“मलाई लाग्दैन यो भन्दा बढी हामीले गर्न सक्थ्यौ, अब जे हुन्छ भगवानको हातमा छ” मोर्गन



राजस्थान रोयल्स बिरुद्ध ६० रनको शानदार जित दर्ता गरेपछि कोलकाता नाइट राइडर्सका कप्तान ओएन मोर्गनले आफ्नो टिमले स्वतन्त्र क्रिकेट खेल्न चाहेको बताएका छन्।

प्याट कमिन्सले ४ विकेट तथा मोर्गनले ६८ रनको कप्तानी इनिंग खेल्दा दुबई अन्तर्राष्ट्रिय स्टेडियममा राजस्थान ठूलो अन्तरले पराजित बन्यो। कोलकाताले दिएको १९२ रनको लक्ष्य पछ्याउदा राजस्थानले १३१ रन मात्रै बनाउन सक्यो।

जितपछि कोलकाता अंकतालिकामा चौथो स्थानमा रहेको छ जसको १४ खेलमा १४ अंक रहेको छ। हारपछि राजस्थान प्ले-अफ रेसबाट बाहिर हुने चेन्नाई र पन्जाब पछि तेश्रो टिम बनेको छ।

“मलाई लागेको थियो यो औशत हो। सबै ब्याट्सम्यानले ब्याटिंगमा आउदा विकेट राम्रो छ र शित हुँदा अझ सहज हुने बताएका थिए। हामीले १० देखि १५ ओभरको बीचमा विकेट गुमायौं तर पनि इनिंगको अन्त्य राम्रो गर्न सक्यौं। हामि त्यहाँ स्वतन्त्र प्रकारको क्रिकेट खेल्न गाएका थियौं जसले मात्र हामिलाई जित दिलाउन सक्थ्यो। अझ विशेष गरि शित अनपेक्षित रुपमा आउने गर्छ।”

खेलमा लकी फर्गुसनलाई बाहिर राख्दै आन्द्रे रसेललाई खेलाउनुको कारण बारे सोध्दा मोर्गनले बताए – “आन्द्रे रसेललाई खेलाउनुको पछाडी परिस्थिति र समीकरणको कारण हो। हामीले जोखिम मोलेका हौँ। हामीले यो कुरा बारे खेल अघि बहस पनि गरेका थियौं।”

“खेल जित्नको लागी विशेष गरि सुरुवाती विकेट आवस्यक थियो। राजस्थान त्यस्तो टिम हो जसको माथिल्लो क्रमको ब्याट्सम्यानहरु राम्रा छन् त्यसैले उनीहरुलाई छिट्टै आउट गर्नुपर्थ्यो। हामिले आक्रामक मनस्थितिमा खेल्नुपर्थ्यो। राम्रो लेन्थमा बलिंग गर्नु आवस्यक थियो जसलाई पहिलो ६ ओभरमा लाग्नु गर्ने प्रयास गर्यौं जसमा माभीले शानदार बलिंग गरे। पक्कै पनि प्याटले सुरुवातमा लय दिने काम गरे।”

लक्ष्य पछ्याउने क्रममा राजस्थानले पहिलो ५ विकेट ३७ रनको योगफलमै गुमाएको थियो जसमध्ये प्याट कमिन्सले ४ विकेट लिएका थिए।

मलाई थाहा थियो नेट रन रेटको बारे पनि तर त्यो भन्दा पहिले तपाई जित्ने अवस्थामा पुग्नु पर्छ।”

“मलाई लाग्दैन यो भन्दा बढी आज हामीले गर्न सक्थ्यौ। त्यसैले अब जे हुन्छ भगवानको हातमा छ।” मोर्गनले बताए।

अब कोलकाताको प्लेअफ सम्भावना दिल्ली र बैंगलोर तथा हैदरावाद र मुम्बई बीचको खेलमा टिकेको छ। हैदरावादलाई मुम्बईले पराजित गरेमा कोलकाता प्लेअफ पुग्नेछ। त्यसो नभएको खण्डमा दिल्ली र बैंगलोर बीचको खेलमा पराजित हुने टिमको नेट रन रेट कोलकाता भन्दा कम हुन आवस्यक छ।

यो पनि पढ्नुस 

IPL प्लेअफ रेस : ३ स्थान, ४ टिम, २ खेल बाँकी, यस्तो छ प्लेअफ समीकरण

कमिन्सले घातक बलिंग गर्दा कोलकाताको शानदार जित, राजस्थान बाहिरियो

आजम र एहमद चम्किदा १ खेल अगावै पाकिस्तानले जित्यो सिरिज

पन्जाबको प्ले-अफ सपना चेन्नाईद्वारा चकनाचुर, गायकवाडको कीर्तिमानी अर्धशतक





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]