सागरको स्पिनमा घुम्यो हंगकंग, फाइनल जित्न नेपाललाई सामान्य लक्ष्य



देब्रे हाते स्पिनर सागर ढकालले उत्कृस्ट बलिंग गरेपछि एसीसी अन्डर-१९ इस्टर्न रिजन प्रतियोगिताको फाइनलमा हंगकंगले कमजोर प्रदर्शन गरेको छ ।

किनरारा ओभल मैदानमा टस जितेर नेपालले फिल्डिंग रोजेपछि ब्याटिंग गरेको हंगकंगले ४३.१ ओभरमा सबै विकेट गुमाएर ९५ रन बनाउदै नेपाललाई फाइनल जित्न ९६ रनको लक्ष्य प्रस्तुत गरेको छ।

फाइनल खेल जिते नेपाल आगामी अगस्टमा श्रीलंका आयोजना हुने यु-१९ एसिया कप खेल्न छनौट हुनेछ।

इनिंगको पहिलो ओभरमै बलिंग गरेका सागरले चौथो बलमा ओपनर नसरुल्लाको विकेट लिएका थिए। लगत्तै स्पेलमा अर्क ओभरमा पनि सागरले राहुल शर्माको विकेट लिंदा हंगकंगले रन नबनाउदै २ विकेट लिएको थियो।

तेश्रो विकेटको लागि ओपनर कल्हन चल्लु र कप्तान अदित गोरावराले २९ रनको साझेदारी गरे। १९ रन बनाएका कल्हनलाई १३ औं ओभरमा सागरले एलबिडब्लु धरापमा पार्दै तेश्रो सफलता दिलाए। लगत्तै आरुष भगतलाई पनि खाता नखोल्दै सागरले बोल्ड गरे।

पाँचौ विकेटको लागि कप्तान गोरावर र मेहरन बीच १८ रनको साझेदारी भयो। पुनः सागरले २३ औं ओभरमा मेहरनलाई स्टम्प आउट गर्दै पाँचौ विकेट दिलाए। लगातार रन नबन्दा ठुलो सट खेल्ने चक्करमा उनि आउट भए।

लगत्तै अर्को ओभरमा लेग स्पिअर तिलक राज भण्डारीले लगातार क्रिजमा जमीरहेका र उत्कृस्ट लयमा रहेका अदित गोरावराको विकेट लिए। प्रतियोगिताकै सर्वाधिक रनकर्ता गोरावरा स्लिपमा क्याच समातिन पुगे जस अघि उनले ७१ बलमा ४ चौका मदतले २४ रन बनाए।

त्यसपछि हंगकंगले पुरै ५० ओभर ब्याटिंग गर्ने उद्देस्यले निकै सुस्त ब्याटिंग गरेको। त्यस क्रममा सुस्त ब्याटिंग गर्दै २८ बलमा ३ रन बनाएका मोहम्मद हसन खान र ३७ बलमा १२ रन बनाएका रौनक कपुरलाई कमल ऐरीले बोल्ड गर्दै विकेट लिए।

नवौं विकेटको लागि मोहम्मद हसन ( २ ) र अब्दुल उर्सलानले २५ रनको साझेदारी गर्दै हंगकंग इनिंग तन्काए। ४३ औं ओभरमा हसनलाई कमलले एलबिडब्लु आउट गरे जसले ३७ बलमा ९ रन बनाए। उर्सलां पनि ७ रन बनाएर कुशल मल्लबाट बोल्ड आउट भए।

फलस्वरूप हंगकंग ४३.१ ओभरमा ९५ रनमै समेटिन पुग्यो।

नेपालको बलिंगमा सागर ढकाल एक्लैले ५ विकेट लिन १० ओभरमा ५ मेडन ओभर गर्दै मात्र १८ रन खर्चिए। पेस बलर कमल सिंह ऐरीले ३ व्केट ( ८-२-२३-३ ) लय भने कुशल मल्ल ( ८.१-५-४-१ ) र टिकल राज भण्डारीले ( ४-१-१२-१ ) १/१ विकेट लिए।

Kamal Airee

सागरको उत्कृस्ट बलिंग 

प्रतियोगितामा यस अघि सागरले चिनसंग ६ विकेट, सिंगापुरसंग १ विकेट तथा मलेसियासंग ३ विकेट लिएका थिए। आज लिएको ५ विकेट सहित कुल १५ विकेट लिंदै सागर प्रतियोगिताकै सर्वाधिक विकेटकर्ता बनेका छन् र प्लेयर अफ द सिरिज अवार्डको पनि दाबेदार बनेका छन्।

सन् २०१७ मा नेपालले प्रतियोगिताको उपाधि जित्दा ५ खेलमा १६ विकेट लिंदै सन्दिप लामिछाने प्रतियोगिताकै उत्कृस्ट खेलाडी चुनिएका थिए। दोश्रो पटक नेपाली खेलाडी त्यसतर्फ अघि बढेका छन्। सागर चिन र मलेसियासंगको खेलमा प्लेयर अफ द म्याच समेत चुनिएका थिए।





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]