दिक पान्ड्या ( ३-०-२१-१ ) र जेसन बेह्रेनडर्फले ( ४-०-४९-१ ) ले १/१ विकेट लिए। ४ ओभरमा १ मेडन ओभर गर्दै २२ रन खर्चिएका जस्प्रित बुम्राह विकेट विहिन रहे।

आईपीएल अंकतालिकामा बैंगलोर ७ खेलमा १ जित र ६ हार बेहोर्दै अन्तिम स्थानमा रहेको छ भने ७ खेलमा ४ जित र ३ हार बेहोरेको मुम्बई चौथो स्थानमा रहेको छ।

बैंगलोरले लगातार ६ खेलमा हार बेहोरेपछि किंग्स ११ पन्जाबलाई ८ विकेटले पराजित गर्दै पहिलो जित दर्ता गरेको थियो। मुम्बईले आफ्नो अन्तिम खेलमा राजस्थानसग ४ विकेटको पराजय बेहोरेको थियो।





थप समाचार

ज्ञानेन्द्र मल्लले ईपीएल नखेल्ने, यी खेलाडीले गर्नेछन् मल्लको सट्टा कप्तानी

सेप्टेम्बर २५ तारिख देखि सुरु हुने एभरेस्ट प्रिमियर लिग ( ईपीएल ) मा ललितपुर पेट्रिएट्सका कप्तान रहेका राष्ट्रिय क्रिकेट टिमका […]

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]