पारसले विस्फोटक ब्याटिंग गर्दा मलेसिया ७ विकेटले पराजित

Paras Khadka Half century


मलेसियामा सुरु भएको २ वटा टि-२० अन्तर्राष्ट्रियको सिरिज अन्तर्गत नेपालले पहिलो खेलमा मलेसियालाई ७ विकेटले पराजित गर्दै सिरिजमा १-० को अग्रता लिएको छ। सिरिज अन्तर्गत दोश्रो तथा अन्तिम खेल आइतबार खेलिनेछ।

मलेसियाले पहिले ब्याटिंग गर्दै दिएको १२९ रनको लक्ष्य नेपालले ३ विकेट गुमाएर १८.३ ओभरमै पुरा गर्यो ।

लक्ष्य पछ्याउने क्रममा ओपनर प्रदिप ऐरी र पारस खड्काले २९ रनको ओपनिंग साझेदारी गरे। १७ बलमा ८ रन बनाएर प्रदिप पाँचौ ओभरमा फित्री शामबाट क्याच आउट भए।

दोश्रो विकेटको लागि पारसले ज्ञानेन्द्र मल्लसंग २१ रनको साझेदारी गरे। ज्ञानेन्द्र २० बलमा ७ रन बनाएर १० औं ओभरमा अनवर रहमानबाट बोल्ड हुन पुगे। रोहित पौडेल पनि ४ बलमा १ चौका मदतले ५ रन बनाएर अनवरबाट एलबिडब्लु आउट हुन पुगे। त्यसपछि पनि पारस खड्काले एक किनार सम्हालीरहे र आक्रामक इनिंग खेले।

Paras Khadka
Paras Khadka

११.२ ओभरमा ६८/३ को अवस्थाबाट पाँचौ नम्बरमा ब्याटिंग गर्न आएका शरद भेसावकर संग पारसले साझेदारी गरे।

यो बीचमा पारसले टि-२० अन्तर्राष्ट्रियमा आफ्नो दोश्रो अर्धशतक पुरा गरे। यस अघि पारसले नेदरल्यान बिरुद्ध २०१५ मा अर्धशतक ( ५४ रन ) बनाएका थिए। टि-२० अन्तर्राष्ट्रियमा पारस पछि सुबास खकुरेल र सन्दिप जोराले मात्र अर्धशतक बनाउन सकेका छन्।

पारस र शरदले अविजित इनिंग खेल्दै नेपाललाई जितसम्म पुर्याए। चौथो विकेटको लागि दुवैले ६१ रनको साझेदारी गरे।

पारसले अविजित ८६ रन बनाए जुन क्रममा ५० बलमा ८ चौका र ५ छक्का प्रहार गरे। शरदले २० बलमा १ छक्का मदतले १६ रन बनाए।

पारसले बनाएको ८६ रन टि-२० अन्तर्राष्ट्रियमा नेपाली खेलाडीको सर्वाधिक व्यक्तिगत रन समेत हो। यस अघि सुवास खकुरेलले अफगानिस्तान बिरुद्ध टि-२० विश्वकप २०१४ मा बनाएको ५६ रन सर्वाधिक थियो जुन रेकर्ड पारसले तोडेका हुन्।

मलेसियाको बलिंगमा अनवर रहमानले २ विकेट ( ४-०-२०-२ ) तथा फित्री शामले १ विकेट ( ४-०-२६-१ ) लिए।

मलेसियाको ब्याटिंग 

यस अघि टस जितेर ब्याटिंग गरेको मलेसियाले २० ओभरमा ९ विकेट गुमाएर १२८ रन बनाएको थियो।

मलेसियाको लागि ओपनर भिरनदिप सिंहले सर्वाधिक ५७ रन ( ४९ बलमा ७ चौका र १ छक्का ) , कप्तान एहमद फैजले ४५ ( ३९ बलमा २ छक्का ) बनाए। फित्री शामले १२ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

Karan KC ( Getty Images )

नेपालको बलिंगमा करन केसीले ३ विकेट ( ४-०-२७-३ ) तथा बसन्त रेग्मी ( ४-०-२८-२ ) र सन्दिप लामिछाने ( ४-०-२५-२ ) ले २/२ र सोमपाल कामि ( ३-०-१५-१ ) ले १ विकेट लिए।

नेपालको अन्तिम ११ :- पारस खड्का ( कप्तान ) , ज्ञानेन्द्र मल्ल, शरद भेसावकर, बसन्त रेग्मी, सोमपाल कामि, करन केसी, बिनोद भण्डारी ( विकेटकिपर ) , प्रदिप ऐरी, सन्दिप लामिछाने, रोहित पौडेल, ललित राजबंशी





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]