हंगकंगलाई पराजित गर्दै नेपाल फाइनलमा : एसीसी यु-१६ पूर्वी



  • विकेटनेपाल, बैशाख १४ , शनिवार 

थाईल्याण्डमा जारि एसीसी अन्डर-१६ पूर्वी क्षेत्र प्रतियोगिता अन्तर्गत सेमीफाइनलमा हंगकंगलाई ४ विकेटले पराजित गर्दै नेपाल फाइनल प्रवेश गरेको छ। प्रतियोगिताको नेपाल डिफेन्डिङ च्याम्पियन हो र २०१७ मा सम्पन्न भएको अघिल्लो संसकरणमा सिंगापुरलाई पराजित गर्दै नेपालले उपाधि जितेको थियो।

प्रतियोगिताको फाइनल खेल भोलि आइतबार खेलिनेछ । फाइनलमा नेपालले दोश्रो सेमीफाइनलमा मलेसिया र सिंगापुर बीच खेलको विजेतासंग खेल्नेछ।

खेलमा हंगकंगले टस जितेर पहिले ब्याटिंग गर्ने क्रममा ३२.२ ओभरमा सबै विकेट गुमाएर ८६ रनको योगफल तयार गरेको थियो।

नेपालको लागि बलिंगमा निखिल कुमार सिंहले सर्वाधिक ४ विकेट लिए। उनले ६.२ ओभरमा १६ रन खर्चिए। बिशाल कुमार पटेल ( ४-०-१७-२ ) र रमेश कुर्मी ( ७-२-१४-२ ) ले २/२ तथा तिलक राज भण्डारीले १ विकेट लिए।

हंगकंग ब्याट्सम्यान आरुष भागवतले सर्वाधिक ४३ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। आरुषले ८३ बलमा ४ चौका प्रहार गरे।

सहज रहेन नेपालको जित 

८७ रनको लक्ष्य पछ्याउने क्रममा नेपालको सुरुवात नाजुक रह्यो। ओपनर दिपक बोहरा ११, सुवास ऐयर १०, अइस भट्टराई १७, बिशाल बिक्रम केसी ७ तथा प्रशान्त महत १ रन बनाएर आउट हुँदा पहिलो ५ विकेट नेपालले ५१ रनको योगफलमा गुमाउन पुग्यो।

त्यसपछि सातौँ नम्बरका ब्याट्सम्यान रोहन दुधराज बिक र छैठौं नम्बरका निखिल कुमार सिंहले छैठौं विकेटको लागि साझेदारी गर्दै नेपाललाई विजय उन्मुख गराए। छैठौं विकेटको लागि १८ रनको साझेदारी गरेपछि रोहन दुधराज १४ रन बनाएर आउट भए।

त्यसपछि नेपालले थप विकेट गुमाएन र २१.४ ओभरमा नेपालले ६ विकेट गुमाएर लक्ष्य पुरा गर्यो। निखिल कुमार सिंहले अविजित ४ तथा कृश कार्कीले अविजित १२ रन बनाएर नेपाललाई जितसम्म पुर्याए।

नेपालको जित मुस्किल बनाउन हंगकंग बलर ब्रिज नाराइनले ३ विकेट ( ६-०-२०-३ ) तथा अहान त्रिभेदीले २ विकेट ( ५-०-२२२ ) लिए।

फोटोमा हेर्नुस नेपालको जित 

Nepal U16 Cricket Team

 





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]