एसीसी यु-१९ पूर्वी सेमी : नेपालको उत्कृस्ट बलिंग, मलेसिया ८७ रनमै समेटियो



मलेसियामा जारि एसीसी अन्डर-१९ इस्टर्न रिजन प्रतियोगिता अन्तर्गत सेमीफाइनलमा नेपाल र आयोजक मलेसियाले प्रतिस्पर्धा गरिरहेका छन्।

नेपाल समुह चरणमा समुह ‘ए’ को विजेताको रुपमा तथा मलेसिया समुह ‘बि’ को उपविजेताको रुपमा सेमीफाइनल प्रवेश गरेको हो। जारि दोश्रो सेमीफाइनलमा समुह ‘बि’ को बिजेता हंगकंग र समुह ‘ए’ को उपविजेता सिंगापुर पनि प्रतिस्पर्धा गरिरहेका छन्।

खेलमा टस जितेर नेपालले फिल्डिंग रोजेपछि ब्याटिंग गरेको मलेसियाले ४०.५ ओभरमा सबै विकेट गुमाएर ८७ रन बनाउदै नेपाललाई ८८ रनको लक्ष्य दिएको छ।

नेपाललाई इनिंगको पहिलो ओभरमै कमल सिंह ऐरीले विकेट दिलाए। असलम खान खाता नखोली क्याच आउट भए।

Kamal Singh Airee

 

दोश्रो विकेटको लागि वान अमिरुल र मुहम्मद आमिरले ३७ रनको साझेदारी गरे। १२ औं ओभरमा कुशल मल्लले आमिरलाई बोल्ड गरेपछि मलेसियाको विकेट पतन सुरु भयो। आमिर २४ रन बनाएर आउट भए।

सागर ढकालले ११ रन बनाएका जुलकरनियान, ३ रन बनाएका बिश्वरुबेन कुमारलाई पेभेलियन फर्काए। भिम शार्कीले १ रन बनाएका विजय उन्नीलाई उत्कृस्ट रन आउट गरे। सागरले मोहम्मद आरिफलाई खाता नखोल्दै पेभेलियन पठाउदा ३८/२ को स्थितिबाट मलेसिया ५५/६ को अवस्थामा पुग्यो।

त्यसपछि लेग स्पिनर तिलक भण्डारीले ४२ बलमा ७ रन बनाएर क्रिजमा अड्किरहेका तनिस अरोराको विकेट लिए। १२ रन बनाएका हैकल खैरलाई कुशल मल्लले बोल्ड गरे।

Sagar Dhakal

३३ औं ओभरमा ७५/८ पुगेको मलेसीयाको नवौं विकेट लिन नेपालले ८ ओभर कुर्नु पर्यो। अकमल अलिफ र सचिनु हेट्टीगेले १२ रनको साझेदारी गरे पनि नेपालको प्रतीक्षा लम्ब्याए। ४१ औं ओभरमा अलिफलाई रशिद खानले रन आउट गरे जसले ३६ बलमा १ चौका प्रहार गर्दै १० र बनाए। त्यही ओभरमा रशिदले सचिनुलाई बोल्ड गरे। २९ बलमा उनले मात्र १ रन बनाए।

मलेसियाले ४०.५ ओभरमा सबै विकेट गुमाएर ८७ रन बनायो।

नेपालको बलिंगमा सागर ढकालले सर्वाधिक ३ विकेट लिए जुन क्रममा १० ओभरमा ३ मेडन ओभर गर्दै मात्र १६ रन खर्चिए। चिनसंगको खेलमा पनि सागर एक्लैले ६ विकेट लिएका थिए। यस्तै कुशल मल्लले २ विकेट ( ९-५-१३-२ ) तथा कमल सिंह ऐरी ( ५-०-१४-१ ) र तिला राज भण्डारी ( ६-२-१३-१ ) ले १/१ विकेट लिए।

स्कोरकार्ड 

प्रतियोगितामा नेपालले पहिलो खेलमा चिनलाई १० विकेटले तथा दोश्रो खेलमा सिंगापुरलाई २१७ रनले पराजित गरेको थियो। डिफेन्डिङ च्याम्पियन नेपालले सन् २०१७ मा नेपालले हंगकंगलाई ५ विकेटले पराजित गर्दै उपाधि जितेको थियो।

नेपालको लागि प्रतियोगितामा जित हात पार्नु महत्वपूर्ण रहेको छ। प्रतियोगिताको विजेता टिम श्रीलंकामा यसै वर्ष अगस्ट/सेप्टेम्बरमा आयोजना हुने एसीसी अन्डर-१९ एसिया कप खेल्न छनौट हुनेछ। श्रीलंकामा हुने एसिया कपको लागि पश्चिम क्षेत्रबाट कुवेत र युएई छनोट भईसकेका छन्। प्रतियोगितामा टेस्ट राष्ट्रका यु१९ टिमहरु भारत, पाकिस्तान, श्रीलंका, बंगलादेश र अफगानिस्तान स्वतः छनौट भैसकेका छन्।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]