टि-२० विश्वकप छनौट एसिया फाइनल सोमबार देखि, यसरी छनौट हुन सक्छ नेपाल २०२० टि-२० विश्वकप



मलेसियासंग जुलाई १३ र १४ तारिकमा २ वटा टि-२० अन्तर्राष्ट्रिय सिरिज र त्यहीं १० दिन अभ्यास पछि नेपाली क्रिकेट टिम आईसीसी टि-२० विश्वकप छनौट ( एसिया फाइनल ) खेल्न शनिबार सिंगापुर पुगीसकेको छ। मलेसियालाई २-० ले  पराजित गर्दै पहिलो टि-२० अन्तर्राष्ट्रिय सिरिज जित हाँसिल गरेको नेपाल सामु अब अस्ट्रेलियामा १८ अक्टोबर २०२० देखि आयोजना हुने टि-२० विश्वकप खेल्न छनौट हुने चुनौती रहेको छ।

सन् २०१४ मा पहिलोपटक बंगलादेशमा सम्पन्न टि-२० विश्वकप खेलेको नेपाल त्यसपछि २०१६ को टि-२० विश्वकपमा भने छनौट हुन असफल रह्यो। २०१५ मा आयरल्याण्ड र स्कटल्याण्डमा आयोजित छनौट प्रतियोगिताको समुह चरणमा नेपालले ६ खेलमा मात्र १ खेल जित्दै असफलता हाँसिल गरेको थियो। टि-२० विश्वकप अब ४-४ वर्षमा आयोजना हुने हुनाले बल्ल नेपालले छनौट हुने अर्को मौका पाएको हो।

२०१४ टि-२० विश्वकपमा यसरी छनौट भएको थियो नेपाल  

त्यस बेला विश्वकप छनौट हुनको लागि सबैभन्दा पहिलो प्रतियोगिता एसीसी टि-२० रहेको थियो। सन् २०१३ मा नेपालमै आयोजना भएको उक्त प्रतियोगिताबाट उत्कृस्ट २ टिम ग्लोबल क्वालिफायरमा छनौट हुने थियो। तथापी प्रतियोगिता अघिनै अफगानिस्तान एकदिवसीय अन्तर्राष्ट्रिय मान्यता प्राप्त रास्ट्रको रुपमा तथा युएई ग्लोबल क्वालिफायर आयोजकको रुपमा छनौट भइसकेको थियो। त्यस प्रतियोगितामा नेपाल र अफगानिस्तान फाइनल पुगेको थियो भने युएई र हंगकंग सेमीफाइनलसम्म पुगेका थिए। फाइनलमा नेपाल पराजित हुँदै उप-विजेता भएको थियो। युएई र अफगानिस्तानसंगै नेपाल र हंगकंग ग्लोबल क्वालिफायरको लागि छनौट भएको थियो।

२०१३ नोभेम्बरमा युएईमा आयोजित ग्लोबल क्वालिफायरमा सहभागी १६ टिम मध्ये उत्कृस्ट ६ टिम विश्वकप छनौट हुने थियो। समुह चरणमा नेपाल समुह ‘बि’ को तेश्रो स्थानमा रहँदै हंगकंगलाई क्वाटरफाइनलमा पराजित गर्दै विश्वकप खेल्न छनौट भएको थियो।

Nepal Cricket Team ( ICC T20 World Cup Qualifier 2013 )

२०२० विश्वकप छनौट हुने नेपालको बाटो

गत वर्ष अक्टोबरमा मलेसियामा आयोजित टि-२० विश्वकप ( एसिया पूर्वी छनौट ) प्रतियोगिताको विजेता हुँदै पहिलो खुड्किलो पार गरेको नेपालले करिब १ वर्ष पछि दोश्रो खुड्किलोको रुपमा टि-२० विश्वकप छनौट ( एसिया फाइनल ) खेल्न लागेको हो।

– टि-२० विश्वकप छनौट ( एसिया फाइनल ) 

सिंगापुरमा जुलाई २२ देखि २८ सम्म ( साउन ६ देखि – १२ सम्म ) आयोजना हुने प्रतियोगिताको विजेता टिम ११ अक्टोबर देखि युएईमा आयोजना हुने टि-२० विश्वकप ग्लोबल खेल्न छनौट हुनेछ।

सहभागी रास्ट्रहरु – नेपाल, सिंगापुर, कुवेत, मलेसिया, कतार
फर्म्याट – सिंगल राउण्ड रोबिन ( सबैले सबैसंग १-१ खेल खेल्नेछ ) , अंकतालिकामा उत्कृस्ट हुने १ टिम छनौट हुनेछ।
नेपालको खेलतालिका : जुलाई २३ – कतारसंग, जुलाई २४ – मलेसियासंग, जुलाई २७ – कुवेतसंग , जुलाई २८ सिंगापुरसंग

– टि-२० विश्वकप ग्लोबल क्वालीफायर 

युएईमा ११ अक्टोबर देखि ३ नोभेम्बरमा आयोजना हुने प्रतियोगितामा कुल १४ टिम सहभागी हुनेछन्। १४ बाट उत्कृस्ट हुने ६ वटा टिम टि-२० विश्वकप २०२० मा छनौट हुनेछ।

