सरफराजलाई कप्तानबाट हटाउनु पर्छ – पाकिस्तान प्रशिक्षक अर्थर



पाकिस्तान क्रिकेट टिमका मुख्य प्रशिक्षक मिकी अर्थरले पाकिस्तान क्रिकेट बोर्डको क्रिकेट कमिटिलाई सरफराज एहमदलाई कप्तानबाट हटाउन सुझाव दिएका छन्।

पाकिस्तान बोर्डको क्रिकेट कमिटिले पाकिस्तानी टिमको पछिल्लो ३ वर्ष सहित एकदिवसीय विश्वकपमा टिमको प्रदर्शनको समिक्षा गरिरहेको छ। विश्वकपमा पाकिस्तान सेमीफाइनल पुग्न असफल रहेको थियो। न्युजिल्याण्डसंग समान ११ अंक रहेपनि नेट रन रेटमा पाकिस्तान पछि परेपछि पाँचौ स्थानमा रहेको थियो।

श्रोतका अनुसार अर्थरले सरफराजको सट्टा शदाब खानलाई सिमित ओभर क्रिकेटको कप्तान बनाउनु पर्ने र बाबर आजमलाई टेस्ट टिमको कप्तानी दिनु पर्ने सुझाव दिएका छन्। सरफराज २०१६ मा पाकिस्तान टि-२० टिमको तथा २०१७ फेब्रुवरीमा एकदिवसीय टिमको कप्तान नियुक्त भएका थिए।

“अर्थरले सरफराजको कप्तानीबारे कमिटिसमक्ष नकारात्मक टिप्पणी गरेका छन्” श्रोतले बतायो।

साथै अर्थरले पाकिस्तान क्रिकेट टिमलाई राम्रो नतिजा ल्याउनको लागि अर्थरले थप २ वर्षको समय माग गरेका छन्। “पाकिस्तानले उत्कृस्ट नतिजा ल्याउनको लागि मलाई अझ २ अरु वर्षको आवस्यकता छ” अर्थरले कमिटिलाई भनेको विश्वास गरिएको छ।

क्रिकेट कमिटिले अब अर्को बैठक बसेपछि नयाँ टिम व्यवस्थापनबारे बोर्डका अध्यक्ष एहसान मनिलाई सुझाव प्रस्तुत गर्नेछ।

अर्थर २०१६ देखि पाकिस्तानको प्रमुख प्रशिक्षकको रुपमा कार्यरत छन्। उनको प्रशिक्षण कालमा पाकिस्तानले आईसीसी च्याम्पियन्स ट्रफी २०१७ को उपाधि जितेको थियो। यस्तै पाकिस्तान टि-२० वरियतामा नम्बर-१ रह्यो। तर टेस्ट क्रिकेटमा पाकिस्तानको प्रदर्शन खस्कदो रह्यो भने एकदिवसीयमा टिमको प्रदर्शन उतारचढावपूर्ण रह्यो।

अर्थरको बोर्डसंग कन्ट्रयाक्ट अगस्ट १५ मा सकिदैछ। श्रोतका अनुसार अर्थरसंग कमिटिका सदस्यहरु खुसिछैनन्। अस्ट्रेलियन फिल्डिंग प्रशिक्षक स्टिभ रिक्सनलाई हटाएपछि पाकिस्तान टिमको फिल्डिंग स्तर सन्तोषजनक रहेको छैन।

श्रोतका अनुसार अर्थरको बिकल्पमा पाकिस्तान बोर्डले श्रीलंकन पुर्व कप्तान महेला जयवर्द्धनेलाई प्रशिक्षक बनाउने बारे समेत सोचीरहेको छ।  तर मुम्बई इन्डीएन्स टिमसंग आईपीएलमा काम गरिरहेकोले उनलाई त्यो भन्दा राम्रो प्याकेज दिन बोर्डलाई मुस्किल हुने छलफल भएको थियो।

दक्षिण अफ्रिकाका अर्थरले १९८६ देखि २००१ सम्म दक्षिण अफ्रीकाको घरेलु क्रिकेट खेलेका थिए। २००५ देखि २०१० सम्म दक्षिण अफ्रिकी टिमका मुख्य प्रशिक्षक रहेका अर्थरले त्यसपछि २०१३ सम्म अस्ट्रेलियाको प्रशिक्षकको रुपमा समेत काम गरे। २०१६ मेमा उनलाई पाकिस्तान क्रिकेट टिमको प्रमुख प्रशिक्षकमा नियुक्त गरिएको थियो।

( श्रोत – हिन्दुस्तान टाइम्स )





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]