एसीसी यु-१९ पूर्वी सेमीफाइनलमा नेपाल र मलेसिया खेल्दै, यस्तो छ अन्तिम ५ खेलको नतिजा



मलेसियामा जारि एसीसी अन्डर-१९ पूर्वी क्षेत्र प्रतियोगता अन्तर्गत डिफेन्डिङ च्याम्पियन नेपालले सेमीफाइनलमा आयोजक मलेसियासंग खेल्दैछ।

जुलाई ८ सोमबार हुने खेल नेपाली समय ७:४५ बजे बिहान किनरारा ओभल मैदानमा खेलीदैछ। सोमबारनै दोश्रो सेमीफाइनलमा हंगकंग र सिंगापुरले प्रतिस्पर्धा गर्दैछन्।

समुह चरणमा नेपालले चिन र सिंगापुरलाई सहजै पराजित गर्दै समुह ‘ए’ को विजेताको रुपमा सेमीफाइनलमा स्थान बनाएको हो। मलेसिया समुह ‘बि’ को उप-विजेताको रुपमा सेमीफाइनल पुगेको हो। उसले ३ खेलमा २ जित र १ हार बेहोर्ने क्रममा भुटान र थाईल्याण्डसंग जित तथा हंगकंगसंग हार बेहोर्यो।

मलेसियासंग इतिहास 

नेपाल र मलेसिया अन्डर-१९ स्तरमा सबैभन्दा धेरै भेट भएका टोलि हुन्। सन् १९९७ को युथ एसिया कपमा दुई टिम बीच पहिलो पटक भेट भएको थियो जसपछि हालसम्म एक-अर्का बीच १६ पटक प्रतिस्पर्धा गरिसकेका छन्।

प्रतिस्पर्धा धेरै पटक भए पनि नतिजा भने सधै नेपालकै पक्षमा रहँदै आएको छ। १६ पटकमा मात्र १ पटक नेपाली युवा टिम मलेसियासंग पराजित हुनुपरेको छ।

मलेसियामै आयोजित सन् २०१४ को एसीसी अन्डर-१९ इलाइट कप अन्तर्गत तेश्रो स्थानको लागि भएको खेलमा नेपाल ६ विकेटले पराजित भयेको थियो। उक्त खेलमा टस जितेर ब्याटिंग गरेको नेपालले ४४ ओभरमा ११५ रनमा सबै विकेट गुमाएको थियो। मलेसियाले ३८.३ ओभरमा ४ विकेट गुमाएर लक्ष्य पुरा गर्यो।

नेपाल Vs मलेसिया : पछिल्लो ५ खेलको नतिजा र म्याच समरी  

आईसीसी यु-१९ विश्वकप छनौट २०१९ अप्रिल , मलेसिया :  नेपाल ८ विकेटले विजयी

टस हारेर ब्याटिंग गरेको मलेसिया ३३.५ ओभरमा ९२ रनमै अलआउट भएको थियो। नेपालले १३ ओभरमा २ विकेट गुमाएर लक्ष्य पुरा गर्यो। पवन सर्राफ र कुशल मल्लले ३/३ विकेट तथा रित गौतमले अविजित ३९ रन बनाएका थिए। स्कोरकार्ड 

एसीसी अन्डर-१९ एसिया कप २०१७ नोभेम्बर, मलेसिया : नेपाल ८ विकेटले विजयी

टस हारेर ब्याटिंग गरेको मलेसियाले १५.३ ओभरमा ४५ रनमा सबै विकेट गुमाउन पुगेको थियो। ५.२ ओभरमा २ विकेट गुमाएर नेपालले लक्ष्य पुरा गर्यो। सन्दिप लामिछानेले ५ तथा शाहब आलम र दिपेन्द्र ऐरीले २/२ विकेट लिएका थिए। स्कोरकार्ड 

Sandeep Lamichhane
Sandeep Lamichhane

आईसीसी यु-१९ विश्वकप छनौट एसिया २०१७ जुलाई, सिंगापुर : नेपाल ५ विकेटले विजयी

टस हारेर ब्याटिंग गरेको मलेसिया ३५.१ ओभरमा ८९ रनमा समेटिन पुगेको थियो। २२.५ ओभरमा ५ विकेट गुमाएर नेपालले लक्ष्य पुरा गर्यो।  सन्दिप लामिछानेले एक्लैले ७ विकेट लिएका थिए। स्कोरकार्ड 

आईसीसी यु-१९ विश्वकप छनौट एसिया २०१७ जुलाई, सिंगापुर : नेपाल ५ विकेटले विजयी

टस हारेर ब्याटिंग गरेको मलेसियाले २५.५ ओभरमा ५८ रन मात्रै बनाउन सकेको थियो। ९.५ ओभरमा नेपालले ५ विकेट गुमाएर लक्ष्य पुरा गर्यो। सन्दिप लामिछानेले ५ विकेट तथा पवन सर्राफले ३ विकेट लिएका थिए।  स्कोरकार्ड 

Pawan Sarraf
Pawan Sarraf

एसीसी यु-१९ एसिया कप २०१६ डिसेम्बर, श्रीलंका : नेपाल १ विकेटले विजयी

रोमान्चक खेलमा टस जितेर नेपालले बलिंग रोजेपछि ब्याटिंग गरेको मलेसियाले ४४.४ ओभरमा १५३ रन बनाएको थियो। नेपालले ९ विकेट गुमाएर ४४.४ ओभरमा लक्ष्य पुरा गर्यो।

८० रनमा ६ विकेट गुमीसकेको अवस्थामा छैठौं नम्बरमा ब्याटिंग गरेका अनिल साहले ३२ तथा दशौ नम्बरमा ब्याटिंग गर्दै पवन सर्राफले अविजित २९ रन बनाउदै जित दिलाएका थिए। बलिंगमा आदील खानले ३ तथा सन्दिप लामिछाने र दिपेन्द्र ऐरीले २/२ विकेट लिएका थिए। स्कोरकार्ड 

 





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]