नेपालको दोश्रो खेल मलेसियासंग, जित्ने पर्ने दबाब ( अंकतालिका सहित )



सिंगापुरमा जारि आईसीसी टि-२० विश्वकप छनौट ( एसिया फाइनल ) प्रतियोगिता अन्तर्गत पहिलो खेलमा कतारसंग ४ विकेटले पराजित भएको नेपालले दोश्रो खेल मलेसियासंग खेल्नेछ।

नेपाल र मलेसिया बीचको खेल बुधबार इन्डियन एसोसीएसन मैदानमा खेलिनेछ। खेल नेपाली समय ७:१५ बजे बिहान सुरु हुनेछ।

मलेसियाले १ खेल खेलीसकेको छ। उसले सोमबार कुवेतलाई ४२ रनले पराजित गरेको थियो। नेपाललाई भने पहिलो खेलमा हार पछि आगामी चरण छनौट हुन बाँकी ३ खेल जित्नु पर्ने दबाब बढेको छ। सहभागी ५ टिमबाट एउटा टिम मात्रै अक्टोबरमा युएईमा आयोजना हुने ग्लोबल क्वालिफायर खेल्न छनौट हुनेछ।

दोश्रो दिनको खेल सकिंदासम्म सिंगापुर २ खेलमा ३ अंक सहित अंकतालिकाको शिर्षस्थानमा रहेको छ। सिंगापुरले एउटा खेलमा जित हात पार्यो भने आज कुवेतसंगको खेल भने वर्षाको कारण हुन नपाउदा १/१ अंक बाँड्न बाध्य रह्यो। कतारले १ जित र १ हार बेहोर्दै २ अंक सहित तेश्रो स्थानमा रहेको छ। मलेसिया एउटा जित सहित दोश्रो स्थानमा रहेको छ।

नेपाललाई जित्न पर्ने दबाब 

पहिलो खेलमा हारे पछि अब नेपालले विश्वकप ग्लोबल छनौटमा छनौट हुन बाँकी ३ खेलमा जित्नु पर्ने दबाब बढेको छ। बाँकी ३ खेलमा नेपाल जितेमा नेपालको सम्भावना प्रवल हुनेछ। सबै खेल जितेको खण्डमा र अन्य कुनै एउटा टिमले पनि ३ खेलमा जित हात पारे नेट रनरेटको आधारमा उत्कृस्ट टिम चयन हुनसक्ने छ।

नेपालले अब जुलाई २४ मा मलेसियासंग, जुलाई २७ मा कुवेतसंग र जुलाई २८ मा सिंगापुरसंग खेल्नेछ।

मलेसियासंग जित्ने आशा 

जारि प्रतियोगिता अघि मलेसियासंग २ वटा खेलको टि-२० सिरिज खेलेको नेपालले दुवै खेलमा जित हाँसिल गरेको थियो। दोश्रो खेलमा नेपालले ६ रनको जित हाँसिल गर्दा पहिलो खेलमा भने ७ विकेटको सहज जित हाँसिल गरेको थियो।

प्रतियोगितामा मलेसियाले आफ्नो पहिलो खेलमा कुवेतलाई सहजै पराजित गरेको थियो। पहिले ब्याटिंग गर्दै मलेसियाले १६२ रन बनाएको थियो र जवाफमा ब्याटिंग गरेको कुवेत १२० रनमा समेटिन पुगेको थियो।

Sharad esawkar, Rohit Paudel

मलेसियाको ब्याट्सम्यानहरु लयमा आउनु नेपालको लागि खतरा हुन सक्छ। टि-२० सिरिजमा पनि दोश्रो टि-२० मा मलेसियन ब्याट्सम्यानहरुले नेपालको जित खोस्न खोजेका थिए। झनै सिंगापुरको छोटो बाउन्ड्री भएको मैदानमा मलेसियाका ब्याट्सम्यानहरु खतरनाक सावित हुन सक्नेछन्।

नेपालको भने परम्परानै बनेको ब्याटिंग कमजोरी मलेसियासंग सुधार हुनु पर्नेछ।  कतारसंग १२२ रनमा समेटीएपछि अब दोश्रो खेलमा भने ब्याट्सम्यानहरुले गल्ति दोहोर्याउन पाउनेछैनन्। कतारसंग ६ जना बलर लिएर खेलेको नेपाली टिमले पवन सर्राफ, रोहित पौडेल मध्ये १ खेलाडीलाई दोश्रो खेलमा खेलाउन सक्नेछ।

मलेसियासंग नेपालले हालसम्म ६ वटा टि-२० खेलेको छ भने २ वटा टि-२० अन्तर्राष्ट्रिय मान्यता पाएको खेल खेलेको छ। त्यसमध्ये एउटा खेलमा बाहेक नेपालले सबै खेलमा जित हाँसिल गरेको छ।

 





थप समाचार

PSL FINAL : मुल्तानद्वारा पेसावरलाई विसाल लक्ष्य, मक्सुद र रोस्योको आक्रामक इनिंग्स

पाकिस्तान सुपर लिगको उपाधि जित्न मुल्तान सुल्तान्सले पेशावर जाल्मीलाई विशाल लक्ष्य प्रस्तुत गरेको छ। युएईको अबुधाबी स्थित शेख जायद स्टेडियममा […]

PSL FINAL : बायो बबल प्रोटोकल तोड्दा हैदर र उमेदले खेल्न नपाउने

बिहिबार ( जुन २४ ) हुने पाकिस्तान सुपर लिगको फाइनलमा मुल्तान सुल्तान्स बिरुद्ध पेशावर जाल्मी दुई खेलाडी हैदर अलि र […]

WTC FINAL : भारतको हार पछाडीको ६ प्रमुख कारण

भारतको च्याम्पियन बन्ने सपना चकनाचुर पार्दै न्युजिल्यान्डले पहिलो संस्करणको आईसीसी वर्ल्ड टेस्ट च्याम्पियनसिपको उपाधि जित्न सफल रह्यो। इंग्ल्यान्डको साउथह्याम्प्टनमा सम्पन्न […]

ICC WCL2 : नेपालको स्पेन भ्रमण पनि स्थगित, अब कहिले छ आगामी खेल

नेपालले आगामी महिना जुलाईमा स्पेनमा खेल्ने आईसीसी विश्व कप लिग-२ अन्तर्गतको नामिबिया र स्कटल्याण्डसंगको त्रिकोणात्मक एकदिवसिय सिरिज स्थगित भएको छ। […]

वर्ल्ड टेस्ट च्याम्पियनसिपको विजेता न्युजिल्यान्डले कति पायो पुरस्कार रकम

न्युजिल्यान्डको रुपमा विश्व क्रिकेटले टेस्ट क्रिकेटको नयाँ च्याम्पियन पाएको छ। भारतलाई ८ विकेटले निराश बनाउदै केन विलियमसनकप्तानीको टिमले ऐतिहासिक पहिलो […]

“उनीहरु जितको हकदार थिए” कोहली

आईसीसी वर्ल्ड टेस्ट च्याम्पियनसिपको फाइनलमा न्युजिल्यान्डसंग ८ विकेटले पराजित भएपछि भारतीय कप्तान बिराट कोहलीले आफ्नो टिम कम्बीनेसनको रक्षा गरेका छन्। […]