शरद खेल्न नसक्ने, सट्टामा नरेश हंगकंग जाने

cricket association of nepal


  • विकेटनेपाल, असोज २६ 

आईसीसी बिश्व क्रिकेट लिग च्याम्पियनसिप अन्तर्गत हंगकंगसंगको २ वटै खेल शरद भेसावकर खेल्न नसक्ने भएका छन् ।

हंगकंग पुगेपछि ज्वरोले थलिएका शरद खेल्न नसक्ने भएपछि उनको स्थानमा नरेश बुढायरले  नेपाली टिममा स्थान बनाएका छन्। नरेश आजै हंगकंग प्रस्थान गर्नेछन् र शुक्रबार बिहान नेपाली टिममा सामेल हुनेछन्।

नेपाली टिमको तर्फबाट प्रेस बिज्ञप्ति जारि गर्दै टिम ब्यबस्थापक रमण शिवाकोटीले यो कुराको अधिकारिक जानकारी दिएका हुन्।

हंगकंगसंग खेल्ने १४ जनाको टिम पछि ४ जना बैकल्पिक खेलाडीको सुचीमा नरेश बुढायर, मेहबुब आलम, कुशल भुर्तेल र जितेन्द्र मुखिया रहेका थिए।

नरेशले अन्तिम पटक बिश्व क्रिकेट लिगकै नामिबियासंगको खेलमा नेपाली टिमको लागि खेलेका थिए । उक्त खेलमा ओपनिंग गरेका उनले ६ रन बनाएका थिए।

हंगकंगसंग तेश्रो नम्बरमा ब्याटिंग गरिने योजनामा रहेका शरदको अनुपस्थिति पछि नरेशले चौथो नम्बरमा ब्याटिंग गर्ने र पारस खड्का तेश्रो नम्बरमा ब्याटिंग गर्ने सम्भावना रहेको छ ।

हंगकंग भ्रमण अघि नेपालले गरेको भारत भ्रमणमा हंगकंगसंगको खेलको तयारीको क्रममा शरद उत्कृस्ट लयमा रहेका थिए र तमिलनाडु ‘ए’ टिमसंग शतकीय योगदान समेत दिएका थिए ।

बिश्व क्रिकेट लिग च्याम्पियनसिपमा शरदले हालसम्म १० खेलमा ४५.८५ को औषतमा ३२१ रन बनाईसकेका छन् । यो क्रममा शरदले ३ अर्धशतक प्रहार गरिसकेका छन् । पारस खड्का ( ३५२ ) पछि शरद नेपालको लागि च्याम्पियनसिपमा धेरै रन बनाउने खेलाडी हुन् ।

यस अघि शक्ति गौचन पायल्सको कारण नेपाली टिमको अभ्यासमै सामेल भएका थिएनन् भने विकेटकिपर ब्याट्सम्यान दिलिप नाथ पनि ढाडको समस्याको कारण बन्दसत्रबाट बाहिरिएका थिए ।

नेपाली टिम :- 

  • पारस खड्का  ( कप्तान ) , ज्ञानेन्द्र मल्ल  ( उपकप्तान ),  नरेश बुढायर , बसन्त रेग्मी, सोमपाल कामी, सागर पुन, विनोद भण्डारी, करण केसी, सुशील कँडेल, ललित भण्डारी, सुशन भारी, आरिफ शेख, दिपेन्द्र सिंह ऐरी र सन्दिप लामिछाने

 





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]