पहिलोपटक क्रिकेट अवार्ड हुने

  • विकेटनेपाल, फाल्गुन २ – विहीबार

क्रिकेट खेलाडी संघ नेपालको आयोजना तथा एनसिसीएस स्कुलको मुख्य प्रायोजनमा ‘एनसिसीएस – सिप्यान अवार्ड २०१९’ सुरुवात हुने भएको छ।

उक्त अवार्ड ५ विधामा प्रदान गरिने बुधबार काठमाण्डौमा आयोजित एकपत्रकार सम्मेलनमा जानकारी गराइएको थियो।

वि.स, २०७५ फाल्गुन २१ गते एक समारोह गर्दै क्रिकेटको माध्यमबाट देशलाई अन्तर्राष्ट्रिय स्तरमा चिनाउन महत्त्वपूर्ण योगदान दिने व्यक्तिहरुलाई सम्मान गर्दै अवार्ड वितरण गरिनेछ।

राष्ट्रिय तथा अन्तर्राष्ट्रिय सहभागी क्रिकेटरहरुको हकहीतको लागि स्थापना गरिएको सिप्यान विभिन्न समयमा खेलाडीहरुलाइ सहयोग गर्दै आइरहेको छ। यस संघका महासचिव नेपाली राष्ट्रिय टिमका कप्तान समेत रहेका पारस खड्का छन् भने अध्यक्षमा पुर्व क्रिकेटर मनिष राज पाण्डे छन्।

अवार्ड निम्नलिखित बुँदामा प्रदान गरिनेछ:

क्र.स. अवार्ड विधाहरु पुरस्कार राशि (२५% कर सहित)
१. वर्ष क्रिकेट खेलाडी २०१८/१९ (पुरुष) १,३२,०००
२. वर्ष क्रिकेट खेलाडी २०१८/१९ (पुरुष) ६६,०००
३. वर्ष उदाउँदो क्रिकेट खेलाडी २०१८/१९ ६६,०००
४. वर्ष उत्कृस्ट क्षण २०१८/१९ ६६,०००
५. लाइफटाइम अचिभमेन्ट अवार्ड २०१८/१९ ६६,०००

अवार्डको लागि एक प्राविधिक टिम गठन गरिने र सोहि टिमको सिफारिसको आधारमा प्रदान गरिनेछ। उत्कृस्ट क्षणको लागि उत्कृस्ट बिधि अपनाएर सर्वेक्षण गरिने छ भने लाइफटाइम अचिभमेन्ट अवार्ड नेपाली क्रिकेटको पुरानो पुस्तालाई प्रतिनिधित्व गर्ने पुरानो क्रिकेटरलाई प्रदान गरिनेछ।