२०१८ डिसेम्बर ३१ सम्म टि-२० वरियतामा ११ देखि १६ नम्बरमा रहेका टिमहरु स्वतः छनौट भइसकेका छन्। यस्तै आयोजकको रुपमा युएई सिधा छनौट भएको छ। यस्तै इस्ट एसिया प्यासिफिक छनौटबाट पपुवा न्यु गिनी, अफ्रीकाबाट केन्या र नामिबिया, युरूपबाट जर्सी छनौट भएका छन्। अब एसियाबाट २ टिम र अमेरिकाजबाट २ वटा टिम छनौट हुन बाँकी रहेको छ।

ग्लोबल  छनौट खेल्न छनौट भइसकेका टोलिहरु ( कुल ११ ) स्कटल्याण्ड, जिम्बाबे, नेदरल्याण्ड, हंगकंग, ओमान, आयरल्याण्ड, युएई, पपुवा न्यु गिनी, केन्या, नामिबिया, जर्सी , ३ टिम बाँकी ( एसियाबाट १ र अमेरिकाजबाट २ )

नोट – जिम्बाबेलाई आईसीसीले निलम्बन गरेको हुँदा ग्लोबल छनौट खेल्न नखेल्ने अनिश्चित रहेको छ। पछिल्लो निर्णय अनुसार जिम्बाबेले आईसीसीले आयोजना गर्ने प्रतियोगिता खेल्न नपाउने भनिएको छ।

नेपालको बाटो समग्रमा – टि-२० विश्वकप छनौट ( एसिया फाइनल ) जितेमा ग्लोबल छनौट खेल्न छनौट हुनेछ। ग्लोबल छनौटमा १४ टिम मध्ये उत्कृस्ट ६ टिम हुन सके नेपाल दोश्रो पटक टि-२० विश्वकप खेल्न छनौट हुनेछ।

२०२० विश्वकपमा डिसेम्बर ३१ २०१८ सम्म आईसीसी टि-२० वरियतामा उत्कृस्ट ९ स्थानमा रहेका देशहरु र आयोजकको रुपमा अस्ट्रेलिया छनौट भइसकेका छन्। २०२० टि-२० विश्वकप छनौट भइसकेका राष्ट्रहरु – अस्ट्रेलिया, पाकिस्तान, भारत, इंग्ल्याण्ड, दक्षिण अफ्रीका, न्युजिल्याण्ड, वेस्टन्दिज, अफगानिस्तान, श्रीलंका, बंगलादेश

 





थप समाचार

पुरनको आक्रामक अर्धशतक बाबजुद वेस्टइन्डिज पराजित, पाकिस्तानलाई अग्रता

दोश्रो खेलमा घरेलु टोलि वेस्टइन्डिजलाई ७ रनले पराजित गर्दै पाकिस्तानले ४ खेलको टि-२० अन्तर्राष्ट्रियको सिरिजमा १-० को अग्रता लिएको छ। […]

होल्डरको घातक बलिंग, राम्रो सुरुवातका बाबजुद पाकिस्तानको मध्यम योगफल

पाकिस्तानको वेस्टइन्डिज भ्रमण अन्तर्गत ४ खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न पाकिस्तानले वेस्टइन्डिजलाई १५८ रनको लक्ष्य प्रस्तुत गरेको […]

द हन्ड्रेड : क्लार्क चम्किंदा म्यानचेस्टरको जित

वेल्स फायरलाई ७ विकेटले पराजित गर्दै म्यानचेस्टर ओरिजिनलले इंग्ल्यान्डमा जारी द हन्ड्रेड लिग अन्तर्गत दोश्रो जित दर्ता गरेको छ। कार्डिफ […]

अन्तर्राष्ट्रिय क्रिकेटबाट उडानाको सन्यास

श्रीलंकन क्रिकेटर इसुरु उडानाले अन्तर्राष्ट्रिय क्रिकेटबाट सन्यास घोषणा गरेका छन्। उडाना भारत बिरुद्ध भर्खरै सम्पन्न एकदिवसीय र टि-२० सिरिजमा टिमको […]

बेन स्टोक्सले क्रिकेटबाट लिए ब्रेक

इंग्ल्यान्ड क्रिकेट टिमका स्टार अलराउण्डर बेन स्टोक्सले अचानक  सबै किसिमको क्रिकेटबाट ब्रेक लिने निर्णय लिएका छन्। ३० वर्षीय अलराउण्डरले तत्काल […]

‘द हन्ड्रेड’ भिन्सको कप्तानी इनिंग्समा ब्रेभको पहिलो जित

रोमान्चक खेलमा मोईन अलि कप्तानीको बर्मिङगम फोनिक्सलाई ४ विकेटले पराजित गर्दै जेम्स भिन्स कप्तानीको साउदर्न ब्रेभले ‘द हन्ड्रेड’ लिगमा पहिलो […]