एसीसी यु-१६ पूर्वी फाइनल – नेपालद्वारा मलेसियालाई १४१ रनको लक्ष्य



थाईल्याण्डमा जारि एसीसी अन्डर-१६ ( पूर्वी ) प्रतियोगिताको फाइनलमा नेपाल र मलेसिया प्रतिस्पर्धा गरिरहेका छन्।

प्रतियोगिताको डिफेन्डिङ च्याम्पियन समेत रहेको नेपालले खेलमा टस जितेर पहिले ब्याटिंग गर्दै निर्धारित ३५ ओभरमा १४० रन बनाएको छ र मलेसियालाईइ १४१ रनको लक्ष्य दिएको छ।

नेपालको सुरुवात राम्रो हुन सकेन। सुशान्त थापा ५, अइस भट्टराई ५ रन बनाएर आउट भए । १९ बलमा २ चौका र १ छक्का प्रहार गर्दै २३ रन बनाएका दिपक बोहरा पनि आउट हुँदा नेपाल ३३/३ को अवस्थामा पुग्यो।

चौथो विकेटको लागि कप्तान बिशाल बिक्रम केसी र प्रशान्त महतले चौथो विकेटको लागि ३५ रनको साझेदारी गरे। बिशाल १७ रन बनाएर आउट भए।

त्यसपछि एक प्रशान्त महतले एक किनार सम्हालीरहे पनि नेपालले लगातार विकेट गुमायो। रोहण दुधराज ९, बिशाल कुमार पटेल २, कृश कार्की ९ , निखिल कुमार १३ रन बनाएर आउट भए। तिलक राज भण्डारीले अविजित ८ र रमेश कुर्मीले अविजित २ रन बनाए।

प्रशान्तले नेपालको लागि सर्वाधिक ४० रन बनाए जुन क्रममा ६७ बलमा ५ चौका प्रहार गरे।

नेपालले निर्धारित ३५ ओभरमा ९ विकेट गुमाएर १४० रनको योगफल तयार गर्यो।

कसिलो बलिंग गरेको मलेसियाको लागि बलिंगमा सचिनु हेट्टीगेले सर्वाधिक ३ विकेट ( ७-०-१४-३ ) लिए भने जिनेन्द्र मुरलीले २ विकेट ( ७-२-३१-२ ) लिए।

प्रतियोगिताको समुह चरणको खेलमा नेपालले मलेसियालाई पराजित गरिसकेको छ। उक्त खेलमा नेपाल  ३९ रनले विजयी भएको थियो। नेपालले पहिले ब्याटिंग गर्दै १४१ रन बनाएको थियो र लक्ष्य पछ्याउने क्रममा १०२ रनमा समेटिएको थियो।

समूह चरणमा एकै समुहमा रहेको नेपाल समुह विजेता र मलेसिया उप-विजेताको रुपमा सेमीफाइनल प्रवेश गरेको थियो। नेपालले सेमीफाइनलमा हंगकंगलाई तथा मलेसियाले सिंगापुरलाई पराजित गर्दै फाइनलको यात्रा तय गरेको हो।

नेपालले सन् २०१७ को एसीसी यु-१६ ( पूर्वी ) प्रतियोगिताको उपाधि जित्ने क्रममा सिंगापुरलाई पराजित गरेको थियो।

खेलको फोटोहरु – 





थप समाचार

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]

हातमा आएको जित खोसीएपछि राहुलले भने “यो हार पचाउन गाह्रो छ।”

पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान […]

IPL : सनसनीपूर्ण खेलमा राजस्थानद्वारा पन्जाब २ रनले पराजित, त्यागिको अपत्यारिलो ओभर

कार्तिक त्यागिले अपत्यारिलो बलिंग गरेपछि पन्जाब किंग्सलाई राजस्थान रोयल्सले मात्र २ रनले पराजित गरेको छ।  युएईको दुबई अन्तर्राष्ट्रिय क्रिकेट स्टेडियममा […]

IPL : अर्शदिपले ५ विकेट लिंदा उत्कृस्ट सुरुवातको बाबजुद राजस्थान १८५ मा सिमित

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]

IPL : टस हारेर राजस्थान ब्याटिंग गर्दै, पन्जाबको अन्तिम-११ बाट गेल बाहिर

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]