भारतीय क्लब सुपौल बिरुद्ध प्रदेश ७ पराजित : एमएम कप



  • विकेटनेपाल – २ माघ, बुधवार

सुनसरी सदरमुकाम इनरुवामा जारी मनमोहन स्मृति एक दिवसीय राष्ट्रिय क्रिकेट प्रतियोगिता अन्तर्गत बुधवार भएको खेलमा भारतीय क्लब सुपौलले प्रदेश नम्बर ७ लाई १ विकेटले पराजित गरेको छ। क्लबलाई जित दिलाउन विश्वजितले अलराउन्ड प्रदर्शन गरे।

बुधवार बिहान टस जितेर ब्याटिंग गर्न उत्रिएको प्रदेश नम्वर ७ ले ४२ ओभरमा सबै १० विकेट गुमाएर १८४ रन मात्र जोड्न सकेको थियो । प्रदेश ७ का लागि ओपनर बिपिन रावलले अर्ध-शतकीय पारी खेल्ने क्रममा ५३ रन जोडेपनि अन्य ब्याट्सम्यानले सम्झन लायक प्रदर्शन गर्न सकेनन्।

अर्ध-शतक जोड्ने क्रममा बिपिनले ५४ बलमा ५ चौका र १ छक्का सहित ५३ रन जोडेका थिए। यस्तै रोशन अधिकारीले २५, लोकेश बमले २२ र नारायण जोशीले २१ रन जोडेपनि पाएको सुरुवातलाई सदुपयोग गर्न चुकेका थिए।

भारतीय क्लब सुपौलको बलिंगमा खेलको प्लेयर अफ दि म्याच बनेका विश्वजितले सर्वाधिक ४ विकेट लिएका थिए। निर्धारित १० ओभरको कोटामा विश्वजितले १ मेडन सहित ५३ रन खर्चेर ४ विकेट चट्काए। यस्तै शिवनभ राजाको नाममा २ विकेट रह्यो।

जवाफमा १८५ रनको लक्ष्य सुपौलले ३८ ओभरमा ९ विकेट गुमाएर पुरा गर्यो। टोलीलाई जिताउन सौरभ गिल्लीले ४३ तथा विश्वजितले अविजित २० रन जोडे। मात्र ३५ बलमा गिल्लीले ४ चौका र ४ छक्का सहित ४३ रन प्रहार गरेका थिए। यस्तै विश्वजितले सम्हालिएर ब्याटिंग गर्दै २० बलमा २ चौका र १ छक्का सहित २० रन जोडेका थिए।

सानो लक्ष्यको रक्षा गर्ने क्रममा प्रदेश नम्बर ७ ले उत्कृस्ट बलिंग गरेपनि सफल हुन सकेन। टोलीको बलिंगतर्फ शेर मल्लले ४ विकेट ( १०-०-५३-४ ) हात पारेका थिए। यस्तै बिनोद लामाको नाममा ३ विकेट ( १०-१-३१-३ ) रहेपनि टोलीलाई जित दिलाउन सकेनन्।

माघ ७ गतेसम्म चल्ने प्रतियोगितामा शान्ति दीप नेपाल इनरुवा तथा इनरुवा नगरपालिकाको संयुक्त आयोजना रहेको छ। प्रतियोगिताको विजेताले उपाधिसँगै रु. ४ लाख १ हजार , उपविजेताले रु २ लाख १ हजार तथा सेमिफाइनलमा पुग्ने टोलीले रु २५/२५ हजार पाउनेछन्। यस्तै उत्कृष्ट खेलाडीले रु ५१ हजार प्राप्त गर्दा उत्कृष्ट बलर र ब्याट्सम्यानले जनही रु २० हजार १०० पुरस्कार पाउनेछन्। अनुशासित टोलीले १५ हजार र उदयमान खेलाडीले १० हजार नगद पाउनेछन्।





थप समाचार

ज्ञानेन्द्र मल्लले ईपीएल नखेल्ने, यी खेलाडीले गर्नेछन् मल्लको सट्टा कप्तानी

सेप्टेम्बर २५ तारिख देखि सुरु हुने एभरेस्ट प्रिमियर लिग ( ईपीएल ) मा ललितपुर पेट्रिएट्सका कप्तान रहेका राष्ट्रिय क्रिकेट टिमका […]

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]