नेपाल ‘ए’ संग माल्दिभ्स विशाल अन्तरले पराजित, शरद र प्रदिपको विस्फोटक इनिंग



दक्षिण एसियाली खेलकुद ( साग ) को तयारीको लागि खेलिएको अभ्यास खेलमा नेपाल ‘ए’ टिमले माल्दिभ्सलाई लगातार दोश्रो खेलमा सहजै पराजित गरेको छ।

पहिलो खेलमा बिहिबार ४९ रनको जित हाँसिल गरेको नेपाल ‘ए’ ले शुक्रबार माल्दिभ्सलाई १०७ रनले पराजित गर्यो।

मुलपानी मैदानमा सम्पन्न खेलमा टस हारेर पहिले ब्याटिंग गरेको नेपाल ‘ए’ ले दिएको २१७ रनको लक्ष्य पछ्याउने क्रममा माल्दिभ्सले २० ओभर ब्याटिंग गरेता पनि ७ विकेट गुमाएर मात्र १०९ रन बनाउन सक्यो।

माल्दिभ्स क्रिकेट टिम

माल्दिभ्सको लागि मोहमद आजमले सर्वाधिक २६ तथा एडम उमरले अविजित २१ रन बनाए। नेपालको बलिंगमा बिक्रम सोब ( ४-०-१७-२ ) , मन्जित श्रेष्ठ ( ४-०-३०-२ ) र तिलक राज भण्डारी ( ४-०-१५-२ ) ले समान २/२ विकेट तथा शेर मल्लले १ विकेट ( ४-०-१९-१ ) लिए।

शरद र प्रदिपको विस्फोटक ब्याटिंग 

यस अघि पहिले ब्याटिंग गर्ने क्रममा नेपालले २० ओभरमा ३ विकेट गुमाएर २१६ रन बनाएको थियो।

नेपालको लागि ओपनिंग ब्याटिंग गरेका कप्तान शरद भेसावकरले सर्वाधिक ८४ रन बनाए। विस्फोटक ब्याटिंग गरेका उनले मात्र ४२ बलमा ८ छक्का र ४ चौका प्रहार गरे। शरदले पहिलो विकेटको लागि दिलिप नाथसंग ५१ रनको साझेदारी गरेका थिए।

दिलिप नाथ २७ रन ( १९ बलमा ३ चौका र १ छक्का ) बनाएर छैठौं ओभरमा आउट भएपछि शरदले प्रदिप ऐरीसंग ८.१ ओभरमा १०२ रनको साझेदारी गरेका थिए। शरद १४ औं ओभरमा लिम शफिकबाट एलबिडब्लु भए। त्यसपछि प्रदिप ऐरीले अमित श्रेष्ठसंग तेश्रो विकेटको लागि ६३ रनको साझेदारी गरे।

शरद भेसावकर र दिलिप नाथ ओपनिङ्ग ब्याटिंग गर्न जाने क्रममा। फोटो – इश्वर रायमाझी/विकेटनेपाल

प्रदिप ऐरी इनिंगको अन्तिम बलमा शफिकबाट क्याच आउट हुनु अघि ३६ बलमा ६९ रन बनाए जुन क्रममा ४ चौका र ६ छक्का प्रहार गरे। अमित श्रेष्ठले अविजित २३ बलमा ३ चौका मदतले २५ रन बनाए।

माल्दिभ्सको लागि सबै ३ विकेट लिम शफिकले लिए जसले ४ ओभरमा ३४ रन खर्चिए। माल्दिभ्सले कुल ९ जना बलर प्रयोग गरेको थियो।

सागमा नेपालको खेल तालिका

सागको पुरुष क्रिकेट अन्तर्गत नेपालले आफ्नो पहिलो खेल डिसेम्बर ३ मा श्रीलंका अन्डर-२३ टिमसंग खेल्दैछ।

भारत र पाकिस्तान सहभागी नभए पछि साग क्रिकेटतर्फ आयोजक नेपाल सहित, श्रीलंका यु-२३, बंगलादेश यु-२३, माल्दिभ्स र भुटान गरि ५ टिम सहभागी रहेका छन्। सबै ५ टिमले एक अर्का बिरुद्ध खेलेपछि अंकतालिकामा पहिलो र दोश्रो हुने टिमले स्वर्ण पदकको लागि खेल्नेछन्। यस्तै तेश्रो र चौथो हुने टिमले रजत पदकको लागि खेल्नेछ।

नेपालले पहिलो खेल श्रीलंका यु-२३ संग डिसेम्बर ३ मा, दोश्रो खेल भुटानसंग डिसेम्बर ५ मा, तेश्रो खेल माल्दिभ्ससंग डिसेम्बर ६ मा तथा चौथो खेल बंगलादेशसंग डिसेम्बर ७ मा खेल्नेछ। श्रीलंकासंगको खेल ११ बजे, भुटानसंग ९ बजे, माल्दिभ्ससंग १ बजे तथा बंगलादेशसंग ११ बजे सुरु हुनेछ। कास्य पदकको लागि र स्वर्ण पदकको लागि खेल ११ बजे सुरु हुनेछ।

डिसेम्बर ९ ( मङ्सिर २३ ) मा कास्य पदकको लागि अंकतालिकामा तेश्रो र चौथो हुने टिमबीच खेल हुनेछ भने स्वर्ण पदकको लागि फाइनल खेल डिसेम्बर १० ( मङ्सिर २४ ) मा खेलिनेछ।

सागको लागि नेपाली पुरुष टिम :- ज्ञानेन्द्र मल्ल ( कप्तान ) , दिपेन्द्र ऐरि , पारस खड्का, करन केसी, सोमपाल कामि, सन्दिप लामिछाने, बिनोद भण्डारी, अविनाश बोहरा, सुशन भारि, कुशल भुर्तेल, सन्दिप जोरा, आरिफ शेख, पवन सर्राफ, ललित राजबंशी, रासिद खान





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]