महिला प्रम कप : लुम्बिनीद्वारा प्रदेश-२ सहजै पराजित



दाङको लमहीमा प्रधानमन्त्री कप राष्ट्रिय महिला टि-२० प्रतियोगिता सुरु भएको छ। प्रतियोगिता अन्तर्गत उद्घाटन खेलमा समुह ‘ए’ अन्तर्गत लुम्बिनी प्रदेशले प्रदेश नम्बर-२ लाई सहजै ९ विकेटले पराजित गरेको छ।

लमही क्रिकेट मैदानमा सम्पन्न खेलमा प्रदेश-२ ले दिएको ७८ रनको लक्ष्य लुम्बिनीले १६.१ ओभरमा मात्र १ विकेट गुमाएर पुरा गर्यो। ( स्कोरकार्ड )

लुम्बिनीको लागि गीता गोसाईले सर्व्धिक २३ रन, सरस्वति जीएमले २२ रन तथा कप्तान नेरी थापाले १५ रन बनाए। प्रदेश-२ को लागि एउटा मात्र विकेट कविता गौतमको नाम रह्यो।

लक्ष्य पछ्याउने क्रममा लुम्बिनीको लागि ओपनर गीता गोसाई र सरस्वति जीएमले अर्धशतकीय साझेदारी गरे। ५३ रनको साझेदारीलाई १२ औं ओभरमा कविता गौतमले सरस्वतिलाई बोल्ड गर्दी तोडिन्। दोश्रो विकेटको लागि गीताले कप्तान नेरी थापासंग अविजित २५ रनको साझेदारी गर्दै टिमलाई जितसम्म पुर्याए।

यस अघि टस हारेर ब्याटिंग गरेको प्रदेश-२ ले निर्धारित २० ओभरमा ७ विकेट गुमाएर ७७ रन बनाएको थियो।

प्रदेश-२ को ब्याटिंगमा अनुराधा चौधरी र साना प्रविनले समान सर्वाधिक २१ रन तथा बिमला मगरले १० रन योगदान दिए।

अनुराधा चौधरी ( Anuradha Chaudhary )

खराब सुरुवात गरेको प्रदेश-२ ले पहिलो ३ विकेट १५ रनको योगफलमा गुमाएको थियो। ओपनर मेलिना रायमाझी र कप्तान सन्तोषी चौधरी खाता नखोली तथा गोमा आले ३ रन बनाएर आउट भए। चौथो विकेटको लागि ओपनर अनुराधा चौधरी र साना प्रविनले ३४ रनको साझेदारी गरे। अनुराधा १३ औं ओभरमा गीता गोसाईबाट स्टम्प भएपछि पाँचौ विकेटको लागि साना प्रविन र बिमला मगर बीच २४ रनको साझेदारी भयो। १९ औं ओभरमा बिमलालाई सुस्मिता भुसालले एलबिडब्लु आउट गर्दै साझेदारी तोडिन्। साना प्रविन २० औं ओभरमा रन आउट भइन्।

लुम्बिनीको बलिंगमा सुस्मिता भुसालले सर्वाधिक ३ विकेट हात पारिन् जुन क्रममा ४ ओभरमा मात्र १० रन खर्चिन्। स्वस्तिका बजगाई ( ४-०-१७-१ ) , कप्तान नेरी थापा ( ३-०-१०-१ ) र गीता गोसाई ( ४-०-२०-१ ) ले समान १ विकेट हात पारे।

प्रतियोगिता अन्तर्गत पहिलो दिनको दोश्रो खेलमा एपीएफ र कर्णाली प्रदेशले प्रतिस्पर्धा गर्नेछन्।

प्रतियोगितामा विभागीय टोलि एपीएफ र ७ प्रदेश गरि कुल ८ टोलि सहभागी रहेका छन्। समुह ‘ए’ मा एपीएफ, प्रदेश-२, कर्णाली र लुम्बिनी रहेका छन् भने समुह ‘बि’ मा गण्डकी, प्रदेश-१, बागमती र सुदुरपश्चिम रहेका छन्।





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]