भारत अभ्यास भ्रमण : दोश्रो खेलमा नेपाली युवा टिम पराजित



  • विकेटनेपाल, चैत-८

अप्रिल १० देखि २० तारिकसम्म मलेसियामा आयोजना हुने आईसीसी अन्डर-१९ विश्वकप छनौट प्रतियोगिताको तयारी स्वरूप भारत भ्रमणमा रहेको नेपाली अन्डर-१९ क्रिकेट टिम दोश्रो अभ्यास खेलमा आन्ध्रा टिमसंग ७२ रनले पराजित भएको छ।

युवा टिमले बुधबार सम्पन्न पहिलो अभ्यास खेलमा आन्ध्रा अन्डर-१९ टिमलाई ६२ रनले पराजित गरेको थियो।

निर्धारित ५० ओभरको खेलमा पहिले ब्याटिंग गरेको आन्ध्राले ४९.३ ओभरमा सम्पूर्ण विकेट गुमाएर २८९ रनको योगफल तयार गरेको थियो। उसको लागि तेश्रो नम्बरमा ब्याटिंग गरेका पी तपस्वीले शतकीय इनिंग खेल्ने क्रममा ११६ रन बनाएका थिए जुन क्रममा मात्र ८३ बलमा ८ छक्का र ६ चौका प्रहार गरे। यस्तै ओपनर हर्षभर्दन र नेक अपरान्जीले २४ रन योगदान दिए।

नेपालको बलिंगमा देब्रे हाते स्पिनर सुर्य तामांगले सर्वाधिक ३ विकेट लिए पनि १० ओभरमा ८० रन खर्चन पुगे। यस्तै कुशल मल्ल ( ७-०-३-१ ) , प्रतिष जिसी ( ७-०-३३-१ ) र शेर मल्ल ( ६-०-३९-१ ) ले १/१ विकेट लिए। राशिद खान र आकाश चन्द विकेट विहिन रहे।

नेपालको ब्याटिंग

अघिल्लो अभ्यास खेलमा अर्धशतक बनाएका कप्तान रोहित पौडेल र सन्दिप जोरालाई आराम दिईको नेपालले दुई जना बिना राम्रो ब्याटिंग गर्न सकेन। कुनै पनि ब्याट्सम्यानले अर्धशतकीय योगदान दिन नसक्दा ठुलो लक्ष्य पछ्याउने क्रममा नेपाली टिम ४५.२ ओभरमा २१७ रनमै समेटिन पुग्यो।

ओपनर रित गौतम र पवन सर्राफले पहिलो विकेटको लागि ६५ रनको साझेदारी गर्दै नेपाललाई राम्रो सुरुवात दिलाएका थिए। रित २१ तथा पवन ३५ रन बनाएर आउट हुन पुगेपछि भने नेपालले निरन्तर अन्तरालमा विकेट गुमाउन पुग्यो।

Pawan Sarraf
Pawan Sarraf

तेश्रो नम्बरमा ब्याटिंग गरेका अभिषेक बस्नेत २३, चौथो नम्बरमा आएका आसिफ शेख २५ रन बनाएर आउट भए। त्यसपछि आएका भिम शार्की र हरिबहादुर चौहान समान ५ रन बनाएर आउट भए।

६५/१ बाट १३२/६ को नाजुक अवस्थामा पुगेको नेपालको ब्याटिंगलाई सातौँ विकेटको लागि कुशल मल्ल र राशिद खानले ३८ रनको साझेदारी गर्दै अघि बढाए। ३० बलमा २/२ वटा चौका र छक्का प्रहार गरेका कुशल ३० रन बनाएर आउट भए पछि नेपालले बाँकी विकेट गुमाउन धेरै बेर लगाएन।

राशिद खान ३५ रन ( २६ बलमा २/२ चौका र छक्का ) बनाएर अविजित रहे पनि नेपाल लक्ष्य भन्दा निकै पछि २१७ रनमै समेटिन पुग्यो र ७२ रनको हार बेहोर्न बाध्य रह्यो।

Kushal Malla

आन्द्राका बलर हेमन्थ रेड्डीले सर्वाधिक ४ ( ७-०-३४-४ ) तथा टि विजयले २ विकेट लिए। स्कोरकार्ड हेर्नुस

भारत भ्रमण अन्तर्गत नेपालले ४ वटा अभ्यास खेल खेल्ने कार्यक्रम रहेको छ। यद्धपि आगामी अभ्यास खेल कहिले भन्ने बारे भने जानकारी गराईएको छैन।

 





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]