त्रिदेशीय सिरिज : फ्यान क्लबले ‘म्यान अफ द म्याच’ र कीर्तिमानी खेलाडीलाई नगद पुरस्कार प्रदान गर्ने



काठमाण्डौमा जारी त्रिदेशीय टि-ट्वान्टी सिरिजमा प्लेयर अफ द म्याच चुनिएका खेलाडीलाई नगद पुरस्कार नराखेको तथ्यलाई मध्यनजर गर्दै क्रिकेट फ्यानहरुको संस्था नेपाल क्रिकेट फ्यान क्लबले सिरिजमा प्लेयर अफ द म्याच अवार्ड पाउने तथा विश्वरेकर्ड कायम गरेका नेपाली ओपनर कुशल भुर्तेल र आसिफ शेखलाई नगद पुरस्कार दिने घोषणा गरेको छ।

संस्थाका अध्यक्ष बिनोद विकास सिम्खडाद्वारा जारि बिज्ञप्तिमा नेपाल क्रिकेट संघद्वारा आयोजित सिरिजमा म्यान अफ द म्याच अवार्ड नहुनु हास्यास्पद बताईएको छ। त्यसैले नेपाली खेलाडीको प्रोत्साहन स्वरूप फ्यान क्लब र अमेरिकाको नेप्लिज क्रिकेट नर्थ क्यारोलाइना मिलेर नगद पुरस्कार प्रदान गर्ने निर्णय गरीएको हो।

“काठमाडौँमा चालु रहेको त्रिकोणात्मक सिरिजमा नेपाल क्रिकेट संघले म्यान अफ द म्याचको लागि कुना नगद पुरस्कार राखेको छैन। यसले सम्पूर्ण क्रिकेट प्रेमी फ्यानलाई आघात पुगेको छ। क्यानले आफ्ना बलबुतामा गरेको पहलो सिरिजमा म्यान अफ द म्याचलाई नगद पुरस्कार नराख्नु हास्यास्पद मात्रै नभएर नेपाल क्रिकेटको लागि नयाँ गन्तव्य हुनसक्ने कुरामा पनि प्रश्न चिन्ह खडा गरेको छ।” क्लबद्वारा जारि बिज्ञप्तिमा बताईएको छ।

घोषणा अनुसार सिरिजमा नेपालबाट प्लेयर अफ द म्याच घोषित भएका खेलाडीहरुलाई १ सय डलर तथा विश्वरेकर्ड बनाएका ओपनिंग ब्याट्सम्यान कुशल भुर्तेल र आसिफ शेखलाई जनै १२५ डलर पुरस्कार दिनेछ। प्रतियोगिता सकिए लगत्तै उक्त पुरस्कार खेलाडीलाई उपलब्ध गराउने क्लबले बताएको छ।

सिरिजको प्रत्येक खेलमा उत्कृस्ट खेलाडीहरुलाई क्यानले गिफ्ट ह्याम्पर र मेडलको व्यवस्था गरेको छ। नेपालले खेलेको ४ वटा खेल मध्ये ३ वटा खेलमा नेपाली खेलाडीहरु कुशल भुर्तेल, करन केसी र सोमपाल कामि प्लेयर अफ द म्याच घोषित भएका थिए। सिरिजमा डेब्यु गरेका कुशल भुर्तेल र आसिफ शेखले लगातर दुईवटा खेलमा शतकीय साझेदारी गर्दै नयाँ विश्वरेकर्ड बनाएका थिए।

यो पनि पढ्नुस 

IPL : पडीक्कलको शतक र कोहलीको किर्तिमान, बैंगलोरको लगातार चौथो जित

विश्वरेकर्ड बनाउन चुकेपछि करनले भने “हान्छु भनेको थिए तर बल राम्रो पर्यो।”

मलेसियासंग नखेलेका अविनाश कसरि भए प्रशिक्षक व्हाटमोरको लागि ‘म्यान अफ द म्याच’





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]