कुशल र आसिफले कीर्तिमानी साझेदारी गर्दा नेपालको शानदार जित



नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ।

टियु क्रिकेट मैदान किर्तिपुरमा सम्पन्न खेलमा नेदरल्याण्डले दिएको १३७ रनको लक्ष्य नेपालले मात्र १ विकेट क्षेतीमा १५ ओभरमा भेटायो।

लक्ष्य पछ्याउने क्रममा नेपालको सुरुवात उत्कृस्ट रह्यो। कुशल भुर्तेल र आसिफ शेखले आक्रामक सुरुवात दिलाए। १३ औं ओभरमा अफस्पिनर जुलीएन डी मेबाट क्याच आउट हुनु अघि भुर्तेल र आसिफले ११६ रनको ओपनिंग साझेदारी गरे। भुर्तेलले टि-२० अन्तर्राष्ट्रिय डेब्युमा अर्धशतक बनाउने क्रममा ६२ रन बनाए जुन क्रममा ४६ बलमा ५ चौका र ५ छक्का प्रहार गरे।

भुर्तेलको विकेट पछि आसिफ शेखले पनि अर्धशतक बनाए र अन्तिमसम्म ब्याटिंग गरे। ३६ बलमा अर्धशतक पुरा गरेका असिफले अविजित ५४ रन बनाए जुन क्रममा ३८ बलमा ४ चौका र ४ छक्का प्रहार गरे। कप्तान ज्ञानेन्द्र मल्लले अविजित १३ रन बनाए।

आसिफ र कुशल बीच भएको ११६ रनको ओपनिंग साझेदारी नेपालको टि-२० क्रिकेट इतिहासकै सर्वाधिक ओपनिंग साझेदारी हो। यस अघि यो रेकर्ड पारस खड्का र ज्ञानेन्द्र मल्लको नाममा थियो जसले २०१९ डिसेम्बरमा नेपालमा आयोजित साग खेलमा भुटान बिरुद्ध १०८ रनको ओपैंग साझेदारी गरेका थिए। टि-२० अन्तर्राष्ट्रिय क्रिकेटमा यो साझेदारी दोश्रो सर्वाधिक साझेदारी हो।

यस अघि टस हारेर ब्याटिंग गरेको नेदरल्याण्डले निर्धारित २० ओभरमा ४ विकेट क्षेतीमा १३६ रन बनाएको थियो।

नेदरल्याण्डको सुरुवात खराब रह्यो। दोश्रो ओभरमा १० रन बनाएका ओपनर म्याक्स ओ’ डोडलाई सन्दिप लामिछानेले एलबिडब्लु आउट गरे। लगत्तै ओभरमा खाता नखोल्दै सोमपाल कामिले बेन कुपरलाई एलबिडब्लु आउट गरे।

तेश्रो विकेटको लागि ओपनर स्कट एड्वार्ड्स र बास डी लिडेले ६१ रनको साझेदारी गरे। १४ औं ओभरमा एड्वार्ड्सलाई शाहब आलमले क्याच आउट गराएर साझेदारी तोडे र पहिलो अन्तर्राष्ट्रिय विकेट समेत लिए। एड्वार्ड्सले ३२ बलमा २ चौका र १ छक्का मद्दतले ३० रन बनाए। ४१ रन बनाएका बास डी लिडेलाई १७ औं ओभरमा सन्दिप लामिछानेले क्याच आउट गरे। लिडेले ४९ बलमा ३ चौका र २ छक्का प्रहार गरे।

पाँचौ विकेटको लागि कप्तान पिटर सिलार र एन्टोनियस स्टालले ३६ रनको साझेदारी गर्दै नेदरल्याण्डलाई सम्मानजनक योगफलसम्म डोर्याए। सिलारले १७ बलमा २ चौका र १ चौका मद्दतले अविजित २२ रन बनाए भने स्टालले आक्रामक ब्याटिंग गर्दै मात्र ९ बलमा २ चौका र १ छक्का प्रहार गर्दै अविजित २० रन बनाए।

अन्तिम ५ ओभरमा नेदरल्याण्डले मात्र १ विकेट गुमाएर ५८ रन बनायो।

नेपालको बलिंगमा सन्दिप लामिछानेले सर्वाधिक २ विकेट लिए जुन क्रममा ४ ओभरमा २२ रन खर्चिए। सोमपाल कामि ( ४-०-१४-१ ) र शाहब आलमले( ४-०-४५-१ ) ले समान १ विकेट लिए।

सिरिज अन्तर्गत आइतबार नेदरल्याण्ड र मलेसिया बीच प्रतिस्पर्धा हुनेछ। नेपालले आगामी खेल सोमबार मलेसियासंग खेल्ने तालिका रहेको छ। सहभागी तिन वटा टिमले एकअर्का बिरुद्ध २/२ खेल खेलेपछि अंकतालिकामा उत्कृस्ट हुने दुई टिमले फाइनल खेल्नेछन्।

यो पनि पढ्नुस 

IPL : चेन्नाईद्वारा पन्जाब ६ विकेटले पराजित

दक्षिण अफ्रीका ३ विकेटले पराजित, पाकिस्तानले जित्यो सिरिज





थप समाचार

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]

“बन्द कोठा भित्र पक्कै केहि हुँदैछ” वार्नरलाई हटाइएको विषयमा स्टेनको कडा टिप्पणी

सनराइजर्स हैदरावादको अन्तिम-११ बाट डेभिड वार्नरलाई हटाउने निर्णय धेरै फ्यान र एक्स्पर्टहरुलाई समेत चित्त बुझेको छैन। वार्नरबारे धेरैले विभन्न थरि […]

विलियमसनले बताए ११ ओभरमै राशिदको स्पेल सक्नुको कारण

आइतबार कप्तानी परिवर्तन गर्ने सनराइजर्स हैदरावादको निर्णयले टिमको भाग्य परिवर्तन गर्न सकेन। वार्नरको स्थानमा केन विलियमसन कप्तानीको हैदरावाद राजस्थान रोयल्ससंग […]

IPL : पन्जाबलाई हराउदै दिल्ली शिर्षमा, धवनको उत्कृस्ट ब्याटिंग

पन्जाब किंग्सलाई ७ विकेटले पराजित गर्दै दिल्ली क्यापिटल्स आईपीएल अंकतालिकाको शिर्ष स्थानमा उक्लेको छ। नरेन्द्र मोदी स्टेडियम अहमदावादमा सम्पन्न लिगको […]