मलेसिया राष्ट्रिय क्रिकेट टिमले नेपालको घरेलु एकदिवसीय प्रतियोगिता खेल्ने



इनरुवा नगरपालिका, सुनसरी र मनमोहन मेमोरियल क्रिकेट सेन्टर प्रदेश-१ कमिटीको संयुक्त आयोजनामा दोश्रो मनमोहन स्मृति राष्ट्रिय एक दिवसीय पुरुष क्रिकेट प्रतियोगिता पुस १५ गतेदेखि सुनसरीको इनरुवामा हुने भएको छ।

बिहिबार राजधानीमा आयोजित पत्रकार सम्मेलन मार्फत प्रतियोगिताको दोश्रो संस्करणको घोषणा भएको हो। प्रतियोगिताको गत संस्करण पनि पुष/माघमा आयोजना भएको थियो जसको उपाधि त्रिभुवन कार्मी क्लबले जितेको थियो। गत संस्करण प्रतियोगिताको सफल आयोजना हुँदा इनरुवा रंगशालाको पिचले प्रसंशा पाएको थियो जसमा ब्याट्सम्यानहरुले राम्रो प्रदर्शन गरेका थिए।

इनरुवा रंगशालामा हुने प्रतियोगिताको दोश्रो संस्करणको विजेताले ४ लाख ५ हजार, उपविजेताले २ लाख ५ हजार तथा सेमिफाइनलमा पराजित हुने टिमले समान ३० हजार नगद पुरस्कार पाउने छन्। प्रत्येक खेलको ‘म्यान अफ द म्याच’ लाई ३ हजार ५ सय नगद प्रदान गरिने छ । ‘म्यान अफ द सिरिज’ लाई नगद ५५ हजारबाट पुरस्कृत गरिने छ।

प्रतियोगिता घोषणा कार्यक्रममा बोल्दै राखेप सदस्य सचिव रमेश शिलवाल

मलेसियाको राष्ट्रिय टिम पनि खेल्ने 

नेपाली घरेलु क्रिकेटमा पहिलो पटक मलेसियाको राष्ट्रिय क्रिकेट टिमले पनि सहभागिता जनाउने भएको छ। कुनै पनि विदेशी टिमले नेपालको घरेलु प्रतियोगिता खेल्न लागेको यो नै पहिलो पटक हो। विदेशी खेलाडीहरु नेपाली लिग खेल्नु सामान्य भएता पनि टिम आएर खेल्नु उत्साहजनक मानिएको छ। मलेसिया टि-२० अन्तर्राष्ट्रिय वरियतामा २८ औं स्थानमा रहेको टिम हो।

प्रतियोगितामा तीन विभागीय टोली (आर्मी, पुलिस र एपीएफ), सात प्रदेश तथा मलेसियाको राष्ट्रिय टिम र आयोजक गरी १२ टिमले लिग कम नकआउट आधारमा प्रतिस्पर्धा गर्ने प्रतियोगिता निर्देशक विप्लव घोषले बिहीबार आयोजित पत्रकार सम्मेलनमा जानकारी गराए । सहभागी टिमलाई ४ समूहमा विभाजन गरिने छ। समुह चरणमा सबै टिमले एक अर्कासंग १-१ खेल खेलेपछि समूहको शीर्ष टिम सोझै सेमिफाइनलमा पुग्नेछन्।

प्रतियोगिता सञ्चालन गर्न एक करोड पच्चीस लाख २ हजार ५ सय खर्च हुने पत्रकार सम्मेलनमा जानकारी दिईएको छ। पुष १५ गते सुरु हुने प्रतियोगिताको फाइनल माघ ४ गते हुने छ।

गत सिजन एमएम कपको उपाधि त्रिभुवन आर्मी क्लबले जितेको थियो

पत्रकार सम्मेलनमा राष्ट्रिय खेलकुद परिषद्का सदस्य–सचिव रमेशकुमार सिलवालले धेरै भन्दा धेरै एक दिवसीय क्रिकेटको आवश्यकता रहेका बेला त्यही फर्मेटको क्रिकेट गर्न गइरहेकोमा आयोजकलाई धन्यवाद दिदै प्रतियोगिताले इनरुवालाई चिनाउन अझ सहयोग पुग्ने विश्वास व्यक्त गरे।

इनरुवा नगरपालिका मेयर राजन मेहताले प्रतियोगितालाई सफलतापूर्वक सम्पन्न गर्न सक्दो सहयोग गर्ने वचन दिए ।

मनमोहन मेमोरियल क्रिकेट सेन्टरका अध्यक्ष ठाकुर गैरेले पुरुष क्रिकेट आयोजना गर्दै आइरहेकोमा अब महिला क्रिकेट आयोजनामा पनि सेन्टरले ध्यान दिइरहेको बताए ।





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]