मलेसियालाई ७ विकेटले पराजित गर्दै नेपाल एसीसी यु-१९ इस्टर्नको फाइनलमा



मलेसियालाई ७ विकेटले सहजै पराजित गर्दै नेपाल एसीसी अन्डर-१९ पूर्वी प्रतियोगिताको फाइनल प्रवेश गरेको छ। दोश्रो सेमीफाइनलमा सिंगापुर र हंगकंगले प्रतिस्पर्धा गरिरहेका छन् जुन खेलको विजेतासंग नेपालले भोलि फाइनल खेल्नेछ।

प्रतियोगिताको नेपाल डिफेन्डिङ च्याम्पियन समेत हो। सन् २०१७ मा नेपालले हंगकंगलाई ५ विकेटले पराजित गर्दै उपाधि जितेको थियो।

खेलमा टस जितेर नेपालले बलिंग गरेपछि मलेसियाले पहिले ब्याटिंग गर्दै दिएको ८८ रनको लक्ष्य नेपालले ३ विकेट गुमाएर १५.५ ओभरमा पुरा गर्यो।

लक्ष्य पछ्याउने क्रममा लन्च ब्रेक अघि खेल सकाउने चक्करमा नेपालले शिर्ष ब्याट्सम्यानहरुको विकेट चाडै गुमाउन पुग्यो। ठुलो सट खेल्ने चक्करमा पवन सर्राफ, रित गौतम र खडक बोहरा आउट हुन पुगे।

पवनले १६ बलमा २ छक्का र १ चौका प्रहार गरे। अघिल्लो खेलमा शतक बनाएका रितले १४ बलमा ३ रन मात्र बनाए। पवन र रित दुवैलाई हैकल खैरले क्याच आउट गराए। खडक बोहरा खाता नखोल्दै आउट भए। ठुलो सट खेल्दा उनि मोहम्मद अमिरबाट बोल्ड भए।

त्यसपछि कप्तान रोहित पौडेल र भिम शार्कीले चौथो विकेटको लागि साझेदारी गर्दै नेपाललाई जित तर्फ डोर्याए।

रोहितले अविजित ३१ तथा भिमले अविजित ३३ रन बनाए। रोहितले २९ बलमा २ चौका र १ छक्का तथा भिमले ३४ बलमा २ चौका र १ छक्का प्रहार गरे।

Bhim Sharki

मलेसिया बलर हैकल खैरले २ विकेट ( ४-१-२०-२ ) तथा मुहम्मद अमरले १ विकेट ( ५-०-२६-१ ) लिए।

नेपाली स्पिनरको अघि मलेसियाले घुंडा टेक्यो, सागरको उत्कृस्ट बलिंग 

यस अघि टस हारेर पहिले ब्याटिंग गर्ने क्रममा मलेसियाले ४०.५ ओभरमा ८७ रनमा सबै विकेट गुमाएको थियो।

मलेसियाको लागि मुहम्मद आमिरले सर्वाधिक २४, हैकुल खैरले १२, वन अमिरुलले ११ तथा अहमद अकमलले १० रन योगदान दिए।

नेपालको बलिंगमा सागर ढकालले सर्वाधिक ३ विकेट लिए जुन क्रममा १० ओभरमा ३ मेडन ओभर गर्दै मात्र १६ रन खर्चिए। चिनसंगको खेलमा पनि सागर एक्लैले ६ विकेट लिएका थिए। यस्तै कुशल मल्लले २ विकेट ( ९-५-१३-२ ) तथा कमल सिंह ऐरी ( ५-०-१४-१ ) र तिलक राज भण्डारी ( ६-२-१३-१ ) ले १/१ विकेट लिए। स्कोरकार्ड 

Tilak Bhandari

नेपालको लागि प्रतियोगितामा जित हात पार्नु महत्वपूर्ण रहेको छ। प्रतियोगिताको विजेता टिम श्रीलंकामा यसै वर्ष अगस्ट/सेप्टेम्बरमा आयोजना हुने एसीसी अन्डर-१९ एसिया कप खेल्न छनौट हुनेछ। श्रीलंकामा हुने एसिया कपको लागि पश्चिम क्षेत्रबाट कुवेत र युएई छनोट भईसकेका छन्। प्रतियोगितामा टेस्ट राष्ट्रका यु१९ टिमहरु भारत, पाकिस्तान, श्रीलंका, बंगलादेश र अफगानिस्तान स्वतः छनौट भैसकेका छन्।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]