करन केसीले उत्कृस्ट बलिंग गर्दा मलेसिया १२८ रनमै सिमित



नेपाल र मलेसीया बीच मलेसियामा २ वटा टि-२० अन्तर्राष्ट्रियको सिरिज अन्तर्गत पहिलो टि-२० किनरारा ओभल मैदानमा भइरहेको छ।

जुलाई २३ बाट सिंगापुरमा आयोजना हुने टि-२० विश्वकप छनौट एसिया फाइनल प्रतियोगितामा नेपाल र मलेसिया दुवै सहभागी हुँदैछन् जसको तयारीको लागि सिरिज आयोजना गरिएको हो। नेपाल र मलेसियाले कुनै पनि किसिमको सिरिज खेलेको योनै पहिलो पटक हो भने दुवै देश बीच यो नै पहलो टि-२० अन्तर्राष्ट्रिय समेत हो। दोश्रो टि-२० भोलि खेलिनेछ।

खेलमा टस जितेर पहिले ब्याटिंग गरेको मलेसियाले २० ओभरमा ९ विकेट गुमाएर १२८ रन बनाउदै नेपाललाई १२९ रनको लक्ष्य प्रस्तुत गरेको छ।

सोमपाल कामिले पहिलो ओभरमा मलेसिया ओपनर सयद अजिजलाई बोल्ड गर्दै नेपाललाई राम्रो सुरुवात दिलाएका थिए। त्यसपछि भने दोश्रो विकेटको लागि अर्का ओपनर भीरनदीप सिंह र फित्री शामले दोश्रो विकेटको लागि राम्रो साझेदारी गरे।

सातौँ ओभरमा सन्दिप लामिछानेले फित्रीलाई करन केसीबाट क्याच आउट गर्दै ४२ रनको साझेदारी तोडे। फित्रीले १३ बलमा १ चौका मदतले १२ रन बनाए। चौथो ओभरमानै ललित राजबंशीको बलमा फित्री क्याच आउट हुने मौका थियो तर ज्ञानेन्द्र मल्लले बाउन्ड्रीमा सहज क्याच छुटाउन पुगेका थिए।

Virandeep Singh

तेश्रो विकेटको लागि पनि नेपालको प्रतिक्षा लामै रह्यो। भीरनदिपले कप्तान एहमद फैजसंग अर्धशतकीय साझेदारी गरे। ४९ बलमा ७ चौका र १ छक्का प्रहार गरेपछि भिरनदिपलाई १५ औं ओभरमा बसन्त रेग्मीले क्याच आउट गराउदै पेभेलियन फर्काए।

लगत्तै रेग्मीले २ रन बनाएका शफिक शरिफलाई आफ्नै बलमा आफैले क्याच आउट गरे। लगातार विकेट गुमाउने क्रममा अमिनुद्दीन रामली ( ० रन ) लाई करन केसीले रन आउट गरे। खाता नखोल्दै मुनिएन्डीलाई सन्दिपले विकेटकिपर बिनोद भण्डारीबाट क्याच आउट गराए।

४५ रन बनाएर एक किनार सम्हालीरहेका कप्तान एहमद फैजलाई अन्तिम ओभरमा करन केसीले क्याच आउट गराए। ३९ बलमा उनले २ छक्का प्रहार गरे।

Basant Regmi
Basant Regmi

अन्तिम ओभरमा केसीले चौथो र पाँचौ बलमा लगातार २ विकेट लिए। फलस्वरूप मलेसियाले २० ओभरमा १२८ रन मात्रै बनाउन सक्यो।

नेपालको बलिंगमा करन केसीले ३ विकेट  ( ४-०-२७-३ ) तथा  बसन्त रेग्मी ( ४-०-२८-२ ) र सन्दिप लामिछाने ( ४-०-२५-२ ) ले २/२ र सोमपाल कामि ( ३-०-१५-१ ) ले १ विकेट लिए।

नेपालको अन्तिम ११ :- पारस खड्का ( कप्तान ) , ज्ञानेन्द्र मल्ल, शरद भेसावकर, बसन्त रेग्मी, सोमपाल कामि, करन केसी, बिनोद भण्डारी ( विकेटकिपर ) , प्रदिप ऐरी, सन्दिप लामिछाने, रोहित पौडेल, ललित राजबंशी

मलेसियासंग नेपालले इतिहासमा ४ वटा मात्र टि-२० खेलेको छ। टि-२० अन्तर्राष्ट्रिय मान्यता प्राप्त खेल भने नेपाल र मलेसियाले खेलेको छैन। ४ मध्ये नेपालले ३ वटामा जित र एउटा खेलमा हार बेहोरेको छ।

 





थप समाचार

अन्ततः डीककले मागे माफी- “कसैको अपमान गर्ने उद्देश्य थिएन”

टि-२० विश्वकप अन्तर्गत वेस्टइन्डिज बिरुद्धको खेलमा ‘ब्ल्याक लाइभ म्याटर’ अभियान अन्तर्गत घुंडा टेक्न अस्विकार गर्दै वेस्टइन्डिज बिरुद्धको खेल नखेलेका दक्षिण […]

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]