लिगबाटै बाहिरिएका अमित मिश्राको प्रतिक्रिया – “सोचेकै थिईन, चोट यति गम्भीर हुनेछ”



चोटको कारण आईपीएल २०२० बाटै बाहिरिएका दिल्लीका लेग स्पिनर अमित मिश्राले चोट यति गम्भीर हुनेछ भन्ने कुरा नसोचेको प्रतिक्रिया दिएका छन्। ३७ वर्षीय मिश्रालाई शनिवार शारजाह मैदानमा कोलकाता नाइट राइडर्ससंगको खेलको क्रममा नितिश राणाको क्याच लिने प्रयासमा औंलामा चोट लागेको थियो। चोट पछि खेलमा मात्र २ ओभर बलिंग गरेका मिश्राले १४ रन खर्चेर १ विकेट लिएका थिए। तर चोट गम्भीर रहंदा मिश्रालाई लिगबाट बाहिर गरायो। सोमबार मिश्रा मैदान बाहिर डगाउटबाट खेल हेरीरहेका थिए।

अमित मिश्राले बताए – “मैले सोचेकै थिईन कि चोट यति गम्भीर हुनेछ। मलाई लागेको थियो कि यो १-२ खेलको लागि हुनेछ। तर मैले अब यो कुरा स्वीकार गर्नुपर्छ।”

मिश्रा आईपीएल इतिहासकै दोश्रो सर्वाधिक विकेट लिने खेलाडी हुन् जसले कीर्तिमानी ३ पटक लिगमा ह्याट्रिक विकेट लिएका छन्। लासिथ मालिंगा ( १७० ) पछि मिश्राले दोश्रो धेरै १६० विकेट लिएका छन्। जारि सिजन ३ खेलमा मौका पाउदा उनले ३ विकेट लिंदै किफायती बलिंग पनि गरेका थिए।

उनले बताए – “मुख्य कुरा यो हो कि म खेल्दै गर्दा त्यो समय चोटिल भएको हुँ, जब क्याच समात्ने कोशिस गर्दै थिए। म आफ्नो शतप्रतिशत दिदै थिए, म त्यसैमा थोरै सन्तुस्ट छु। यो फिटनेससंग सम्बन्धित चोट हैन जसको मतलब म सहि गरिरहेको छु।”

डाइभ गर्दै नितिश राणाको क्याच लिन खोज्दा मिश्राको औंलामा चोट लागेको थियो

दिल्लीका अर्का स्पिनर रभीचन्द्रन आश्विनले मिश्राको कमि टिमले महसुस गरेता पनि आफ्नो टिममा बिकल्प रहेको बताए –

“अमित यो टिममा निकै याद हुनेछन् उनि आईपीएलको लेजेन्ड खेलाडी हुन्। अब हामि अमितलाई घरमा हुँदा खुसि बनाउने प्रयास गर्नेछौँ।” आश्विनले बताए।

“यो दिल्ली टिमको सुन्दर पक्ष हो कि जब म ढाडको चोटले बाहिरिएको थिए तब अमितले आएर भूमिका राम्रोसंग निभाए। अब उनि घाइते भए अक्षरले भूमिका निभाए। हाम्रो टिममा बेन्च स्ट्रेन्थ राम्रो छ। आईपीएलमा बेन्च हुने खेलाडी राम्रो हुनु धेरै महत्वपूर्ण हुन्छ। बेन्चमा भएका खेलाडीहरु अर्को आईपीएल टिम जत्तिकै बलियो हुनु पनि सक्छ। हामिसंग त्यस्तो शक्ति छ।”

लिगमा मिश्रासंगै सोमबारनै हैदरावादका फास्ट बलर भुवनेश्वर कुमार पनि चोटका कारण प्रतियोगिताबाट बाहिरिएका छन्। यस अघि हैदरावादका फास्ट बलर मिचेल मार्श पनि बलिंगको क्रममा घाइते हुँदा लिगबाट बाहिरिएका थिए जसको स्थानमा टिमले वेस्टइन्डिज अलराउण्डर जेसन होल्डरलाई टिममा भित्र्याईसकेको छ।

मिश्रा घाइते हुँदा दिल्लीले देब्रे हाते स्पिनर अक्षर पटेललाई अन्तिम-११ मा मौका दिएको थियो। नेपाली स्पिनर सन्दिप लामिछाने विदेशी खेलाडी हुँदा विदेशी खेलाडी बाहिर भए मात्र अन्तिम-११ मा मौका पाउनेछन्। बैंगलोर बिरुद्ध अक्षर पटेल र आश्विन दुवैले राम्रो बलिंग गरेको हुँदा सन्दीपको आगामी खेल खेल्ने सम्भावना पनि कम देखिएको छ। टिमका २ विदेशी फास्ट बलर कागीसो रबाडा र एनरिक नोर्किया पनि राम्रो प्रदर्शन गरिरहेको हुँदा बाहिर निस्कने सम्भावना छैन। तर अब आश्विन र अक्षर पटेल पछि सन्दिप मात्रै स्पिन बिकल्प र एकमात्र लेग स्पिनर हुँदा खेल्ने सम्भावना भने मिश्रा हुँदा भन्दा निकै बढेर गएको छ।

IPL : ताजा अंकतालिका, रबाडालाई पर्पल क्याप, अरेन्ज क्याप दौडमा को-को छन्

हारपछि दिल्लीको तारिफ गर्दै कोहलीले भने – “पराजित गर्न मुस्किल टिम”

विश्वकीर्तिमान सहित कोहलीले बनाए २ ठूलो कीर्तिमान

हैदरावादलाई अर्को झट्का ! भुवनेश्वर कुमार आईपीएलबाटै बाहिर





थप समाचार

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]