मोहम्मद नाबेदको अलराउण्ड प्रदर्शनमा पोखराको जित, शिर्ष ३ मा स्थान बनाउने पक्का : पिपिएल : टि-२०

Mohammad Naveed Batting


  • विकेटनेपाल – १७ कार्तिक, शनिवार (पोखरा)

पोखरा प्रिमियर लिग अन्तर्गत लिग चरणको अन्तिम दिनको पहिलो खेलमा पोखरा पल्टनले काठमाण्डौ रोयल्सलाई ४ विकेटले पराजित गरेको छ। जितसंगै पोखराले अंकतालिकाको शिर्ष ३ स्थानमा आफ्नो स्थान बनाएको छ।

५ खेल खेलेर ३ जित सहित ६ अंक जोडेको पोखरा जितपछि तालिकामा शिर्ष स्थानमा रहेपनि शनिवारनै हुने बिराटनगर टाईटन्स र चितवन राइनोजको खेलपछि मात्र सोझै फाइनल प्रवेश गर्ने टोलीको टुंगो लाग्ने छ।

शनिवारको पहिलो खेलमा काठमाण्डौले दिएको १०४ रनको लक्ष्य पोखराले १५.५ ओभरमा ६ विकेट गुमाएर पुरा गर्यो। उसको जितमा मोहम्मद नाबेदले बिष्फोटक ब्याटिंग गर्दै ३६ रन जोडे।

१५ बलको सामना गरेका नाबेदले ५ छक्का सहित ३६ रनको इनिंग खेले। त्यसक्रममा उनले अमरसिंह रौटेलाले गरेको एकै ओभरमा लगातार ३ छक्का प्रहार गरे।

Rohit Paudel
Rohit Paudel

यस्तै रोहित पौडेलले अविजित १५ रन बनाउंदा रबि इन्दर सिंह २२, आसिफ शेख १६ र कुशल भुर्तेल १४ रन बनाएर आउट भएका थिए।

काठमाण्डौको बलिङ्गमा अमर सिंह रौटेलाले सर्वाधिक ३ विकेट (२.५-०-३९-३) लिएपनि आफ्नो टोलीलाई जित दिलाउन सकेनन्। यस्तै सुशान भारी, नन्दन यादव र पवन सर्राफले समान १-१ विकेट लिए।

यसअघि पोखरा रंगशालाको क्रिकेट मैदानमा शनिवार बिहान टस हारेर ब्याटिंगको निम्तो पाएको काठमाण्डौले खराब प्रदर्शन गर्दै पहिलो इनिंगमा १९.१ ओभरमा १०३ रन जोड्दा सबै १० विकेट गुमाएको थियो।

Pawan Sarraf
Pawan Sarraf

काठमाण्डौको इनिंगमा कप्तान ज्ञानेन्द्र मल्लले सर्वाधिक ३१ रन जोडेका थिए। २८ बलको सामना गरेका मल्लले ३ चौका र १ छक्का प्रहार गरेका थिए।

यस्तै बुटवल ब्लासटर्स बिरुद्ध उत्कृस्ट ब्याटिंग गर्दै ५८ रन जोडेका नरेश बुढाएर आजभने व्यक्तिगत ६ रन बनाएर रन आउट भएका थिए।

काठमाण्डौको इनिंगमा ओपनर अमित श्रेष्ठ २१, बसन्त रेग्मी १९ र पवन सर्राफ १२ रन बनाएर पभेलियन फर्किएका थिए।

पोखराको बलिङ्गमा ललित राजबंशीले सर्वाधिक ३ विकेट लिएका थिए। आफ्नो ४ ओभरको स्पेलमा १८ रन खर्चिएर ललितले अमित श्रेष्ठ, पवन सर्राफ र ज्ञानेन्द्र मल्ललाई पभेलियन फर्काएका थिए। यस्तै मोहम्मद नाबेद र राशिद खानको नाममा समान २-२ विकेट रह्यो।

Amit Shrestha
Amit Shrestha
Mohammad-Naveed
Mohammad-Naveed
Sharad Vesawakar
Sharad Vesawakar

 





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]