नेपाल यु-१९ भारत भ्रमण : जित नजिक पुगेर १ विकेटले हार्यो नेपाल



  • विकेटनेपाल, चैत १६ 

अप्रिल १० देखि २० तारिकसम्म मलेसियामा आयोजना हुने आईसीसी अन्डर-१९ विश्वकप छनौट प्रतियोगिताको तयारी स्वरूप भारत भ्रमणमा रहेको नेपाली अन्डर-१९ क्रिकेट टिम आफ्नो छैठौं अभ्यास खेलमा आन्ध्रा यु-१९ संग १ विकेटको झिनो अन्तरले परजित भएको छ।

खेलमा पहिले ब्याटिंग गर्दै नेपाल अन्डर-१९ टिमले दिएको २५२ रनको लक्ष्य आन्ध्रा अन्डर-१९ ले दोश्रो इनिंगको अन्तिम बलमा ९ विकेट गुमाएर भेटाएको हो।

यस अघि सम्पन्न ४ वटा अभ्यास खेल मध्ये नेपालले ४ वटामा जित र एउटामा हार बेहोरेको थियो। पहिलो अभ्यास खेलमा नेपाल ६२ रनले विजयी हुँदा दोश्रो खेलमा ७२ रनले पराजित भएको थियो। तेश्रो खेलमा १ विकेटको रोमान्चक जित हात पर्दा चौथो खेलमा ९ रनको अन्तरले तथा पाँचौ खेलमा ५ विकेटको अन्तरले नेपाली युवा टिमले जित दर्ता गरेको थियो।

जित नजिक पुगेर हार्यो नेपाल 

लक्ष्य पछ्याउने क्रममा २१९ रनमा ९ विकेट गुमाईसकेर हारको नजिक पुगेको आन्ध्रालाई दशौँ विकेटको रुपमा कार्तिक रेड्डी र जोनी बशाले ३३ रनको साझेदारी गर्दै जितसम्म पुर्याएका थिए। १० औं नम्बरमा ब्याटिंग गरेका बशाले अविजित ३२ रन बनाउन ३० बलमा १ चौका र २ छक्का तथा ११ औं नम्बरमा ब्याटिंग गरेका रेड्डीले अविजित १२ रन बनाउन १० बलमा १ छक्का प्रहार गरे।

त्यस अघि आन्ध्रा ओपनर ब्याट्सम्यान नितेश कुमारले अर्धशतक बनाएका थिए। ७४ रन बनाएका उनले १०८ बलमा ४ चौका र २ छक्का प्रहार गरे।

नेपालको बलिंगमा अफ स्पिनर पवन सर्राफले सर्वाधिक ३ विकेट ( ६-०-३१-३ ) लिए भने प्रतिश जिसीले २ ( ९-२-३७-२) तथा रासिद खान ( ८-१-५०-१ ) , आकाश चन्द ( ६-०-४२-१ ), सुर्य तामांग ( ८-०-२७-१ ) ले १/१ विकेट लिए।

सन्दिप जोरा र रासिद खानको उत्कृस्ट ब्याटिंग 

यस अघि नेपालले पहिले ब्याटिंग गर्ने क्रममा ५० ओभरमा ९ विकेट गुमाएर २५१ रन बनाएको थियो।

नेपालको लागि सन्दिप जोराले सर्वाधिक ६९ रन बनाए। उनले ६७ बलमा ३ छक्का र ४ चौका प्रहार गरे। यस्तै रासिद खानले ४४ ( ४४ बलमा ३ चौका र २ छक्का ) , हरि चौहान र अभिषेक बस्नेतले समान ३५ रन तथा ओपनर रित गौतमले २२ रन योगदान दिए।

Rashid Khan ( File Photo )

पहिलो विकेटको रुपमा पवन सर्राफ खाता नखोली आउट भए पछि दोश्रो विकेटको लागि रित गौतम र अभिषेक बस्नेतले ४९ रनको साझेदारी गरेका थिए। रोहित पौडेल खाता नखोली आउट भए।

एक समय ६२/४ को स्थितिमा पुगेको नेपालको ब्याटिंगलाई सन्दिप जोरा र हरि चौहानले पाँचौ विकेटको लागि ११३ रनको साझेदारी गर्दै उकासेका थिए। हरिले रासिद खानसंग आठौँ विकेटको लागि ४९ रनको साझेदारी गरे।

आन्ध्राका बलर इस्माइलले सर्वाधिक ४ विकेट ( १०-०-६०-४ ) लिए।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]