ब्याटिंग नचल्दा युवा टिम पराजित : यु-१९ टिम अभ्यास भ्रमण श्रीलंका



सेप्टेम्बर ५ देखि सुरु हुने अन्डर-१९ एसिया कपको तयारीको लागि श्रीलंकामा रहेको नेपाली अन्डर-१९ क्रिकेट टिमले तेश्रो अभ्यास खेलमा हार बेहोरेको छ।

अभ्यास भ्रमण अन्तर्गत नेपाली युवा टिमले पहिलो खेलमा सिन्हालिज स्पोर्ट्स क्लबसंग ३ विकेटको हार बेहोरेको थियो भने दोश्रो अभ्यास खेलमा बदुरलिया क्रिकेट क्लबलाई ८० रनले पराजित गरेको थियो।

तेश्रो खेलमा टस जितेर नेपालले पहिले फिल्डिंग गरेपछि ब्याटिंग गरेको चिलाउले दिएको २२६ रनको लक्ष्य पछ्याउने क्रममा नेपाली यु-१९ टिमले ४०.३ ओभरमा सबै विकेट गुमाएर १३५ रनमा सम्पूर्ण विकेट गुमाउन पुग्यो। चिलाउ ८९ रनले विजयी भयो ।

लक्ष्य पछ्याउने क्रममा ओपनर पवन सर्राफ १२ रन बनाएर तेश्रो ओभरमा आउट भए। दोश्रो विकेटको लागि अर्का ओपनर रित गौतम र आसिफ शेखले ५५ रनको साझेदारी गरे। अघिल्लो खेलमा अर्धशतक बनाएका रिट २५ रन बनाएर आउट भए जसपछि पनि आसिफले एक किनार सम्हालीरहे। तर अर्को किनारमा विकेट जाने क्रम निरन्तर रह्यो।

खराब लयमा रहेका कप्तान रोहित पौडेल मात्र २ रन बनाएर आउट भए। लगत्तै बलमा सन्दिप जोरा खाता नखोली आउट भए। त्यसपछि आसिफ शेखलाई भिम शार्कीले साथ दिए र पाँचौ विकेटको लागि ३४ रनको साझेदारी गरे।

तर ३१ औं ओभरमा ४५ रन बनाएका आसिफ एलबिडब्लु आउट भए पछि भने नेपाल खेलमा फर्कन सकेन। हरि चौहान ४ रन, कुशल मल्ल ४  तथा भिम शार्की २६ र बनाएर आउट भए।

Aasif Sheikh

नेपालले ४०.३ ओभरमा १३५ रनमै सम्पूर्ण विकेट गुमाउन पुग्यो। एक समय ७७/२ को अवस्थामा रहेको नेपाली युवा टिमले थप ५८ रन जोड्दा बाँकी ८ विकेट गुमाउन पुग्यो।

यस अघि पहिले ब्याटिंग गर्ने क्रममा चिलाउले ५० ओभरमा ८ विकेट गुमाएर २२४ रन बनाएको थियो। नेपालको बलिंगमा पवन सर्राफ र सुर्य तामांगले समान २/२ विकेट लिए। यस्तै कमल सिंह ऐरी, सागर ढकाल र राशिद खानको नाममा १/१ विकेट रह्यो।

पहिलो विकेटको रुपमा स्थानीय टिमका ओपनिंग ब्याट्सम्यानले ५० रनको तथा दोश्रो विकेटको लागि ४२ रनको साझेदारी गरेका थिए। त्यसपछि भने नेपाली बलरले निरन्तर अन्तरालमा विकेट लिए भने रनमा कन्जुसी गरेका थिए।

नेपालले ३ वटा अभ्यास खेल खेलेपछि अब अभ्यास खेल खेल्ने तालिका रहेको छैन।

 

 





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]