हैदराबादसँग ११८ रन भेटाउन नसक्दा मुम्बई फेरी पराजित



  • विकेटनेपाल, बैशाख १२ – बुधबार

इन्डियन प्रिमियर लिग (आइपिएल) क्रिकेट अन्तर्गत गएराती भएको खेलमा मात्र ११८ रनको योगफल भेटाउन नसक्दा मुम्बई इन्डियन्स सनराइजर्स हैदराबादसँग ३१ रनले पराजित भएको छ ।

प्रतियोगितामा ६ खेल खेलेको मुम्बईले अहिलेसम्म एकमात्र जित हात पार्दै अंकतालिकामा सातौँ स्थानमा रहेको छ भने समान खेलबाट ४ जित हातपार्दै हैदराबाद तेस्रो स्थानमा रहेको छ ।

मुम्बईको घरेलु मैदानमा भएको खेलमा टस हारेर पहिले ब्याटिंग गरेको हैदराबादले ८ बल अगावै सबै विकेट गुमाएर ११८ रनमात्र बनाउन सकेको थियो । उसका लागि कप्तान केन विलियम्सनले २९ रन (२१ बल, ५ चौका), युसुफ पठानले २९ रन (३३ बल, २ चौका, १ छक्का), मनिष पाण्डेले १६ रन (११ बल, ३ चौका) र मोहम्मद नाबीले १४ रन (१० बल, २ चौका) बाहेक अरुले दोहोरो अंक छुन सकेनन् ।

केन विलियम्सन

बलिंगतर्फ मुम्बईका मयंक मर्कंडेले ३ ओभरमा १५ रन खर्चेर, हार्दिक पान्ड्यले ३ ओभरमा २० रन तथा मिचेल मेक्लेनेघनले ३ ओभरमा २२ रन खर्चेर समान २/२ विकेट लिए भने मुस्ताफिजुर रहमान र जस्प्रित बुम्राहले १/१ विकेट लिए ।

शिखर धवनलाई आउट गरेपछि खुसि मनाउंदै मुम्बईका खेलाडी

जवाफमा लक्ष्य पछ्याएको मुम्बई इन्डियन्सले खराब ब्याटिंग गर्दै ७ बल अगावै सबै विकेट गुमाएर मात्र ८७ रन बनाउन सक्यो । खराब ब्याटिंग गर्दै २१/३ मा रहेको उसलाई सुर्यकुमार यादवले सम्हाल्ने प्रयासमा चौथो विकेटको लागि क्रुनाल पान्ड्यसँग ४० रनको साझेदारी गरेका थिए । सूर्यकुमारले ३४ रन (३८ बल, ४ चौका)   र क्रुनालले २४ रन (२० बल, ४ चौका) बनाए । अन्य खेलाडीहरुको ब्याटिंग निराशाजनक रह्यो ।

बलिंगतर्फ हैदराबादका लागि सिद्धार्थ कौलले ३ विकेट लिन २३ रन खर्चिदा रशिद खानले ११ रन र बसिल थम्पीले ४ रन खर्चेर समान २/२ विकेट लिए । राशिद खान म्यान अफ द म्याच घोषित भए ।





थप समाचार

सोमपाल र शाहब चम्किदा आर्मीद्वारा काठमाडौँ मेयर्स-११ पराजित

सोमपाल कामि र शाहब आलमले उत्कृस्ट प्रदर्शन गर्दा सन्दिप लामिछाने कप्तानीको काठमाडौँ मेयर्स-११ लाई पराजित गर्दै त्रिभुवन आर्मी क्लबले काठमाडौँ […]

शाहब आलम चम्कदा काठमाडौं मेयर-११ १५५ रनमा अलआउट

काठमाडौँमा जारि काठमाडौँ मेयर्स कप २०७७ अन्तर्गत हाल तेस्रो दिनको एकमात्र खेलमा विभागीय टोलि त्रिभुवन आर्मी क्लब र काठमाडौं मेयर-११ […]

टस हारेर आर्मी विरुद्ध ब्याटिङ गर्दै काठमाडौं मेयर-११

काठमाडौं । काठमाडौं मेयर्स कप २०७७ अन्तर्गत तेस्रो दिन आज एक खेल मात्र हुँदैछ। जसमा विभागीय टोली त्रिभुवन आर्मी क्लब […]

आईपीएल २०२१ : उद्घाटन खेलमा मुम्बई र बैंगलोर बीच प्रतिस्पर्धा ( खेलतालिका सहित )

इन्डीएन प्रिमियर लिग ( आईपीएल ) को १४ औं सिजन यो वर्ष अप्रिल ९ तारिख देखि सुरु हुने भएको छ। […]

रुपन्देही सुपर लिग : वेष्टर्न सेमिफाइनलमा

प्रकाश न्यौपाने, भैरहवा, फागुन २३ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत आइतबार भएको डिभिजन ‘ए’को समूह […]

एपीएफको लगातार दोस्रो जित, पुलिस १ विकेटले पराजित

काठमाडौं । विभागीय टोली एपीएफले काठमाडौं मेयर्स कप क्रिकेटमा लगातार दोस्रो जित निकालेको छ । टियु क्रिकेट मैदानमा भएको खेलमा […]