फाइनलमा नेपालको भेट मलेसियासंग ( एसीसी यु-१६ पूर्वी )



  • विकेटनेपाल, बैशाख-१४ 

थाईल्याण्डमा जारि एसीसी अन्डर-१६ इस्टर्न प्रतियोगिताको उपाधिको लागि नेपालको प्रतिद्वन्द्वी मलेसिया हुने भएको छ।

आज सम्पन्न सेमीफाइनल खेलहरुमा नेपालले हंगकंगलाई ४ विकेटले तथा मलेसियाले सिंगापुरलाई ५८ रनले पराजित गर्दै फाइनलमा स्थान पक्का गरेको हो।

मलेसियाले पहिले ब्याटिंग गर्दै दिएको १७१ रनको लक्ष्य पछ्याउने क्रममा सिंगापुरले ११३ रनमा सम्पूर्ण विकेट गुमाउन पुग्यो। यस अघि सम्पन्न सेमीफाइनलमा हंगकंगले दिएको ८७ रनको लक्ष्य नेपालले ६ विकेट गुमाएर पुरा गरेको थियो।

नेपाल र मलेसिया बीच फाइनल खेल आइतबार नेपाली समय ९:१५ बजे खेलिनेछ।

प्रतियोगिताको नेपाल डिफेन्डिङ च्याम्पियन हो। २०१७ मा नेपालले सिंगापुरलाई पराजित गर्दै उपाधि जितेको थियो। यो पटक उपाधि रक्षा गर्ने बाटोमा अब नेपालले नयाँ प्रतिद्वन्द्वी पाउने भएको छ।

नेपाल र मलेसिया समूह चरणमा एकै समुहमा थिए। नेपाल समुह विजेताको रुपमा र मलेसिया उप-विजेताको रुपमा सेमीफाइनल प्रवेश गरेको थियो। यस क्रममा नेपालले मलेसियालाई ३९ रनले पराजित गरेको थियो।

समुह चरणमा नेपालले मलेसियालाई ३९ रनले पराजित गरेको थियो

मलेसियाले प्रतियोगिताको समुह चरणमा थाईल्याण्डलाई ७ विकेटले तथा म्यानमारलाई ८ विकेटले पराजित गरेको थियो। नेपालसंग पराजित हुने क्रममा पहिले ब्याटिंग गर्दै नेपालले बनाएको १४१ रनको जवाफमा १०२ रनमा सम्पूर्ण विकेट गुमाउन पुगेको थियो।

इतिहासमा नेपाल र मलेसिया अन्डर-१६ 

नेपाल र मलेसियाले अन्तिम पटक एसीसी यु-१६ ( पूर्वी ) प्रतियोगिताको अघिल्लो संस्करण २०१७ मा प्रतिस्पर्धा गरेका थिए। उक्त खेलमा नेपालले ७२ रनको जित हाँसिल गर्दै फाइनलमा प्रवेश गरेको थियो। खेलमा पहिले ब्याटिंग गर्दै नेपालले १२८ रनको लक्ष्य दिएको थियो र लक्ष्य पछ्याउने क्रममा मलेसिया ५५ रनमा अलआउट हुन पुगेको थियो।

२०१६ एसीसी यु-१६ ( पूर्वी ) प्रतियोगिता नेपालले जितेको थियो

त्यस अघि नेपालले सन् २०१४ को एसीसी यु-१६ मा पनि मलेसियालाई ३२ रनले पराजित गरेको थियो। पहिले ब्याटिंग गर्दै नेपालले दिएको १६२ रनको लक्ष्य पछ्याउने क्रममा मलेसिया १२९ रनमा अलआउट भएको थियो।

सन् २०१० को एसीसी यु-१६ इलाइट कपमा पनि नेपाल ३२ रनले विजयी भएको थियो । टियु मैदानमा सम्पन्न खेलमा नेपालले पहिले ब्याटिंग गरे दिएको १६३ रनको लक्ष्य पछ्याउने क्रममा मलेसियाले १३० रन मात्रै बनाउन सकेको थियो।

 

 





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]