यही मङ्सिर १० गते देखि सुरु हुने नेपाली राष्ट्रिय टिमको बन्दसत्रको लागि नेपाल क्रिकेट संघ ( क्यान )ले फिटनेस ट्रेनर नियुक्त गरेको छ।
भारतका आशय हटकरलाई फिटनेस ट्रेनरको रुपमा नियुक्त गरिएको हो। अन्तर्राष्ट्रिय हटकर भारतको ‘ओलम्पिक गोल्ड क्वेस्ट’ नामक संस्थाको सहायक ‘स्ट्रेन्थ एण्ड कन्डिसनिंग कोच’ रहीसकेका छन् जसको फिटनेस क्षेत्रमा १२ वर्षको अनुभव रहेको छ।
नेपाली राष्ट्रिय टिमले बन्दसत्रको लागि २२ सदस्यीय टिमको शुक्रबार घोषणा गरिसकेको छ। क्यानले आगामी अन्तर्राष्ट्रिय प्रतियोगिताहरुलाई मध्यनजरमा राखेर बन्द प्रशिक्षण शिविर संचालन गर्न लागेको हो।
बन्द प्रशिक्षण अघि क्यानले घोषित २२ खेलाडी तथा प्रशिक्षक जगत टमाटाको मंसिर ८ गते पीसीआर परिक्षण गरिने बताएको छ। त्यसको लागि क्यानले खेलाडीहरुलाई संघमा सम्पर्क गर्न सुचित गरेको जानकारी गरएको छ। रिपोर्ट नेगेटिभ आएमा मात्र बन्दसत्रमा सहभागी हुन पाइने क्यानले बताएको छ।
बन्द प्रशिक्षणको लागि घोषित २२ सदस्यीय टिम : ज्ञानेन्द्र मल्ल ( कप्तान ) , दिपेन्द्र सिंह ऐरी ( उपकप्तान ) , पारस खड्का, सन्दिप लामिछाने, शरद भेसावकर, करण केसी, बसन्त रेग्मी, बिनोद भण्डारी, सोमपाल कामी, सुसन भारि, ललित राजबंशी, आरिफ शेख, पवन सर्राफ, अभिनाश बोहरा, सुबास खकुरेल, रोहित पौडेल, कुशल मल्ल, रासिद खान, कमल सिंह ऐरी, सन्दिप जोरा, किशोर महतो, भुवन कार्की , प्रशिक्षक – जगत बहादुर टमाटा
सन्दिपले होबार्टबाट बिग ब्यास खेल्ने, कति पाउनेछन् मूल्य, कहिले छ खेल
