ब्याटिंग सुधार्न देसाईको कसरत ( फोटो फिचर )



  • विकेटनेपाल, भदौ १३

ब्याटिंग नेपाली क्रिकेट टिमको नयाँ समस्या हैन l सिनियर रास्ट्रिय क्रिकेट टिम मात्रै हैन यु-१९ र महिला क्रिकेट टिमको मुख्य समस्या ब्याटिंग रहँदै आएको छ l

यु-१९ रास्ट्रिय क्रिकेट टिमले गत महिना सिंगापुरमा सम्पन्न यु-१९ एसीया बिश्वकप छनौटमा अत्यन्त खराब ब्याटिंग प्रदर्शन गर्नु बिश्वकप छनौटमा ठुलो तगारो बन्न पुगेको थियो l दिपेन्द्र ऐरी बाहेक अन्य ब्याट्सम्यानहरुले लज्जास्पद प्रदर्शन गरेपछि पुनः ब्याटिंग पक्ष आलोचित बन्यो l

सेप्टेम्बर ८ देखि १७ तारिकसम्म मलेसियामा आयोजना हुने एसीसी यु-१९ प्रतियोगिता नजिकिँदै गएको छ l उक्त प्रतियोगिताको उत्कृस्ट २ टिम छनौट हुने यु-१९ एसिया कप पनि धेरै टाढा छैन l ठुलो प्रतियोगितामा नजिकिंदै गर्दा ब्याटिंग फेरी पनि नेपाली टिमको चिन्ताको कारण बनेको छ l

यही समस्या समाधान गर्न आइपीएल टिम राजस्थान रोयल्सको प्रशिक्षक रहीसकेका प्रशिक्षक मोन्टि देसाई ब्याटिंग कन्सल्ट्यान्टको रुपमा नेपाल आएका हुन् l

मंगलबार विकेटनेपाल टियु मैदान पुग्दा देसाई यु-१९ टिम ओपनर आसिफ शेख र सन्दिप सुनारलाई बिशेष कक्षा लिईरहेका थिए l यु-१९ बिश्वकप छनौटमा मात्रै हैन गत बर्ष एभरेस्ट प्रिमियर लिगको फाइनलमा शतक पछि आफ्नो लय गुमाएका आसिफ र बिश्वकप छनौटमा फ्लप सन्दिप सुनारलाई देसाईले बिभिन्न ब्याटिंग ड्रिल गराए l

देसाईले आसिफ र सन्दिपलाई इनिंगको सुरुवात गर्ने तरिका देखि लिएर दबाब कसरि झेल्ने, इनिंग विकास गर्ने तरिका सिकाउने क्रममा दुवै ब्याट्सम्यानसंग बारम्बार अन्तरक्रिया गरेका थिए l

सिकेको कुराको नतिजा कस्तो आयो र ब्याटिंगमा के फरकपना देखियो तुरुन्त प्रतिक्रिया दिन लगाउने देसाईको प्रशिक्षण पछि आसिफ र सन्दिपले सिकेको कुरालाई अभ्यास गरेका थिए l


प्रशिक्षणको दौरान देसाई बारम्बार ब्याट्सम्यानहरुलाई सम्झाइरहेका तथा उनीहरुको कुरा सुनीरहेका देखिन्थे l ब्याट्सम्यानलाई मनमा लागेको कुरा पनि बोलिहाल्न समेत लगाईरहेका थिए l


सबैसंग चाडैनै घुलमिल हुन सक्ने स्वभाव भएका उनि वरिपरी रहेका सिनियर क्रिकेटरलाई समेत टिप्स दिन पुगीहाल्थे l त्यस क्रममा दिपिल नाथ देखि सोमपाल कामिसम्मलाई उनले ब्याटिंग सुझावहरु दिएका थिए l

 


एसियन क्रिकेट काउन्सिलको सम्पूर्ण खर्चमा १० दिन नेपाल बस्ने क्रममा देसाईले पछिल्लो प्रतियोगितामा फ्लप भएको नेपाली ब्याटिंग लाइनअपलाई आत्मविश्वास प्रदान गर्नेछन् l नेपाल आएका यी हाई प्रोफाइल प्रशिक्षकबाट नेपालले गरेको आशा पुरा हुनेछ वा छैन त भबिष्यलेनै देखाउला तर बिदेशी प्रशिक्षकको आगमनले नेपाली ब्याट्सम्यानहरुमा उत्साह भने देखिएको छ l

हेर्नुस देसाईको ब्याटिंग प्रशिक्षण तस्बिरहरुमा :- 





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]