रहिमको शतकमा बंगलादेशको जित, तामिमले जिते सबैको मन



  • विकेटनेपाल, असोज १ – आइतबार

संयुक्त अरब इमिरेट्स (युएई) मा शनिवारदेखि सुरु भएको एसिया कप क्रिकेट प्रतियोगिता अन्तर्गत उद्घाटन खेलमा बंगलादेशले श्रीलंकालाई १३७ रनको फराकिलो अन्तरले पराजित गरेको छ।

दुबई अन्तर्राष्ट्रिय क्रिकेट मैदानमा भएको खेलमा टस जितेर पहिले ब्याटिङ गरेको बंगलादेशले निर्धारित ५० ओभरको खेलमा ३ बल अगावै सबै विकेट गुमाउँदै २६१ रनको योगफल तयार पारेको थियो।

सुरुवाती २ विकेट मात्र १ रनमा गुमाएको उसका लागि मुश्फिकर रहिमले १४४ रन (१५० बल, ११ चौका, ४ छक्का) तथा मोहम्मद मिथुनले ६३ रन (६८ बल, ५ चौका, २ छक्का) बनाउँदै तेस्रो विकेटको लागि १३३ रनको साझेदारी गरेका थिए।

Rahim and Mithun (Credit: ACC)

त्यसपछि अन्य खेलाडीको प्रदर्शन सम्झन लायक नरहेपनि अर्कोतर्फबाट रहिमले लगातार आक्रमण गरिरहे र आफ्नो करियरको सर्वाधिक ठुलो योगफल तयार पारे। बलिंगतर्फ श्रीलंकाका लासिथ मालिंगाले ४ विकेट लिनेक्रममा १० ओभरमा २ मेडन सहित मात्र २३ रन खर्चिए भने धनन्जय डी शिल्भाको नाममा २ विकेट रह्यो।

Graphics (Credit: ACC)

जवाफमा २६२ रनको जितको लक्ष्य पछ्याएको श्रीलंकाले खराब ब्याटिङ गर्दै ३५.२ ओभरमा सबै विकेट गुमाएर मात्र १२४ रन बनाउन सक्यो। उसका लागि दिलरुवान परेराले २९, उपुल थारंगाले २७, सुरान्गा लकमलले २० रन बनाएका थिए।

बंगलादेशका लागि कप्तान मश्राफे मोर्ताजा, मुस्ताफिजुर रहमान र मेहदी हसनले समान २/२ विकेट हात पारे।

Lasith Malinga (Credit: ACC)

२ रन बनाएका तामिम इकबालले जिते मन

दोश्रो ओभरको अन्तिम बलमा सुरान्गा लकमलले फ्याकेको सर्ट बल पुल गर्ने प्रयासमा देब्रेहातमा लागेर तुरुन्तै मैदान छाडेका तामिमले टिमले ९ विकेट गुमाएपछी ४६.६ ओभरमा ब्याटिंग गर्न आउने निधो गरे।
तर ब्याटिंग सोचेजस्तो थिएन, देब्रेहातले केहि गर्न नमिल्ने भएपछी प्रतियोगिताबाटै बाहिरिएका उनले अन्तिम विकेटको लागि मुश्फिकर रहिमसँग ३२ रनको साझेदारी गरे, जहाँ उनले आफुले सामना गरेको पहिलो बल छेकेका मात्र थिए तर एकहातले ब्याटिङ गर्दै। उक्त भाचिएको हातले ब्याटिंग गरेपछि र अन्तिमको साझेदारीले टिमको मनोबल बढेको थियो जुन हामीले नतिजामा पनि देख्न सक्छौं ।





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]